ROM 2:6 - Bawm Common Language Bible Version

⁶ Pathian nih chun mikip an thilti hâwi vima hen lâwmman a pêk lai.

ROM 2:6 ပူးပေါင်းရင်းမြစ်များ

JOB LASUIBU 34:11

Mi tla chu an thilti hâwi hen, lâwmman a pêk tâwn le, anmah ruam vima hen an tlûnah thil a ti.

SAM 62:12

LALPA, nangmah ngelchel nih, mikip an thilti hâwi vima hen lâwmman pêk na.

EXODUS 32:34

Tuah ka nan simh mi mun ah mi zapi tla chu kalpi na ko. Ka vânmifial nih a nan ruai vima ding mi kha theihkumza le, sikhawmsele, ka mi le tla an sual ruangah ka rêp na ding mi tik chu a tlung teh lai,” a ti.

THUFING LASUIBU 24:12

Kei ti ding mi zât asi lo na ti kho, sikhawmsele Pathian nih na thinlung ruat a theih le, lâi a rêl. A nan vêng tet le, a nan theih ko. Na thilti zia zia hen an pêk lai.

THUFING LASUIBU 24:2

Nawknâk tuah ding karo an dawn le, mi zeimaw mi rangah nganfâk pêk ding karo an sim.

THUFING LASUIBU 26:10

Mi â rangah lawh lâktu chu mikip rangah siat-leh-râwktu asi.

THUSIMTU 3:17

Ka thinlungah “Pathian nih mirep leh misual lakah bang cho hen lâi a rêl piak na awt, thil zeizawng leh thilti mi khawm a tik ruat mi lakah a hawng um lai,” ka ti.

JEREMIA 17:10

Kei, LALPA nih, minung thinlung tla chu ka hâwl le, Ka nik rawh. An umdân leh an thilti zia hâwi vima hen ka ti na,” a ti.

JEREMIA 32:19

Fing tak hen thilti ding na ruat le, thil rokual na ti; mikip nih thil an ti mi na muh, an thilti zia hâwi vima hen lâwmman na pêk na.

EZEKIEL 18:20

Thilsual titu chu a thi ding asi. A pa sual ruangah a fa nih a tuar ding asi lo, a fapa sual ruangah a pa khawm nih a tuar ding asi lo. Mi ṭha nih thil ṭha ti lâwmman a tawng lai le, misual nih a thilsual ti mi ruangah a tuar lai.

EZEKIEL 18:30

“Tuah, kei LALPA Zahkâi nih Israel mi tla mikip nan thilti zia zia hen nan lâi kan rêl piak chiau na awt ti kan simh na. Thilsual nan tinâk ah mi kîr u, nan thilsual ti nih an veih lah na seh.

EZEKIEL 36:19

An umdân leh an thilti lakah ka mawhtir le, ramdang minung ram ah ka rekrâwitir na.

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

ROM 14:22

Lungnâk na nei mi chu Pathian mâika ah nangmah cho theih hen nei ko rawh. Mah nih ṭha ti leikângah mawh hen â ruat lo mi chu a thaw a suak.

1 KORIN 3:8

Chun, a phuntu leh tî hen châwmtu chu pumkhat an si, sikhawmsele anmah rianṭuan hamh zia hâwi vima hen lâwmman an tawng vevê lai.

1 KORIN 4:5

Chun, a hun lânah hin zeikhawm nik lah u, Lalpa a hawng kal lânlo chu. Anih nih chun mûi thil thup tla chu chêu ah a hawng suah lai le, thinlung ah tum mi khawm chu a hawng langh lai; chu tikah chun mikip nih Pathian lakah chun mah ting tâwk ah sawr an lawh chiau lai rawh.

2 KORIN 11:15

Churuangah a rianṭuantu tla khawm chu repnâk rianṭuantu ah a siam sawm khawmsele thilchê asi lo; chubang tla dawnghnâk chu an thilti hâwi vima asi lai.

2 KORIN 5:10

Mi kip nih taksa thil tla chu a siat a ṭhat hen kan ti hâwi vima hen kan tawng chiau khonâk ding hen Krist lâirêlnâk tophah mâika ah chun langhtir hen kan um ver ding asi.

2 TIMOTHE 4:14

Alekzandar, dâr êr thiam mi kha, ka lakah thungâi a sual tâwn asi, Lalpa nih chun a thilti zia vima hen lehrûl a sam lai.

THUPHUANG 2:23

Chun, kei khawm nih a zûltu tla chu ka thah na lai le, kawhmi murui tla nih chun kei hi mi duhnâk tla leh an thinlung tla dawnruatnâk theihtu chu kasi ti an hawng ka theih lai, chun, nan thilti hâwi vima hen kan rulh na lai.

THUPHUANG 20:12

Chun, mithi tla, a lian a mê hen, laltophah mâika ah an dîr mi ka muh le, chun lasuibu tla chu a kêu le, chun, lasuibu dang, nungnâk lasuibu khawm a kêu le, chun, mithi tla chu an thilti lasuibu tla ah â rîn hâwitê hen lâirêl piak hen an um rawh.

THUPHUANG 22:12

Chun, Jisu nih, “Ngâinik!’’ ‘’Ka hawng kal tuan awt hi! Mi kip an thilti hâwi vima hen pêk na ding hen ka lâwmman ka hawng put awt asi.