5 Thinlung lianhnâk leh thinlung khauhnâk nan nei. Churuangah Pathian thinrunhnâk leh lâirêlnâk dik tak a hawng lang tik Ni ah chun nanmah rêpnâk lian dauh nan siam asi.
Anmah hâwi hen lungkhung lah u, LALPA thu ngâi u. Jerusalem a Biakin ah hawng u, chu chu LALPA nan Pathian nih thenhlimh tak hen amah sawnhnâk ah a siam mi asi le, chu tikah LALPA chu nan lakah a thinthawk lai lo rawh.
Zedekiah chu Nebukadnezar nih zumhkâi tak hen Pathian min hen thutiamnâk nei êu ding a ti piak mi a êl. Lungkhung tak hen a ngâi duh lo le, LALPA Israel Pathian leiah kîr ding hen a rim duh lo.
Aigupta mi tla chu an lung ka khungtir na lai le, ka ṭhâwl tir vima na lai, lalchem leh a kawrsen tla, a kari leh a khalhtu tla ka nehnâk chu keimah thangṭhatnâk ding asi.
Tuah ka nan simh mi mun ah mi zapi tla chu kalpi na ko. Ka vânmifial nih a nan ruai vima ding mi kha theihkumza le, sikhawmsele, ka mi le tla an sual ruangah ka rêp na ding mi tik chu a tlung teh lai,” a ti.
Lalchem nih chu-uh tla a thi ver mi a muh rawh chun, a lîlâ hen a lung a khung fâwn, LALPA nih a sim ziatê hen Aron leh Mosi thu chu zeikhawm a siar lo.
Thinlung thar leh dawnruatnâk thar ka pêk na lai. An thinlung ê-aw ngâilonâk lung hâwi hen a chang mi chu ka lawnh piak na lai le, thinlung ê-aw ngâinâk ka pêk na lai.
Sikhawmsele, Israel mi tla lakah aûkhawm nih na thu an ngâi piak duh lai lo; kei thu khawm an ngâi ding asi lo. An ektê hen an lungkhung hen zeikhawm an siarlo.
LALPA nih, “Hi bang mi tla nih hin dân buar leh siat leh râwk hen thil an lâk mi tla hen an in sung tla an khattir, zumhkâi hen um ding dân khawm an theih loh.
Unau le tla, thuthup hi nan theih loh ka duh lo, chu lo chun nanna fingtir lai le; Phundang tla rangtlingnâk a hawng tlung lânlo chu Israel mi zeimaw mi tla tlûnah thinlung changnâk a hawng tlung rih asi, ti hi.
Zângfahnâk bêl, rokual ding hen a timhtuah kanh tla lak chun, a zângfahnâk tam zia a zauhtir khonâk ding hen, thinthawknâk bêl veih tlâk tla tlûnah chun, Pathian nih thinthawk leh a thiltikhonâk langhtir duh khawmsele, â dawnh rarâm chun zei me pawi lai?
Mi kip nih taksa thil tla chu a siat a ṭhat hen kan ti hâwi vima hen kan tawng chiau khonâk ding hen Krist lâirêlnâk tophah mâika ah chun langhtir hen kan um ver ding asi.
“Sikhawmsele, Sihon lalchem nih chun a ram kan pal ding mi chu a siang lo. LALPA nan Pathian nih a lung a khungtir le, a hel, amah chu kan neh hen kan luah mi ram hi kan lâk khonâk ding hen.
Pathian lasui thu nih, ‘Tusûn an ti sung hin, nisiar hen a fawrh tawnh u. Chu lo chun, nan lakah mi âumawh sual perpetnâk ah lungkhungtir hen nan um sual lebang lai,’ ti hen kan sinah a mang asi.
Kum tam tak nûnah David lakah a sim mi “Tusûn,” ti hen ni dang a ruat nawlh asi. Pathian lasui thu nih, “Tusûn hin a-aw nan theih chun, nan thinlung changtir lah u,” ti hen.
Nan ngûn leh tangka tla a êk ver rawh le, a êk mi chu nan mawh ti theihnâk asi lai le, nan taksa chu mei kâng hâwi hen a ei hep lai. Ni dawnghnâk leiah chun neih nan khawng asi.
LALPA nih Israel tla do ding hen a duhtir na le, khuaruat lo thlo hen mawhnâk ruangah thah hep an si khonâk ding hen. Chu tak chu LALPA nih Mosi sinah thu a pêk mi chu asi.
Sikhawmsele, tuah vân tla leh tual um mi tla hi, Pathian thu ber hen mei hen veih an si lai le, Pathian sunhsaklo tla lâirêlnâk leh veihnâk ding ni rangah siah an si.
Vânmifial anmah thuneihnâk tâwk ri duh lo hen, an mun kaltâktu tla chu, mawhtir hen an umnâk ding Ni rokual tak rangah zungzâl chikchîn hen Pathian nih phuar hen mûi ah a siah na mi chu theihkumza u.
Aigupta lalchem leh a mi tla hâwi hen zei rangah ti ti hen nan lungkhung? Israel tla nih Aigupta an mâk tiang hen Pathian nih â tak hen a siam na mi kha philh lah u me.