ROM 2:4 - Bawm Common Language Bible Version

⁴ Asi lo leh, Pathian ṭhatnâk nih rimnâk ding hen a nan ruai na tâwn ti theihlo hen, a ṭhatnâk neih tam zia leh â zauh kho zia leh â dawnhkho zia chu nêp dîk hen ma nan ruat?

ROM 2:4 ပူးပေါင်းရင်းမြစ်များ

SAM 10:11

Misual nih a thinlung hen, “Pathian nih a sunhsak lai lo! a mit a sîm le, hawng ka muh lai loh,” a ti.

SAM 104:24

LALPA, thil tam tak na siam! An ektê hen fing tak hen na siam na. Na thilsiam hen tual a khat.

SAM 31:19

Nangmah an zahtu tla rangah thil ṭha na kil mi chu a chê chiam e! Na ṭhat zia leh nangmah a nan zumhtu chu na hum na zia mikip nih an theih.

SAM 78:38

Sikhawmsele Pathian nih a mi le tla tlûnah khua a ruat. An sual a ngaihdam le, a veih na loh. Vei tam tak a thinthawknâk a lêt hen â sûm.

SAM 86:15

Sikhawmsele, LALPA nang lam chu, khuaruat mang leh dâwttu Pathian na si; dawnh kho kumza leh vâlnei leh zumhkâi na si.

SAM 86:5

Nang chu kan lakah na ṭha hen na kan ngaihdam, na sinah thlachamtu chu dâwtnâk dawnglo na pêk.

EXODUS 34:6

LALPA chu a kiangah a hawng le, Mosi rangah a kawh, “Kei, LALPA Pathian, lungkham leh siherhnâk nei mi kasi, mi nunfual leh dâwttu rokual zumhkâi kasi.

THUSIMTU 8:11

Zei rangah mi nih thilsual âwlzâng tak hen an ti zia? Thilsual ti chu rêp sâwm an si lo ruangah.

ISAI 30:18

Chu hâwi asi khawm ah LALPA lam chu nan lakah khua a ruat nget rih. Thil dik a ti kumza mi asi ruangah nan lakah lungkhamnâk a nei kumza. LALPA ngauhsantu tla chu an thaw a suak.

JEREMIA 7:10

Hi bang thil ka hua mi tla hi nan ti le, ka Biakin takah nan hawng le, ka mâika ah dîr hen ‘Kan him mi rawh!’ nan ti.

EZEKIEL 11:19

Thinlung thar leh dawnruatnâk thar ka pêk na lai. An thinlung ê-aw ngâilonâk lung hâwi hen a chang mi chu ka lawnh piak na lai le, thinlung ê-aw ngâinâk ka pêk na lai.

EZEKIEL 16:63

Thilsual na ti mi zawzawng ka nan ngaihdam lai le, sikhawmsele nang khawm nih na theihkumza na lai le, na ningzak tuk ruangah hawlh khawm na hawlh lai lo,” a ti. LALPA Zahkâi nih a sim asi.

HOSEA 3:5

Sikhawmsele Israel mi tla chu LALPA an Pathian leiah David thlâk lakah mi an lal hawng tik a um teh lai. Churawhchun, LALPA an ṭih lai le, a thil ṭha pêk tla anna ting lai rawh.

JONA 4:2

Churawhchun, thla a cham le, “LALPA, in thawk hen ka suak lânah chu hâwi hen na ti lai kan ti mi hâwi kha asi taktê lo ma? Hi ruangah asi Spain ram ah tek ding ka tum mi kha. Nang chu mi dâwttu leh khuaruattu Pathian na si ti ka theih, na dawnh kho kumza, vêl na nei kumza, rêplo hen thinlung lêt tum kumza mi na si ti ka theih.

NUMBER 14:18

‘Kei, LALPA mi nunfual kasi, mi hel tla lakah zângfahnâk rokual leh sual ngaihdamtu ding hen mi zumhkâi kasi, na ti asi lo ma?’ An nu leh an pa sual ruangah an tu leh an fa tla san thum leh san linâk tiang hen ka rêp na awt ti rawh khawm le;

ROM 10:12

Juda leh Phundang tla chu zeikhawm ah anna dang lêm lo, Lalpa pakhat an ektê tlûnah Lalpa asi le, a lamtu vial tla tlûnah ṭhatnâk tam tak a nei.

ROM 11:22

Chun, Pathian ṭhat zia leh ṭihnung a kâi zia chu ruat nik; a tlû mi tla rangah chun ṭihnung a kâi le, nang rangah lam chun a ṭha asi, a ṭhatnâk ah na um ko chun; chu lo chun nang khawm sah hen na um lai.

ROM 11:33

Pathian finghnâk leh theihnâk tam zia chu a thûk a! A lâirêlnâk tla chu theih kho lo leh a lampi tla chu zâwt kho mi zât asi lo chiam e!

ROM 3:25

Pathian dawnhkhonâk ah tuan liauah sual tla ngaihdam hen a um ruang khan, Pathian nih amah rep zia zauhtirnâk ding hen Krist Jisu chu a thisen ah, lung ruangah sual thutluang vawrnâk ah a ruat.

ROM 6:1

Zeise kan sim lai rawh ne? Zângfahnâk chu a pung khonâk ding hen sual hen nget ma kan um awt?

ROM 6:15

Zeitin asi lai ne? Dân lâirêl hen um kan si lo le, zângfahnâk lâirêl hen um kan si dauh ruangah kan sual ding ma si lai?

2 KORIN 8:2

Kha hâwi hen hamh hen niknâk fâk tak lakah thungâi anna lâwm, an pâm thlo khawmsele hawknâk fâk tak ah â chang zia kha.

EPHESI 1:18

Chun, nan thinlung mit tla deitir a um hen amah kawhnâk lungumnâk tla hen mi thenhlimh tla lakah chun a ro ting ding rokual chawng zia tla,

EPHESI 1:7

A thisen hen amah lakah tlanhnâk kan nei asi, a zângfahnâk chawng zia hâwi vima hen kan buarnâk tla ngaihdamnâk chu.

EPHESI 2:4

Sikhawmsele, Pathian nih chun zângfahnâk a chawng hen a zângfahnâk fâk tak ruangah khan,

EPHESI 2:7

Chun, tik hawng tlung ding mi lakah Krist Jisu ah kan tlûnah vêl nei hen a zângfahnâk neih fâk zia chu a zauhtir kho lai.

EPHESI 3:8

Phundang tla sinah Krist neihsiahnâk sût châwklo rê thâwngthâng sim ding leh thuthup zungzâl thawk hen Pathian zeizawng siamtu lakah thuh hen a um mi zauhkhenhnâk chu zeise asi ti, mi mêchem ngâk a mê dauh sinah chu zângfahnâk chu pêk asi.

PHILIPI 4:19

Chun, ka Pathian nih chun Krist Jisu ah a rokualnâk chawng zia hâwi vima hen nan samphangnâk zeizawng khawm an ṭangpi na lai.

KOLOSA 1:27

Chubang na sinah chun chu thuthup rokualnâk chawng zia chu Pathian nih theihtir a duh rerêng asi; chu thuthup chu Krist nanmah lakah um mi rokualnâk lungumnâk san chu asi;

KOLOSA 2:2

Chun, Pathian thuthup finghnâk leh theihnâk ro zawzawng thuhnâk Krist chu an theih khonâk ding hen, theih a lung thlirnâk neihnâk zawzawng chu ting ding hen zângfahnâk ah a sih dut hen, an thinlung tla chu lungngam hen a um kho lai.

1 TIMOTHE 1:16

Sikhawmsele, hi ruangah hin asi khuaruatnâk ka tawng mi chu, Jisu Krist nih chun misual chem ka lakah hin â dawnhkho zia zawzawng a langhtir khonâk ding hen hi nûnah zungzâl nungnâk nei ding hen amah lungtu tla rangah zûnzauhnâk ding ah.

1 TIMOTHE 6:17

Hi laikulh minei tla hi a zûm lo ding leh neihnâk zumhkâilo ah an lungumnâk ngauh lo hen, thil zawzawng lâwmnâk ding ah hawng kan pêktu Pathian sinah ngauh ding hen nunsimh na rawh.

1 PETER 3:20

Chu tla chu a lânah, Noa san ah lawng sâi liauah, Pathian nih dawnhkho tak hen a ngâk na liauah lung ding duhlotu tla thlarau an si. Lawng ah mi tâwmtê, pariat cho tî lakah mi ruangsuak hen an um;

2 PETER 1:11

Hi hâwi hen, Jisu Krist kan Lalpa leh ruangsuahtu zungzâl ram ah lût khonâk chu pêk nan si lai.

2 PETER 3:15

Kan unaupa Pawl nih, Pathian nih finghnâk a pêk mi chu mang hen nan sinah lasui a hawng rîn hâwi khan, Lalpa dawnhkhonâk chu ruangsuahnâk tik ṭha a nan pêk na mi hâwi hen ruat u.

2 PETER 3:3

Hi hi a masa hen theih ule, ni dawnghlei ah chun, anmah duhnâk hâwi vima a um hen, mi mah kawngkâ cho ruattu tla an hawng um lai.

2 PETER 3:9

Mi zeimaw mi nih Lalpa chu fûm hen an ruat hâwi hen a thutiam leikângah chun a fûm lo, âukhawm tlâu ding siang lo hen, mi zawzawng rim duh hen, nan lakah â dawnhkho mi asi dauh.

THUPHUANG 2:21

Chun, a sual rimnâk ding tik ka ruat piak le, sikhawmsele, a hurnâk sual chu a rim duh lo.

THUPHUANG 3:20

Ngâinik, kawtkari ah dîr hen ka kik hi, âuzawng ka hâu theih hen kawtkâ hawng ka awnh chun, a sinah ka lût lai le, zânriah ka ei lai le, anih khawm ka sinah a ei bâk lai.