ROM 2:3 - Bawm Common Language Bible Version

³ Churuangah, ka hâwi tla, nannih chu hâwi thil ti tâwn tla sâwitu, nannih nih chu hâwi thil nan ti bâk dangâiah Pathian nih lâi a rêlnâk lakah âwl ding nanna ruat mazei?

ROM 2:3 ပူးပေါင်းရင်းမြစ်များ

2 SAMUEL 10:3

Amon ruitu tla nih lal sinah, “David nih na pa zah ruangah dâwtnâk thusim ding hen hi bang tla hi hawng fial ding hen ma na ruat? Asi rîlmâl lai loh! Kanmah hawng kan neh khonâk ding hen khuapi thlingthlâktu ah a hawng fial na mi an si!” an ti.

SAM 50:21

Hi zawzawng thil na ti khawm ah zei thu khawm ka sim lo, churuang chun nangmah hen bang cho na ka ruat. Churuang chun tuah nunsimh hen thu ka nan simhfiang lai.

SAM 56:7

Pathian, hi minung tla hi na thinthawknâk hen rêp na le, neh na.

THUFING LASUIBU 11:21

Misual rêp ding mi chu na theih chia asi. Sikhawmsele mirep tla chu ruang an suak lai.

THUFING LASUIBU 16:5

LALPA nih â zûm mi zawzawng chu a hua le, rêp lo hen a zuah na lai lo.

EZEKIEL 17:15

Sikhawmsele, Juda lalchem chu a hel le, amah ṭangpitu Aigupta sinah chun rang tam tak leh kawrsen tam tak a deih ding hen a fial. Chu chu a tawng lai ma? Chu nih chun ruang a suah kho lai ma? thutiam chu a râwk kho lai lo le, rêp lo hen a um kho lai lo!

EZEKIEL 17:18

A thutiam leh siat tleih a buar rawh. Hi bang thil zawzawng hi a ti rawh le, tu chun a suak lai lo rawh,” a ti.

DANIAL 10:19

Anih nih, “Pathian nih a nan dâwt, zeikhawm nih a nan dîttir hen a nan lâutir lah seh,” a ti. Hi a sim liau chirah tâwm chak dauh hen ka theih le, kei nih, “Pu sim ding na duh mi chu hawng ka simh. Na ka ṭhattir dauh rawh,” ka ti.

MATHAI 23:33

Rûl tla, rûl thlâk tla, Gehena lâirêlnâk chu zeitin nan âwl kho lai?

MATHAI 26:53

Tu khawm ah vânmifial sâng ruk mun leinih ngâk a tam dauh hawng ka fial piak ding hen ka Pa sinah ngiar kho lo hen ma na ka ruat?

LUK 12:14

Sikhawmsele, anih nih chun a sinah, “Minung, nannih tlûnah âunih me lâirêltu ah leh sum ṭhenhtu ah hawng ka siam?” a ti.

LUK 22:58

Chun, a nehnûn dauh ah midang nih a hawng muh nawlh le, “Nang khawm an lakah mi na si hi!” a ti. Peter lam nih chun, “Kei kasi lo,” a ti.

LUK 22:60

Chun, Peter nih, “Na thusim chu ka theih lo,” a ti. Chun, zeikarlo ah a hawlh liau takah chun âr a khuang sawm rawh.

ROM 1:32

Chu hâwi thil titu tla chu thi ding rêng an si ti Pathian ruat chu theih ko hen, anmah lâwng nih ti mi cho khawm silo hen, midang ti tâwntu tla tlûnah khawm anna lâwm tâwn.

ROM 2:1

Churuangah, ka hâwi tla, midang tla tlûnah lâi nan rêl mu? Mi âutal si khawm ule, ngaihdamnâk rerêng nan nei lo. Midang lâi nan rêl liauah chu hâwi thil an ti mi tla hâwi nan ti bâk tâwn ruangah nanmah leh nanmah nanna mawhtir asi.

ROM 2:2

Chu hâwi thil ti tâwntu tla tlûnah chun Pathian nih a lâirêlnâk chu dik tak asi vima asi ti kan theih.

ROM 9:20

Asi, sikhawmsele, aw minung, Pathian êltu chu âu me na si le? Thilsiam nih chun a siamtu sinah, ‘Zei rangah me hi hâwi hen na hawng ka siam?” a ti lai ma?

1 THESALONIKA 5:3

“Lungngamnâk leh himnâk ti hen an sim liau takah nunau nganfâk hâwi hen lâkkhat ko ah veihnâk an tlûnah a hawng tlung lai le, an âwl rîlmâl lai loh.

HEBRAI 12:25

Jisu nih nan sinah thu a sim mi êl lo ding hen a thiamthih u. Pathian nih Mosi mang hen tual ah thu a sim mi ngâi duhlotu tla men ruang an suak lo chun, kannih vân thawk hen thu hawng kan simh mi ngâi duhlotu châng chu zeitin ruang kan suak kho lai?

HEBRAI 2:3

Chu tluk rak ruangsuahnâk rokual chu siarlo sele zeitin kan âwl kho zia lai? Chu ruangsuahnâk thu chu a tîrah amah Lalpa nih a phuang rawh le, a theihtu tla nih chun a dik asi ti hawng kan langhtir piak asi.