ROM 2:20 - Bawm Common Language Bible Version

²⁰ mifinglo tla finghtirtu, mimâwl tla sîntirtu si hen na ruat.

ROM 2:20 ပူးပေါင်းရင်းမြစ်များ

MATHAI 11:25

Chu liau chun Jisu nih, “Aw ka Pa, tual leh vân Lalpa, nangnih mifing leh mi fâifîm tla sinah hi bang thu hi na pheh, nâusêm tla sinah na phuang ruangah hin ka nan sawr.

ROM 2:19

Dân ah chun finghnâk leh thutak umdân na nei ruangah nangmah tak mitchâw tla ruaitu, mui lakah umtu tla cherhtu

ROM 3:31

Asi leh, lung ruangah Dân chu zeikhawm lo ah kan siam mazei? Si rîlmâl lo; Dân chu kan birhtir lehlam asi.

ROM 6:17

Khawmsele, sual to-aw tla si khawm ule, sîntir dân a sinah nanna pêknâk chu thinlung tatak hen nan zâwt hen, chun sual lakah mi suak hen nan um le, repnâk to-aw tla nan hawng si rawh; churuang chun, Pathian sinah lâwmthu um seh; nan taksa chak lo ruangah minung dân hen thu ka sim asi.

1 KORIN 3:1

Chun, unau le tla, thlarau mi tla sinah sim hâwi hen nan sinah thu ka sim kho lo, taksa mi tla sinah sim hâwi khan ka sim kha, Krist ah fasêm tla sinah sim hâwi cho hen.

2 TIMOTHE 1:13

Jisu Krist lakah um mi lungnâk leh dâwtnâk nei hen, thudik dân ka kâ thawk hen na theih mi tla kha nei thlir rawh.

2 TIMOTHE 3:5

Pathian sunhsak mi banghnâk an nei lai le, sikhawmsele a thiltikhonâk chu an lung lai loh; chubang hâwi chu hawitâk rawh.

TITA 1:16

“Pathian kan theih” ti hen, anna ṭang tâwn le, sikhawmsele fihnungkâi tla, ê-aw ngâilo tla, thil ṭha kip ti leikângah Pathian duh lo mi zât an si, an thilti hen an phehtâk tâwn.

HEBRAI 5:13

Nûk hâng rinh mi vial chu a dik leh diklo mi an theih lo, fasêm an si ruangah.

JEM 3:1

Ka unau tla, nan lakah mi tam tak hi, sîntirtu ah um lah u, kannih sîntirtu tla nih lâirêlnâk fâk khun midang ngâk hen fâk kan tawng lai ti nan theih.

1 PETER 2:2

Fasêm suakthar tla hâwi hen thlarau lei nûk hâng thenhlimh chu duh u; chu nûk hâng chu din hen ṭhang leh ruangsuah nan si khonâk ding hen.