ROM 2:2 - Bawm Common Language Bible Version

² Chu hâwi thil ti tâwntu tla tlûnah chun Pathian nih a lâirêlnâk chu dik tak asi vima asi ti kan theih.

ROM 2:2 ပူးပေါင်းရင်းမြစ်များ

GENESIS 18:25

Sual nei lo mi chu sual nei mi hen bang cho hen na thah rîlmâl lai lo. Chu chu ti kho asi lo! Na thah duh rerêng lai lo. Na hei ti bâk chun, sual nei lo mi chu sual nei mi tla hen munkhat hen rêp an si awt, chu hâwi chu ti kho asi lo. Tual tlûn zawzawngah lâirêltu nih rep tak hen ti ding asi ruangah,” a ti.

JOB LASUIBU 34:23

Pathian rangah tik ruat a herh lêm lo, Minung tla chu amah sinah lâirêl ding hen an kal awt ruangah.

SAM 145:17

LALPA chu a thilti zawzawngah â rep le, a thilti zawzawngah khua a ruat.

SAM 9:4

Na lâirêlnâk lakah chun na dik hen na ṭha le, keimah sunhsak hen lâi na rêl.

SAM 96:13

lâirêl ding hen LALPA a hawng tik chun laikulh mi chu dik tak leh ṭha tak hen lâi a rêl piak na lai.

SAM 98:9

laikulh lâirêl ding hen a hawng ruangah. Laikulh minung tla chu ṭha tak leh dik tak hen lâi a rêl piak na lai.

ISAI 45:19

A thup hen thu ka sim lo, ka thiltum chu ka thuh lo. A karo hen siat leh râwk hen um mi hawng ka zauhkhenh piaktu ding ah Israel mi tla ka herh lêm lo. Kei, LALPA thu dik simtu kasi; a dik mi chu mikip theih hen ka langh,” a ti.

ISAI 45:21

Lâirêlnâkah hawng ule, nan thunawk hawng put u; a dotu ding mi tla chu thu a deih tawnh na seh. Tuan liau khawm ah thil a hawng tlung ding mi simkantu âu a um? Kei, LALPA a mi tla ruangsuahtu kasi lo ma? Pathian dang a um lo.

JEREMIA 12:1

LALPA, ka thunawk hi na sinah ka sim chun Nangnih a dik ti na theih lai. Sikhawmsele, a dik dân thu ka nan deih awt. Zei rangah misual hi an sul-le-lam a tluang zia? Zei rangah mi zumhkâilo tla anna dingchang?

EZEKIEL 18:25

“Sikhawmsele, nannih nih, ‘LALPA thilti a diklo,’ nan ti. Nannih Israel mi tla ka thu ngâi u. Kei nih thil ka ti mi chu diklo hen nan ruat mu? A diklo mi chu nanmah umdân kha asi.

EZEKIEL 18:29

Nannih Israel mi tla nih, ‘LALPA thilti a diklo,’ nan ti. Ka umdân hi diklo hen nan ruat mu? Nanmah umdân asi, a diklo mi chu.

DANIAL 4:37

“Tu chun, kei Nebukadnezar nih Vân Lalchem chu ka sawr hen ka zah hen ka chawnglawmh rawh. Thil a ti mi zawng chu a dik hen a rep, zûm tak hen thil titu tla chu âuzawng a nâutir kho,” a ti.

ZEPHANIAH 3:5

Sikhawmsele LALPA chu khuapi sungah a um ko le, thildik a ti le, thil diklo chu a ti dahlo. Zîng siar hen a mi le tla sinah thildik a ti, sikhawmsele chunah mireplo tla nih thil diklo an ti kumza.

THILTI 17:31

ni a tiamh ruangah, chu ni ah chun a minung ruat mi tla chu tual ah mi tla rep tak hen lâi a rêl lai; chu chu Pathian nih amah chu mithi lakah mi thawh hen mi zawzawng sinah a theihtir rawh,” ti hen.

ROM 2:1

Churuangah, ka hâwi tla, midang tla tlûnah lâi nan rêl mu? Mi âutal si khawm ule, ngaihdamnâk rerêng nan nei lo. Midang lâi nan rêl liauah chu hâwi thil an ti mi tla hâwi nan ti bâk tâwn ruangah nanmah leh nanmah nanna mawhtir asi.

ROM 2:3

Churuangah, ka hâwi tla, nannih chu hâwi thil ti tâwn tla sâwitu, nannih nih chu hâwi thil nan ti bâk dangâiah Pathian nih lâi a rêlnâk lakah âwl ding nanna ruat mazei?

ROM 2:5

Thinlung lianhnâk leh thinlung khauhnâk nan nei. Churuangah Pathian thinrunhnâk leh lâirêlnâk dik tak a hawng lang tik Ni ah chun nanmah rêpnâk lian dauh nan siam asi.

ROM 9:14

Zei me kan sim lai rawh? Pathian lakah chun replonâk a um masi? A um rîlmâl loh.

THUPHUANG 16:5

Chun, vânmifial tî tlûnah thuneitu nih chun, “Nang Mi Thenhlimh, a um rawh mi leh a um liau mi, na lâirêl tla chu a dik asi,

THUPHUANG 19:2

a lâirêlnâk tla chu a dik hen â rep asi, anih nih chun nunau â zuar mi rokual tak, a hurnâk ruangah tual râwktu chu a thu a chek piak rawh, a to-aw tla a thah na mi phû chu a lam piak rawh,” a ti mi ka theih.