ROM 2:16 - Bawm Common Language Bible Version

¹⁶ Pathian nih Thâwngthâng Ṭha ka sim hâwitê hen minung thinlung tla lakah mi thuthup tla chu Jisu Krist mang hen lâi a rêl ding Ni ah chun rêl hen an um lai

ROM 2:16 ပူးပေါင်းရင်းမြစ်များ

GENESIS 18:25

Sual nei lo mi chu sual nei mi hen bang cho hen na thah rîlmâl lai lo. Chu chu ti kho asi lo! Na thah duh rerêng lai lo. Na hei ti bâk chun, sual nei lo mi chu sual nei mi tla hen munkhat hen rêp an si awt, chu hâwi chu ti kho asi lo. Tual tlûn zawzawngah lâirêltu nih rep tak hen ti ding asi ruangah,” a ti.

SAM 50:6

Pathian chu mirep a sizia vân nih a phuang.

SAM 96:13

lâirêl ding hen LALPA a hawng tik chun laikulh mi chu dik tak leh ṭha tak hen lâi a rêl piak na lai.

SAM 98:9

laikulh lâirêl ding hen a hawng ruangah. Laikulh minung tla chu ṭha tak leh dik tak hen lâi a rêl piak na lai.

THUSIMTU 11:9

Seino tla, Seino nan si liauah a lâwm u. Seino na si liauah a lâwm rawh. Ti ding na duh mi chu ti le, na thinlung duh thu hâwi hen um rawh. Sikhawmsele, na thilti zawzawng chu Pathian nih lâi a rêl awt ti theihkumza rawh.

THUSIMTU 12:14

Pathian nih thil kan ti mi zawng ah lâi a rêl awt le, a sia mi khawm a ṭha mi khawm, a thup hen thil ti mi tla khawm.

THUSIMTU 3:17

Ka thinlungah “Pathian nih mirep leh misual lakah bang cho hen lâi a rêl piak na awt, thil zeizawng leh thilti mi khawm a tik ruat mi lakah a hawng um lai,” ka ti.

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

LUK 8:17

“Puang lo ding hen pheh zeikhawm a um lo, theih lo ding hen leh lang lo ding hen thuh zeikhawm a um lo.

JOHAN 12:48

Âuzawng hawng ka duh lo hen, ka thusim tla lawmhlo nih chun, lâirêltu pakhat a nei asi. Ka thusim kha, kha nih khan, ni dawngh ni ah chun amah chu lâi a rêl lai.

THILTI 10:42

Anih chu mithi tla leh minung tla tlûnah Lâirêltu ah Pathian ruat chu asi ti mi sinah phuangpitu leh theihtir ding hen Pathian nih thu hawng kan pêk asi.

THILTI 17:31

ni a tiamh ruangah, chu ni ah chun a minung ruat mi tla chu tual ah mi tla rep tak hen lâi a rêl lai; chu chu Pathian nih amah chu mithi lakah mi thawh hen mi zawzawng sinah a theihtir rawh,” ti hen.

ROM 16:25

Ka Thâwngthâng Ṭha leh Jisu Krist thusim hâwi hen, thuthup phuangnâk hâwi hen, chu thuthup chu zungzâl thawk hen â thup tâwn.

ROM 2:5

Thinlung lianhnâk leh thinlung khauhnâk nan nei. Churuangah Pathian thinrunhnâk leh lâirêlnâk dik tak a hawng lang tik Ni ah chun nanmah rêpnâk lian dauh nan siam asi.

ROM 3:6

Si lo e, chu hâwi asi chun Pathian nih zeitin me laikulh lâi a rêl lai?

1 KORIN 15:1

Chun, unau le tla, Thâwngthâng Ṭha ka nan simh na mi kha ka nan theihtir nawlh na lai.

1 KORIN 4:5

Chun, a hun lânah hin zeikhawm nik lah u, Lalpa a hawng kal lânlo chu. Anih nih chun mûi thil thup tla chu chêu ah a hawng suah lai le, thinlung ah tum mi khawm chu a hawng langh lai; chu tikah chun mikip nih Pathian lakah chun mah ting tâwk ah sawr an lawh chiau lai rawh.

2 KORIN 5:10

Mi kip nih taksa thil tla chu a siat a ṭhat hen kan ti hâwi vima hen kan tawng chiau khonâk ding hen Krist lâirêlnâk tophah mâika ah chun langhtir hen kan um ver ding asi.

GALATIA 1:11

Chun, unau tla, Thâwngthâng Ṭha ka sim mi kha minung tla thu asi lo ti ka nan theihtir na.

1 TIMOTHE 1:11

âwkrâwl a siatsirhtu tla, sawrtlâk Pathian Thâwngthâng Ṭha rokual sîntirnâk dik ka sinah kiltir mi hâwi silo hen, thil dang a um mi tla zawzawng rangah siam asi.

2 TIMOTHE 2:8

Jisu Krist, David thlâk a mi ka Thâwngthâng Ṭha sim hâwi hen mithi lakah mi thawknawlh kha theih kumza rawh.

2 TIMOTHE 4:1

Pathian mitmuh leh minung leh mithi lâirêltu ding Jisu Krist mitmuh ah chun a langhnâk leh a ram sâl hen, semsêngâi tak hen ka nan theihtir.

2 TIMOTHE 4:8

tuah lam chun repnâk lallukhuh chu ka rangah siah hen a um rawh; chu chu Lalpa lâirêltu rep tak nih chun chu ni ah a hawng ka pêk lai. Ka sinah cho silo hen, a langhnâk awrhtu kip tla sinah khawm.

HEBRAI 9:27

Chun mikip rangah veikhat thih ruat asi, chu nûnah Pathian lâirêlnâk a um lai.

1 PETER 4:5

Minung leh mithi lâirêltu ding Pathian sinah chun an thâwngthâng an sim teh lai.

2 PETER 2:9

Lalpa nih chun amah sunhsaktu tla chu lêmnâk thawk hen suah na ding leh misual tla chu Lâirêl Ni rang ding ah siah rih ding dân a theih.