ROM 2:12 - Bawm Common Language Bible Version

¹² Âuzawng Dân nei lo hen thil a sual mi chu Dân lo hen a vei lai, chun Dân nei hen a sual mi chu Dân ah lâirêl hen a um lai.

ROM 2:12 ပူးပေါင်းရင်းမြစ်များ

MATHAI 11:22

Sikhawmsele, ka nan ti na, lâirêl ni ah chun nannih tuar ngâk hen Tura leh Sidon tuar ding chu a ziachâng a um dauh lai.

MATHAI 11:24

Sikhawmsele, ka nan simh na, lâirêl ni ah chun na tuar ding mi ngâk chun Sodom ram tuar ding mi chu a ziachâng a um dauh lai,” a ti.

JOHAN 19:11

Jisu nih, “Tlûnlei thawk hen pêk na si lo chun, ka tlûnah hin tikhonâk rerêng na nei lai lo; churuangah na sinah hawng ka pêktu nih khan sual a phurh khun asi,” a ti.

THILTI 2:23

Kha minung kha Pathian ruat chia leh theihkan hâwi hen an tleihtir le, nannih nih misual kut ah kraws ah nan khenh le, nan thah rawh.

ROM 1:32

Chu hâwi thil titu tla chu thi ding rêng an si ti Pathian ruat chu theih ko hen, anmah lâwng nih ti mi cho khawm silo hen, midang ti tâwntu tla tlûnah khawm anna lâwm tâwn.

ROM 4:15

Dân nih chun thinthawknâk a siam tâwn le, Dân umlonâk ah lam chun buarnâk khawm a um lo.

ROM 8:3

Taksa chaklonâk ruangah Dân nih ti kho lo mi chu Pathian nih a ti kho. Amah Fapa ngelchel taksa sual hâwi put hen sual bâwlnâk ding ah hawng fial hen, taksa lakah sualnâk um mi chu mawh a phurhtir rawh asi.

1 KORIN 9:21

Dân nei lo tla ka luh kho na ding hen Dân nei lo tla sinah Dân nei lo hâwi hen ka um tâwn, Pathian Dân lunglo si lêm lo hen, Krist Dân zâwt ṭung hen.

GALATIA 3:10

Dân thilti a um mi vial tla chu siatbarh hen an um ruangah, “Dân lasuibu ah thurîn zawzawng hâwi hen ti ding a um lotu zawzawng chu siatbarh hen um seh,!” ti hen Pathian lasui thu nih a sim ruangah.

GALATIA 3:22

Sikhawmsele, Jisu Krist lungnâk ruangah thil tiam chu a lungtu tla sinah pêk asi khonâk ding hen Pathian lasui thu nih chun sual tangah zeizawng a khâr ver.

DEUTERONOMY 27:26

“ ‘Pathian dân zawzawng leh sîntirnâk zûl duhlotu tlûnah Pathian siat um seh,’ an ti lai. “Mi zapi zawzawng nih ‘Amen!’ ti hen an sâng lai.

JEM 2:10

Âuzawng nih dân pakhattê a buar chun dân zawzawng a buar asi.