ROM 2:11 - Bawm Common Language Bible Version

¹¹ Pathian nih mi zawzawng bang ver hen a zauhkhenh ruangah.

ROM 2:11 ပူးပေါင်းရင်းမြစ်များ

2 CHRONICLES 19:7

LALPA chu ṭih ule, thiamthih tak hen thilti u, LALPA kan Pathian chu perpetnâk mawh, thliar leh dangnâk mawh, nawhnâk lâk mawh sâithiam lo mi asi,” a ti.

JOB LASUIBU 34:19

Lâirêltu lei khawm â ṭângṭawm lo, mipâm hua hen minei a sunhsak lêm lo le, mikip chu amah siam mi an si ruangah.

MATHAI 22:16

Chun, an ṭhiruai tla, Herod murui sinah mi tla hen, a sinah an fial le, chubang tla nih chun, “Sîntirtu, mi dik tak na si le, dik tak hen Pathian leikâng thu na sîntir na tâwn le, sunhsak khun mi khawm na nei lo ti kan theih le; âukhawm thliar leh dangnâk na nei lo.

LUK 20:21

Annih nih chun a sinah, “Sîntirtu, dik tak hen thu na sim hen, âukhawm thliar leh dang nei lo hen Pathian thu na sîntir tâwn ti kan theih;

THILTI 10:34

Chun, Peter nih a sim le: “Pathian nih mi duh bîk a nei lo ti diktak hen ka theih,

ROM 9:14

Zei me kan sim lai rawh? Pathian lakah chun replonâk a um masi? A um rîlmâl loh.

GALATIA 2:6

Chun, mi lian dauh ah an ruat mi tla lakah chun zeitin mi tal khawm si sele, ka rangah â dang lêm lo, Pathian nih âukhawm a thliar lo-- mi lian dauh ah an ruat mi tla nih chun ngaihdân thar zeikhawm an ka sap lo.

EPHESI 6:9

Chun, nannih hotu tla, chu hâwi ber hen anmah leh nanmah hotu chu vân ah a um ti leh anih nih chun mi duh khun a nei lo ti theih hen, râp lo hen an tlûnah ti bâk u.

DEUTERONOMY 10:17

LALPA nan Pathian chu pathian zawzawng lâirêltu leh thiltikhonâk lakah Chungnungchem asi. Anih chu a chak hen a rokual le, ṭih ding mi tak asi. Mi thliar leh dang a nei lo le, nawhnâk khawm a lâk lo.

DEUTERONOMY 16:19

An lâirêlnâk lakah khat leikâng ṭângṭawmnâk nei hen diklo tak hen lâi an rêl ding asi lo; nawhnâk khawm an ei ding asi lo, thilpêk nih mifing leh mi zumhkâi mit a châwttir le, diklo tak hen thu thlûknâk a siam tâwn.

KOLOSA 3:25

Thil diklo titu nih chun a thilti diklo man chu a tawng nawlh lai; Pathian nih mikip chu bang ver hen lâi a rêl ruangah.

1 PETER 1:17

Chun, thliar leh dang nei lo hen, mikip an rianṭuan hâwi chiau hen lâirêl piaktu chu Pa ti hen nan auh chun hi tual ah nan um kar vial amah zah tak hen um u.