ROM 2:10 - Bawm Common Language Bible Version

¹⁰ Sikhawmsele, thil ṭha titu vial sinah chun rokualnâk tla, chawnglawmhnâk tla, lungngamnâk tla Pathian nih a pêk na lai le, Juda tla sinah pêk asi masa lai le, chun Phundang tla sinah khawm pêk asi lai.

ROM 2:10 ပူးပေါင်းရင်းမြစ်များ

JOB LASUIBU 22:21

Job, tuah, Pathian hen a rem u. Mêlma hâwi hen a rangah na ti mi hi bâng le, chu hâwi na ti chun mal a nan sâwm lai.

SAM 15:2

Thil zeizawng ah Pathian ê-aw ngâitu leh thil dik ti kumzatu, Thudik simtu, mi zumhkâi,

SAM 29:11

LALPA nih a mi tla chu chaknâk a pêk le, thlangamnâk hen mal a sâwm na.

SAM 37:37

Mi ṭha chu zauh le, mirep chu singsiah rawh; Remnâk duhtu nih thlâk a nei,

THUFING LASUIBU 11:18

Misual tla nih chun zeikhawm an lawh lo le, sikhawmsele thil dik na ti chun lâwmman na ting ngelchel lai.

THUFING LASUIBU 8:18

Ka nei le, zah ka lawh, ka sul-le-lam a tluang hen ka dingchang.

ISAI 26:12

LALPA, nangnih sul-le-lam tluangnâk na kan pêk lai; thil zeizawng kan tawng mi chu thil na ti mi ruangah asi.

ISAI 32:17

Mikip nih thil dik an ti ruangah himnâk leh thlangamnâk a um kumza lai rawh.

ISAI 48:18

“Ka thupêk cho ngâitu nan si chun malsâwmnâk chu tiva kâng dahlo mi hâwi hen nan rangah a hawng luang lai! Tiva kapah tîlian a luang mi hâwi hen nehnâk nan lakah a hawng tlung lai.

ISAI 48:22

LALPA nih, “Misual tla rangah himnâk rêng a um lo,” a ti.

ISAI 55:12

Babulon chu lâwm bû hen nan kaltâk lai le, chu khuapi lakah mi chu thlangam tak hen nan suak lai. Tlâng sâng tla leh tlâng tênâu chu la sak hen hâu an suah lai le thing tla chu lâwm hen an âu lai.

ISAI 57:19

Mun nâi leh mun lât ah mi an ektê sinah thlangamnâk ka pêk na lai! Ka mi tla chu ka damh na lai.

JEREMIA 33:6

Sikhawmsele hi khuapi leh a mi tla hi ka damh na lai le, nung dam hen ka umtir nawlh na lai. Thlangamnâk leh himnâk tam tak ka muhtir na lai.

NUMBER 6:26

LALPA nih an sunhsak na hen thlangamnâk an pêk na seh.

MATHAI 10:13

Chun, in ah mi tla chu chibai bûk tlâk an si chun nan lungngamnâk thu chu an tlûnah tlung seh; an tlâklo lam chun nan lungngamnâk thu chu nan tlûnah hawng kîr nawlh seh.

LUK 1:79

Mûi nâwngah leh thihnâk dâidul ah to tla cherh ding hen leh lungngamnâk Lampi ah kan kê kârtir ding hen,” a ti.

LUK 12:37

An pu a hawng kal tikah ngâk kumza hen a muh na mi to-aw tla chu an thaw a suak. Thungâi tak hen ka nan simh na, anih nih chun a tâi a sâwm lai le, anmah tla buh dûm hen a totir na lai le, an eibâr a timhtuah lai.

LUK 19:42

“Aw, nang rîlmâl nih hin tu dam liau lungngamnâk ding thu hi hawng theih râm nik le! Sikhawmsele na muh lonâk ding hen â thup dangâiah.

LUK 22:14

Chun, a ei tik rawh chun anih chu buh a dûm le, a ṭhiruai tla nih chun an dûmpi.

LUK 9:48

Anih nih chun an sinah, “Âuzawng ka min ruangah hi ngâksiatê hi lawmhtu zawng chu keimah an ka lawmh asi; âuzawng kei an ka lawmhtu vial chu hawng ka fialtu lawmh an si; nan ektê lakah a mê chem mi hi asi rokual chem mi chu,” a ti.

JOHAN 12:26

Âuzawng nih ka rian a ṭuan chun hawng ka zûl seh; ka umnâk ah ka to-aw khawm a um lai. Âuzawng nih ka rian a ṭuan chun anih chu Pa nih a chawnglawmh lai.

JOHAN 14:27

“Lungngamnâk ka nan mâk na; keimah lungngamnâk ka nan pêk na; laikulh nih a pêk hâwi hen ka nan pêk na lo hi. Nan thinlung lawksawng lah seh, ṭih khawm ṭih lah seh.

JOHAN 16:33

Hi bang thu hi nan sinah ka sim rawh hi; keimah lak hin nan lungngamnâk ding hen. Laikulh ah hin hamh hen nan um tâwn; sikhawmsele, lungngam tak hen um u, laikulh ka neh rawh,” a ti.

THILTI 10:35

sikhawmsele, phunkip lakah âuzawng amah ṭih hen rep tak a ti mi vial a lawmh kâng an si tâwn.

ROM 14:17

Pathian Ram chu din leh ei thu asi lo le, repnâk tla, remnâk tla, Thlarau Thenhlimh lâwmnâk tla asi dauh.

ROM 15:13

Thlarau Thenhlimh thiltikhonâk zârah lungumnâk nan nei tam khonâk ding hen, lungumnâk Pathian nih chun nan lung ruangah lâwmnâk leh remnâk chi kip hen a nan khattir na seh.

ROM 2:7

Thil ṭha ti rarâm hen, rokualnâk leh chawnglawmhnâk leh thi kho lo mi nungnâk hâwltu tla sinah chun zungzâl nungnâk a pêk lai.

ROM 2:9

Minung thilsual titu tla tlûnah hamhnâk leh ngaihsiatnâk fâk tak a um lai le, Juda tla tlûnah a um masa lai le, chun Phundang tla tlûnah khawm a um lai.

ROM 5:1

Churuangah, lungnâk ruangah mawhlo a um hen, kan Lalpa Jisu Krist ruangah Pathian hen rem hen kan um.

ROM 8:6

Taksa lei thil tla duh chu thihnâk asi le, Thlarau lei thil duh lam chu nungnâk leh lungngamnâk asi.

ROM 9:21

Valei tlang khat bêl pakhat sung tak hen, bêl pakhat sung lo tak siam ding hen belhêmtu nih chun nêng tlang tlûnah thu a nei lo masi?

GALATIA 5:22

Thlarau rah lam chu zângfahnâk, lâwptlonâk, remnâk, dawnhkhonâk, vêlneihnâk, ṭhatnâk,

GALATIA 5:6

Krist Jisu ah chun fêmtan hi zeikhawm a ṭhatnâk a um lo, fêmtan lo khawm zeikhawm a ṭhatnâk a um lo; lungnâk, zângfahnâk ah ṭuan tam chu a ṭhavak asi.

PHILIPI 4:7

Chun, Pathian lungngamhnâk thinlung rerêng theih châwklo ni khan, nan thinlung leh nan dawnruatnâk tla chu Krist Jisu ah chun a nan vêng piak na lai.

1 TIMOTHE 1:17

Lalchem, zungzâl hen um mi, râwk kho lo, muh kho lo, Pathian tak cho chu zungzâl chawnglawmh leh rokual hen um seh! Amen.

HEBRAI 2:7

Anih chu vânmifial tla ngâk hen nâu dauh hen na siam rih le, rokualnâk leh chawnglawmhnâk na pêk.

JEM 2:22

A lungnâk leh a thilti hen munkhat hen a ṭuan le, chun, thilti ruangah a lungnâk chu a rangtling rawh ti na theih.

JEM 3:13

Nan lakah âu me fing hen thil a theihthiam kho mi um? Dawnhkhonâk leh finghnâk hen, a thil ṭha ti hen a umdân ṭha hen zauhtir seh.

1 PETER 1:7

An thiltum chu nan lungnâk a bir asi ti niknâk asi. Ngûn â râwk kho mi men mei hen an nik, chu hâwi hen ngûn ngâk hen a sung dauh mi nan lungnâk khawm chu um vima ding hen nik bâk ding asi. Jisu Krist a hawng lang tikah nan rangah chawnglawmhnâk leh rokualnâk leh zahkâinâk a hawng si kho hi.

1 PETER 5:4

Chun, Dawrâpu Lian a hawng a langh tikah a rokualnâk lallukhuh nawh kho lo mi chu nan tawng lai.

1 SAMUEL 2:30

Kei, LALPA, Israel Pathian nih a lân thawk hen na dâwngsung tla leh na thlâk tla nih chun zeiliau zawng ah bâwlpu rian ka lakah an ṭuan lai ti hen kan tiamh rawh mi asi. Sikhawmsele, tuah chu chu ka ti awtlo rawh ti ka sim asi! Chu hâwi ngangâk hen keimah zahtu chu ka zah bâk lai le, keimah zauhnawmhtu chu ka zauhnawmh bâk awt.