ROM 15:3 - Bawm Common Language Bible Version

³ Krist khawm nih mah lawmhnâk a hâwl lo. “Nangmah fâitu tla fâinâk chu keimah tlûnah a tlâ,” ti rîn hâwi khan asi dauh.

ROM 15:3 ပူးပေါင်းရင်းမြစ်များ

SAM 69:20

Simsâwinâk nih ka thinlung a râwk le, ka lung a dawng. Zângfahtu leh siherhtu ka lungum le, sikhawmsele pakhat khawm an um lo. Thlangamhtu ka hâwl le, âukhawm ka tawng lo.

SAM 69:9

Na Biakin ah ka pumpêknâk nih chun mei hâwi hen hawng ka khangh. Nangmah lakah simsiatnâk chu ka lakah a hawng.

MATHAI 10:25

Sîntu chu a sîntirtu hâwi hen a hawng um mi leh to-aw chu a pu hâwi hen a hawng um mi chu â tâwk. Indâwngpu men ‘Belzebul’ an ti chun, a dâwngsung tla chu an ti ding rêng asi!

MATHAI 26:39

Chun, tâwm hen mâi leiah a va kal le, a bawkbukhup le, “Ka Pa, tikho asi chun hi hâi nih hin hawng ka lanh seh; sikhawmsele keimah thu silo hen, nangmah thu thu si dauh seh,” ti hen thla a cham.

MATHAI 26:42

Chun, veinihnâk ah a va kal le, thla a cham nawlh le, “Ka Pa, din lo hen hi hâi nih hin hawng ka lanh kho lo thlo chun nangmah thu thu si seh,” a ti.

MATHAI 27:44

Rawkmang an khenh mi tla khawm nih chun, chu hâwi ber hen an sîrleih.

JOHAN 15:10

Nannih nih ka thupêk tla nan zâwt chun ka dâwtnâk ah nan um kumza lai; kei nih ka Pa thupêk tla ka zâwt le, a dâwtnâk ah ka um kumza hâwi hen;

JOHAN 15:24

Thil âukhawm ti dahlo mi tla an sinah ti lah sele, sual an nei lo ding mi; tu lam chu annih nih kei leh ka Pa hawng kan muh vevê rawh le, hua khawm hawng kan hua rawh asi.

JOHAN 4:34

Chun, Jisu nih an sinah a sim le, “Hawng ka fialtu duhzia ti leh a rianṭuan dih ding hi ka buh asi.

JOHAN 5:30

“Keimah thu hen zeikhawm ka ti kho lo; Pa nih hawng ka simh hâwi vima hen lâi ka rêl tâwn, ka lâirêl chu dik tak asi, keimah thu thu hen um ka tum lo le, hawng ka fialtu duhzia hen um ka tum tâwn ruangah.

JOHAN 6:38

Mah duhzia ti ding hen vân thawk hen hawng ṭum kasi lo le, hawng ka fialtu duhzia ti ding hen hawng ṭum kasi dauh.

JOHAN 8:29

Hawng ka fialtu chu ka sinah a um le, hawng ka thlahthlamh lo; a lawmh kâng thil ka ti kumza ruangah,” a ti.

2 KORIN 8:9

Kan Lalpa Jisu Krist zângfahnâk chu a pâmnâk ruangah nan hawng nei khonâk ding hen, nei khawmsele nanmah ruang takah a hawng pâm mi kha nan theih asi.

PHILIPI 2:5

Hi thinlung, Krist Jisu khawm ah um mi kha nanmah lakah um seh:

PHILIPI 2:8

Chun, minung hâwi a um hen, â nâutir le, thih phah rê hen thu zâwt hen a hawng um rawh, Kraws a thihnâk tak chu.