ROM 13:9 - Bawm Common Language Bible Version

⁹ Hi bang, “Ṭângdang pawmtâk lah, mi thah lah, fîr lah,” ti leh, thupêk dang um mi rerêng tla hi. “Nangmah na dâwt hâwi hen na zâwlbâwm tla na dâwt ding asi,” ti nih hin a put ver asi.

ROM 13:9 ပူးပေါင်းရင်းမြစ်များ

LEVITICUS 19:18

Âukhawm lehrul sam hen hua kumza lah. Sikhawmsele nangmah na dâwt hâwi hen na zâwlbâwm dâwt rawh. Kei, LALPA chu kasi.

LEVITICUS 19:34

Nanmah Israel mi tla hâwi hen zauh na u, nanmah nanna dâwt mi hâwi hen dâwt na u. Aigupta ram ah nan um liauah ramdang mi nan si mi kha theihkumza u. Kei, LALPA nan Pathian kasi.

MATHAI 22:39

Chun, a sangtu chu hi hi asi: ‘Nangmah na dâwt hâwi hen na zâwlbâwm tla khawm na dâwt ding asi,’ ti hi.

MARK 10:19

Thupêk tla chu na theih ko khateh, ‘Mi thah lah, ṭângdang pawmtâk lah, fîr lah, theihpitu âwkrâwl ah suak lah, bum lah, na nu leh na pa zah rawh,’ ti tla hi,” a ti.

MARK 12:31

A sangtu chu hi hi asi: ‘Nangmah na dâwt hâwi hen na zâwlbâwm tla na dâwt ding asi,’ ti hi. Hi ngâk hen thupêk rokual rerêng a um lo,” ti hen, a sâng.

LUK 10:27

Chun, anih nih chun, “Lalpa na Pathian chu na thinlung zawzawng hen, na thlarau zawzawng hen, na chaknâk zawzawng hen na dâwt ding asi. Chun, nangmah na dâwt hâwi hen na zâwlpâwm tla na dâwt ding asi,” a ti le, a sâng.

LUK 18:20

Thupêk tla na theih khateh, ‘Ṭângdang pawmtâk lah, fîr lah; phiar lah, na nu leh na pa chawnglawmh rawh; ti tla hi,’ ” a ti.

GALATIA 5:13

Unau tla, sal silo ding hen kawh nan si; sikhawmsele, sal nan si lonâk chu taksa rangah dêngkhâwngnâk ah mang lah ule, zângfahnâk hen rian a ṭuan piak tawnh chiau u.