ROM 13:6 - Bawm Common Language Bible Version

⁶ Hi ruangah hin siah khawm na châwi tâwn khateh; chu hâwi thil tak ti rarâm ding hen laireltu chu Pathian rianṭuantu an asi.

ROM 13:6 ပူးပေါင်းရင်းမြစ်များ

2 SAMUEL 8:5

Damaska mi Siria mi tla nih lalchem Hadadezer ṭangpi ding hen a kawrsen tla an fial le, David nih a do na le, sîng nih leh sâng nih a thah na.

1 CHRONICLES 18:14

David nih Israel mi tla tlûnah lâi a rêl le, ṭha tak leh rep tak hen a mi tla chu a zauhkhenh na.

Ezra lasuibu 4:13

Bâwipa, hi khuapi hi dirh nawlh asi hen a kulh tla an siam dih rawh chun mi nih na sinah siah an pêk lai lo le, lal siah chu â zûk lai.

Ezra lasuibu 4:20

Lal thiltikho tak tla nih chunah chun lâi an rêl hen Eufretis ram zawzawng lâi an rêl le, siah tla an khawlh na.

Ezra lasuibu 6:8

An Biakin sak ṭangpi ding hen thu ka nan pêk na asi. An hêu mi zawzawng Eufretis thlanglei mi siah lal tangka thawk hen a rang zia hen pêk ding mi asi, an rianṭuan chu a nawklonâk ding hen.

NEHEMIAH 5:4

A dang tla nih, “Kan phâisen leh grep dûm siah lal sinah pêk ding hen lâng ding kan duh.

LUK 23:2

Chun, “Hi minung nih hin kan phun tla a râwk le, Kaisar sinah siah châwi a khap le, Mesia, Lalchem â ti mi kan theih,” ti hen an phûm rawh.

ROM 12:8

Fawrhtu nih chun fawrh thlir seh, thilpêktu nih chun ûi lo hen pêk seh; lâirêltu nih taimâk suah tak hen rêl seh; mi vêlneitu nih lâwm tak hen vêlnei seh.

ROM 13:5

Churuagah, thinthawk ṭih ruang ko silo hen na siat leh ṭhat theihnâk ruang khawm ah lâirêltu thu thu hen na um ding rerêng asi.

ROM 13:7

Mi zawzawng sinah pêk ding mi vial pêk u; tual man pêknâk ding mi sinah chun tual man pêk ule, siah châwinâk ding mi sinah chun siah châwi ule; zah ding mi chu zah u, chawnglawmh ding mi chawnglawmh u.