ROM 13:3 - Bawm Common Language Bible Version

³ Lâirêltu tla chu thil ṭha titu rangah chun ṭihnung a kâi lo le, thil ṭhalo titu rangah lam chun ṭihnungkâi an si. Asi chun lâirêltu ṭih lo hen um na duh ma?

ROM 13:3 ပူးပေါင်းရင်းမြစ်များ

THUFING LASUIBU 14:35

Rianṭuan ṭha nih chun lal tla a lawmhtir le, sikhawmsele ṭuan lotu tla chu an rêp na.

THUFING LASUIBU 20:2

Lal thinthawk rângnâk chu chakeibaknei nih mi a râp mi hâwi asi. A thinthawktirnâk chu mah thihnâk asi.

ROM 13:2

Churuangah, âuzawng lâirêltu êltu chu Pathian ruat dotu an si; a dotu tla nih chun anmah tlûnah lâirêlnâk an tawng lai.

ROM 13:4

Thil ṭha ti le, a sawr na tawng lai; anih chu na ṭhatnâk ding hen Pathian rianṭuantu asi. Khawmsele, thilsual na ti chun, ṭih rawh, rêp ding hen a thiltikhonâk chu a tak asi ruangah. Anih chu Pathian rianṭuantu, thilsual titu tlûnah thinthawk hen phu lamtu asi.

DEUTERONOMY 25:1

“Israel mi panih an thunawk sim ding hen lâirêlnâk mun ah va kal sele, pakhat chu sual lo hen, pakhat chu sual hen ngaih asi lai.