ROM 12:3 - Bawm Common Language Bible Version

³ Pathian nih a ka pêk mi zângfahnâk ruangah hin nan lakah âukhawm mah umdân tâwk nûnlêm ah sung-û tir lo hen, Pathian nih mikip sinah lungnâk tâwk a pêk hâwi vima hen rep tak a ruat dauh ding hen ka nan ti chiam na.

ROM 12:3 ပူးပေါင်းရင်းမြစ်များ

THUFING LASUIBU 25:27

Khuaitizû din tam tuk a ṭha lêm lo le, chu hâwi hen sawr lawh ding tum tuktarâi mi chu chu hâwi asi.

THUFING LASUIBU 26:12

Mi fing ṭung lo hen fing hen â ruat mi ngâk chun mi mâwl chem si a ṭha dauh.

THUSIMTU 7:16

Churuangah ṭha tuktarâi hen fing tuktarâi lah, zei rangah nangmah na thah?

MIKAH 6:8

Silo e! LALPA nih a ṭha mi hawng kan simh rawh, kan lakah a duh mi chu hi hi asi; diknâk, zângfahnâk dawnglo langhtirnâk leh amah Pathian hen nâutak hen a kawmh ding a duh mi chu asi.

LUK 18:11

“Farisai chu a dîr le, amah lâwng hen hi hâwi hen thla a cham: ‘Pathian, midang hâwi hen lêp mang le, replo le, ṭângdang pawmtâktu kasi lo ruangah leh hi siah khawlhtu hâwi khawm hi kasi lo ruangah na tlûnah ka lâwm.

JOHAN 3:34

Pathian fial mi nih chun Pathian thu a sim tâwn; anih nih chun a Thlarau khatnâk rangtling a pêk.

ROM 1:5

A min ruangah lungnâk chu phun kip lakah mi lungtir hen, amah ruangah chun, zângfahnâk leh mifial sinâk ka ting rawh.

ROM 11:20

Hi hi a dik asi: An lunglonâk ruangah khiak hen an um le; nang na lungnâk ruangah na dîr asi.

ROM 11:25

Unau le tla, thuthup hi nan theih loh ka duh lo, chu lo chun nanna fingtir lai le; Phundang tla rangtlingnâk a hawng tlung lânlo chu Israel mi zeimaw mi tla tlûnah thinlung changnâk a hawng tlung rih asi, ti hi.

ROM 12:16

Dawnruatnâk munkhat hen a um tawnh u. A Sung-û tir tuk lah u, nauta tla kawmh dauh na u. A fingtir lah u.

1 KORIN 15:10

Sikhawmsele, Pathian zângfahnâk ruangah ka siding mi chu kasi rawh; chun a zângfahnâk hawng ka pêk mi thu a thawt hen a um lo; chu hâwi ngâk hen anmah tla zawzawng ngâk hen a ṭuan ka hamh dauh kha. Sikhawmsele, keimah nih ka ṭuan lo le, Pathian zângfahnâk ka sinah um mi nih khan a ṭuan dauh asi.

1 KORIN 3:10

Pathian nih zângfahnâk hawng ka pêk mi mang hen in sak thiam mi rian ka ṭuan le, lungphûm ka phûm, midang nih a tlûnah in an sak. Sikhawmsele, mikip a tlûnah an sak zia ding mi lakah a thiamthih chiau na seh.

1 KORIN 7:17

Zeikhawm si sele, Lalpa nih chun mikip sinah a thilpêk dân hâwi chiau leh Pathian nih mikip a kawhnâk dân hâwi chiau hen um seh. Hi hi kawhmi tla zawzawng sinah ka sîntir na mi dân chu asi.

2 KORIN 10:13

Kannih lam chu kan tahnâk ri lêm chun kanna zûm lai lo le, Pathian nih bial hawng kan tingtir le, chu tahnâk hâwi vima hen kanna zûm lai, nanmah khawm huap ding rê a tahnâk chu.

2 KORIN 12:13

Zei leikângah me kawhmi murui dang tla ngâk hen niam dauh siam hen nan umnâk chu? Keimah tak nih hin ka nan hamhtir na lonâk leikângah asi ṭung lo chun. Chu chaklonâk ah chun hawng ka ngaihdam u.

2 KORIN 12:7

Chun, theihtirnâk tla chu thungâi a fâk ruangah ka sung-û tir tuk lonâk ding hen taksa ah ling hawng ka pêk asi. Setan mifial, kut nurnâk ah hawng ka mangtu ding mi chu; chu lo chun ka sung-û tir tuk lebang lai.

GALATIA 6:3

Mi zei silo pet hen mi lian dauh ah â ruat chun mah â perpet mi asi.

EPHESI 3:2

nan rangah Pathian zângfah zauhkhenhnâk rian hawng ka pêk mi kha nan hawng theih lai rawh.

EPHESI 3:4

kha ruang khan nan rêl hen Krist thuthup ka theih zia nan theih lai.

EPHESI 4:16

Amah zârah taksa pumpiluk chu a tlâinâk kip ṭuan ruangah êp tak a tawnh le peh dut hen, ṭeng kip ṭuan zia hâwi chiau hen, zângfahnâk a siamṭha ding hen taksa chu a pungtir tâwn asi.

PHILIPI 2:13

amah lawmhkâng rangah ti tum ding leh ti ding hen nanmah lakah ṭuantu chu Pathian asi ruangah.

KOLOSA 1:29

chubang hâwi a dîrtir kho ding hen fâk tak hen keimah lakah a ṭuan mi, chu a ṭuan zia hâwi vima hen ti rarâm hen hamh tak hen ka ṭuan tâwn asi.

KOLOSA 2:13

Chun, nannih buarnâk tla leh nan taksa fêmtan lonâk ruangah thi nan si le, nanmah ngelchel chu amah hen a nan nungtir na asi kha;

1 TIMOTHE 1:14

Chun, kan Lalpa zângfahnâk chu lungnâk leh Krist Jisu dâwtnâk hen cherkhet hen ka lakah a liam rawh.

1 TIMOTHE 2:15

Sikhawmsele lungnâk leh dâwtnâk leh thenhlimhnâk nei hen thinlung rep tak hen nunau chu a um kumza chun fa tla a ring ruangah ruangsuah hen a um lai.

1 TIMOTHE 2:9

chu hâwi ber hen nunau tla a dâithlanh lo leh a thuam tuk lo hen thuam mah zuam tâwk hen a thuam sele, sam phiar hen mawh ngûn hen mawh âitikep lung hen mawh puan man tam tak tla hen mawh a thuam lo hen;

TITA 2:12

Lungumnâk lawmhkâi kan Pathian rokual tak Ruangsuahtu Jisu Krist rokualnâk langhnâk chu ngâk hen, Pathian sunhsak lonâk leh laikulh duhnâk tla bângtâk hen, tuliau laikulh ah a sûm hen leh rep tak hen leh Pathian sunhsak hen kan um ding asi ti hawng kan sîntir.

TITA 2:2

Tarpa tla chu a sûm kho mi, zahkâi, thinlung rep tak, lungnâk leh zângfahnâk leh felfênâk ah dik tak um ding hen fawrh rawh.

TITA 2:6

Chu hâwi ber hen, tlangvâl tla chu sûm kho mi siding hen fawrh rawh.

JEM 4:6

Sikhawmsele, zângfahnâk tam khun Pathian nih a pêk tâwn, churuangah Pathian lasui thu nih, “Pathian nih mi â zûm mi tla a do le, â nâutir mi chu zângfahnâk a pêk,” a ti asi.

1 PETER 1:13

Churawhchun, rianṭuan ding hen nan thinlung ah a tîm u. A ringrâwn ule, Jisu Krist a hawng a langh tikah malsâwmnâk a nan pêk na ding mi lakah nan lungumnâk zawzawng chu ngauh u.

1 PETER 4:11

Mi âuzawng nih thu a sim chun Pathian thu sim seh; mi âuzawng nih rian a ṭuan chun Pathian nih chaknâk a pêk hâwi vima hen ṭuan seh. Churawhchun, Jisu Krist zârah Pathian chu thil zeizawng ah chawnglawmh hen a um kho lai. Rokualnâk leh thiltikhonâk chu zungzâl hen amah tâ asi. Amen.

1 PETER 4:7

Thil zawzawng dawnghnâk chu a nâi rawh. Thla nan cham khonâk ding hen mah lakah sûm leh ringrâwn hen nan um ding asi.

1 PETER 5:5

Chu hâwi ber hen, nannih seino tla, upa tla thu ngâi u. Nan ektê hen rian a ṭuan piak tawnh ule, thinlung nâunâk hen a thuam u. Pathian nih mizûm tla a do le, â nâutir mi tla lam chu zângfahnâk a pêk tâwn ruangah.

1 PETER 5:8

Ruat tet ule, a ringrâwn u: Nan leido Diabol chu chakeibaknei hâwi hen âumawh veih ding hâwl hen nan kiangkam ah a hûk asi.

3 JOHAN 1:9

Kawhmi tla sinah khan thu tâwmtê chu ka rîn rawh; sikhawmsele, Diotrephes an lakah hotu siding duhtupa nih chun ka thusim a ngâi lai lo.