ROM 12:2 - Bawm Common Language Bible Version

² Hi laikulh dân hâwi hen um lah ule, Pathian duhzia a ṭha leh lawmh tlâk leh ṭhat rangtling chu nan theihfiang khonâk ding hen nan thinlung a thar a um hen hawng a dang dauh u.

ROM 12:2 ပူးပေါင်းရင်းမြစ်များ

Ezra lasuibu 10:11

Tuah nan thlâktu tla LALPA Pathian sinah, amah lawmhtir ding hen nan sual tla thutluang vâwr u. Kan ram ah ramdang mi tla lakah a thliar ule, ramdang mi nupi neih bâng u,” a ti.

SAM 119:103

Na sîntirnâk thâwtnâk chu a thlum ngâk a; khuaitizû ngâk hen a thlum dauh!

SAM 119:128

Churuang chun na sîntirnâk zawzawng chu ka zûl le, thil diklo leikâng zawzawng chu ka hua.

SAM 119:174

LALPA! him ding hen na ṭangpinâk ka duh a! Na dân thu ah lâwmnâk ka tawng.

SAM 119:72

Laikulh ah tangka zawzawng ngâk hen na dân pêk chu ka rangah a ṭha dauh.

SAM 119:97

Na dân chu ka duh a! Nî tlâk tlâk hen ka dawn.

SAM 34:8

LALPA ṭhat zia chu nangmah ngelchel nih theih rawh. Amah lakah himnâk tawngtu tla chu anna lâwm.

SAM 51:10

Pathian, ka lakah thinlung thenhlimh siam le, thlarau dik leh thar ka lakah siah.

EXODUS 23:2

An tam ruang ko ah perpet hen thilsual titu murui chu zûl lah na.

EZEKIEL 18:31

Thilsual nan ti mi zawzawng lêt hep ule, dawnnâk leh thinlung thar a neih u. Israe1 mi tla, zei rangah thi ding nan duh êu?

EZEKIEL 36:26

Thinlung thar leh dawnruatnâk thar ka nan pêk na lai. Lung hâwi mi nan thinlung ê-aw ngâilonâk chu ka lâk ving lai le, ê-aw ngâinâk thinlung ka nan pêk na lai.

MATHAI 13:22

Chun, bua lingnei nâwngah vawrh mi chu, thu theihtu asi le, sikhawmsele laikulh lungkhamnâk leh neihnâk nih chun thu chu a dawrh le, rah lo hen a hawng um tâwn.

MARK 4:19

sikhawmsele laikulh lungkhamnâk tla, neihnâk tla, perpetnâk tla, thil dang duhnâk tla chu a hawng lût le, thu chu a dawrh le, rah lo hen a hawng um tâwn.

JOHAN 14:30

Nan sinah thu tam ka sim awtlo rawh, laikulh lal a hawng kal awt ruangah. Anih chu keimah lakah zeikhawm thu a nei lo.

JOHAN 15:19

Nannih laikulh mi si ule, laikulh nih amah minung a dâwt ding asi; laikulh mi nan si lo le, laikulh ah mi ka nan thîm na ruangah, laikulh nih an hua na asi.

JOHAN 17:14

Na thu an sinah ka pêk rawh le; chun, laikulh nih annih chu an hua le, laikulh ah mi ansi lo ruangah, kei laikulh ah mi kasi lo hâwi hen.

JOHAN 7:7

Laikulh nih an hua kho na lo, kei lam chu a ka hua tâwn, a thilti tla a sual ti ka simhfiang ruangah.

ROM 12:1

Chun, unau le tla, Pathian khuaruatnâk ruangah hin bâwlnâk nung leh thenhlimh leh Pathian lawmh tlâk siding hen nan taksa chu pêk ding hen ka nan ngiar na asi, chu chu nan rianṭuan ding rêng asi.

ROM 13:14

Lal Jisu Krist râlthuam hen chun a thuam dauh ule, nan taksa duhnâk zawh ding hen zeikhawm a siam lah u.

ROM 7:12

Chun, Dân chu a thenhlimh asi, thupêk khawm a thenhlimh le, â rep le, a ṭha asi.

ROM 7:14

Dân chu thlarau lei thil asi ti kan theih asi. Kei lam chu taksa leiah mi, sual sal ah zuar rawh mi kasi.

ROM 7:22

Ka thinlung tak hen Pathian dân lakah ka lâwm tâwn.

1 KORIN 3:19

Hi laikulh finghnâk hi Pathian ngaih hen âtnâk asi, “Pathian nih mi fing tla chu an fing perpetnâk lakah a awhtir na tâwn,” ti hen Pathian lasui thu nih a sim hâwi khan.

2 KORIN 4:4

Krist Pathian banghpi hen a rokual zia Thâwngthâng Ṭha chêu nih chun anmah a cherh kho lonâk ding hen, chubang lakah chun hi laikulh pathian nih hin lunglo tla thinlung a châwtir rawh

2 KORIN 5:17

Churuang chun âuzawng Krist ah a um chun thilsiam thar a hawng si; thil li chu a vei rawh; ngâinik u! a hawng thar rawh.

GALATIA 1:4

Anih nih chun kan Pathian leh Pa rem ti kâng hen tuliau laikulh sual tak lakah hin hawng kan suah khonâk ding hen kan sual tla ruangrûl ah amah a pêk rawh.

EPHESI 1:18

Chun, nan thinlung mit tla deitir a um hen amah kawhnâk lungumnâk tla hen mi thenhlimh tla lakah chun a ro ting ding rokual chawng zia tla,

EPHESI 2:2

Chubang lakah chun a lân khan hi laikulh dân hâwi hen nan um kha, boruak ah thuneihnâk lal tuah lunglo fa tla rangah ṭuan chirtu thlarau dân hâwi hen.

EPHESI 5:17

Churuangah â hen um lah ule, Lalpa duhzia zei me asi ti theih dauh u.

KOLOSA 1:9

Churuang chun, Thlarau finghnâk leh theihkhonâk zawzawng leikângah amah duhzia theih rangtlingnâk ah chun nan hawng khat khonâk ding hen, kan theih ni thawk hen chun kannih khawm nih thlacham hen kan deih piak na mi kan bâng lo.

KOLOSA 3:10

chu minung thar chu theih rangtlingnâk nei ding hen a siamtu bangh a siamthar hen a um liau chir asi;

KOLOSA 4:12

Epaphra nanmah lakah mi, Krist Jisu to-aw nih hin chibai a nan bûk na. Anih nih chun Pathian duhzia zawng upat leh lung thlirnâk nei hen nan dîr khonâk ding hen a thlachamnâk tla ah chun nanmah tla rangah â ṭang kumza tâwn asi.

1 THESALONIKA 4:3

Pathian duhzia nan thenhlimhnâk ding chu hi hi asi, duhnâk hi bâng tâk ule;

TITA 3:5

thil rep tak hen ti mi, kanmah ngelchel nih ti mi tla chu, chu ruang silo hen, siamtharnâk ṭâwlnâk leh Thlarau Thenhlimh siamthar nawlhnâk nih chun a zângfahnâk hâwi vima hen ruang hawng kan suah rawh.

JEM 1:27

Hi hi Pa Pathian nih phung thu ah sawnh dân thenhlimh leh sawnh dân dik ding ah a ngaih mi chu asi; ngâkṭah leh numei tla nih hamh an tuar liauah zauhkhenh leh laikulh nâwmtâm buaih lo hen um hi.

JEM 4:4

Nannih mi zumhkâilo tla, laikulh hâwikawmh sinâk hi Pathian mêlma asi ti nan theih lo ma? Âuzawng laikulh hâwikawmh si a duh mi vial chu Pathian mêlma ah â siam tâwn asi.

1 PETER 1:14

Pathian lakah ê-aw ngâi u, nan ât liauah duhnâk nan nei mi hâwi a um ding hen nan nungnâk tla chu siang lah u.

1 PETER 1:18

An thlâk natu pêk singsuan, nan umdân rawtrâilo lakah mi thil râwkkho mi, tangka leh ngûn hen tlanh nan si lo;

1 PETER 2:3

Churuangah, Pathian lasui thu nih, “Lalpa vêlneihnâk chu nan tem rawh,’ ti hen, a sim hâwi khan.

1 PETER 4:2

Churawhchun, tu thawk hen chun minung duh dân silo hen, taksa ah nan um kar zawng chu Pathian duhzia hen nan um ding asi.

2 PETER 1:4

Churuang chun, a thutiam sung tak leh rokual tak chu hawng kan pêk asi; chun, duhnâk ruangah laikulh ah râwknâk a hawng um mi hi tektâk rawh hen, chubang thutiam sung tak leh rokual tak tla ruang chun, Pathian umzia nan bâwmpi kho bâk lai.

2 PETER 2:20

Lalpa leh Ruangsuahtu, Jisu Krist an theih ruangah, laikulh nâwmtâm tla tektâk nun khawm ah, chu lak ber ah an tâng nawlh hen, neh hen an um nawlh chun, an umdân madung chu a li mi ngâk hen â râwk dauh lai.

1 JOHAN 3:13

Unau le tla, laikulh nih a nan hua na chun chê ti lah u.

1 JOHAN 5:19

Chun Pathian lakah mi kan si ti leh, laikulh pumpi hi Misual thu thu hen a um ti kan theih.

THUPHUANG 12:9

Chun, rûlrêu lianpi, Diabol mawh, Setan an ti mi, laikulh zawzawng perpettu chu tual ah an lawnh rawh, a mifial tla khawm an lawnh sih.

THUPHUANG 13:8

Chun, tual ah an um mi zawzawng lakah laikulh um lân thawk hen thah rawh mi Dawrâ Fa nungnâk lasuibu ah an min â rîn lo mi vial nih chun amah an mâimûk lai.