ROM 11:7 - Bawm Common Language Bible Version

⁷ Zeitin asi lai rawh ne? Israel mi tla nih chun an hâwl mi chu an tawng lo le, thîm mi tla lam nih chun an tawng le, a dang zawzawng tla chu an mawlâwt ver rawh asi.

ROM 11:7 ပူးပေါင်းရင်းမြစ်များ

THUFING LASUIBU 1:28

Chu tikah finghnâk na auh lai le, sikhawmsele kei nih kan sâng ding asi lo. Mun kip ah hawng ka hâwl khawm le, na ka tawng ding asi lo.

ISAI 44:18

Chubang hâwi minung tla chu an mâwl tuk le, an thilti khawm an theih loh. Thudik lakah an mit an sîm le, an thinlung an khungtir.

ISAI 6:10

Churawhchun, ka sinah, “Hi minung tla thinlung hi mawlâwttir, an nâ sêttir, an mit tla châwtir, an muh kho lo hen an theih kho lo hen, an theihthiam lonâk ding hen. Chu hâwi asi lo chun, keimah leiah an hawng a her lai le, damh an si lebang lai,” a ti.

MARK 6:52

Sangtlêp thu chu a ngaihtawnh dân an theihthiam lo dangâiah, an thinlung a chang ruangah.

LUK 13:24

“Kawtkâ bî ah chun lût tum râm u; ka nan simh na, mi tam tak nih lût an tum lai le, an lût kho lai loh.

JOHAN 12:40

“Amah nih an mit a chawtir le, an thinlung a changtir le; chu lo chun an mit hen an muh lai le, an thinlung hen an theih lai le, chun, anna her nawlh lai le, kei nih annih chu ka damh na lebang lai,” ti a sim nawlh ruang hin.

ROM 10:3

Pathian repnâk theihlo hen, mah repnâk birhtir tum hen, Pathian repnâk ah anna pek lo.

ROM 11:25

Unau le tla, thuthup hi nan theih loh ka duh lo, chu lo chun nanna fingtir lai le; Phundang tla rangtlingnâk a hawng tlung lânlo chu Israel mi zeimaw mi tla tlûnah thinlung changnâk a hawng tlung rih asi, ti hi.

ROM 11:5

Chu hâwi ber hen, tuliau khawm ah, zângfahnâk ruangah Pathian nih a thîm na mi tâwm an um.

ROM 3:9

Asi chun, kannih Juda tla hi Phundang tla ngâk hen kan ṭha khun mazei? Si lo e! Juda tla leh Phundang tla chu sual thiltikhonâk tangah an um ver asi ti a lân khawm ah ka zauhtir rawh kha.

ROM 6:15

Zeitin asi lai ne? Dân lâirêl hen um kan si lo le, zângfahnâk lâirêl hen um kan si dauh ruangah kan sual ding ma si lai?

ROM 9:18

Pathian nih a duh mi zawng a zângfah tâwn le, a duh mi zawng a lungkhungtir tâwn asi.

1 KORIN 10:19

Zei me ka sim ne? Ruk sinah ap mi chu thil asi ti leh ruk khawm chu thil asi ti ka sim mazei?

2 KORIN 3:14

Tusûn tiang khawm ah thutiam li chu an rêl chun khuhnâk lîlâ chu lîm lo hen an um ko ruangah, chu khuhnâk chu Krist ah chun tlâulir hen a um rawh.

2 KORIN 4:4

Krist Pathian banghpi hen a rokual zia Thâwngthâng Ṭha chêu nih chun anmah a cherh kho lonâk ding hen, chubang lakah chun hi laikulh pathian nih hin lunglo tla thinlung a châwtir rawh

EPHESI 1:4

zângfahnâk ah thenhlimh leh simsâwi kawplo hen a mâika ah kan um khonâk ding hen tual tuah lânah Krist ah a tâ siding hen a hawng kan thîm hâwi khan.

EPHESI 4:18

theihlonâk anmah lakah um mi chu theihlonâk ruangah chun Pathian nungnâk lakah ṭhen a um hen, an theihnâk lakah chun an hawng mûi asi, an thinlung a mawlâwt ruangah.

PHILIPI 1:18

Zeitin rawh ne? Zeiruang khawm asi lo, thu zeizawng ah a telê hen mawh a tak hen mawh Krist thu sim hen a um rerêng asi; chubang lakah chun ka lâwm le, asi, ka lâwm vima lai.

HEBRAI 12:17

Chu nûnah chun, a pa malsâwmnâk chu ting ding duh hen mitthli tla bû hen ngiar khawmsele thinlung lêtnâk a nei lo ruangah a tawng lo rawh ti nan theih asi.

1 PETER 1:2

Pathian thiltum hâwi hen Thlarau ah a nan thenhlimhtir na ding leh Jisu Krist ê-aw ngâi ding hen, a thisen hen a nan thiangtir na ding hen amah nih a nan thîm na asi. Nan tlûnah zângfahnâk leh remnâk pungtir hen um seh.