ROM 10:8 - Bawm Common Language Bible Version

⁸ Asi chun zei me a sim? “Thu nih chun a nan naih, na kâ leh na thinlung khawm ah a um,” ti hen a sim asi; chu chu lungnâk thu kan sim tâwn mi hi asi.

ROM 10:8 ပူးပေါင်းရင်းမြစ်များ

ISAI 57:19

Mun nâi leh mun lât ah mi an ektê sinah thlangamnâk ka pêk na lai! Ka mi tla chu ka damh na lai.

THILTI 10:43

Âuzawng amah lungtu vial a min ruangah sual tla ngaihdam hen an um lai ti, hi bang a thâwngthâng hi khuavâng zawzawng nih an theihtir tâwn kha,” a ti.

THILTI 16:31

Chun, annih nih chun a sinah, “Lalpa Jisu chu nang leh na dâwngsung tla hen lung ule, ruangsuak hen nan um lai,” an ti.

ROM 10:17

Chun, lungnâk chu theihnâk ruangah a hawng um le, chun theihnâk chu Krist thu ruangah a hawng um.

GALATIA 3:2

Hi cho hi nanmah thawk hen theih ka duh, Dân thilti ruangah ma Thlarau nan tawng, nan ngâi hen nan lung ruangah ma?

GALATIA 3:5

Chun, nan sinah Thlarau a nan pêk natu leh nan lakah thilchê titu nih chun Dân thilti ruangah ma a ti, nan ngâi hen leh nan lung ruangah ma?

EPHESI 5:26

annih chu tî a ṭâwl hen, thu nih chun a thiangtir hen a thenhlimhtir kho na nâk ding hen;

DEUTERONOMY 30:14

Asi lo zia chu, hinah nan sinah a um ko asi. Nan theih hen nan sim kho. Churuangah tuah zûl u.

1 TIMOTHE 4:6

Chubang sîntirnâk tla, na zûl mi sîntirnâk dik leh lungnâk thu tla ah thlarau ah na châwm hâwi hen unau tla na sîntir na chun Jisu Krist to-aw ṭha tak na si lai.

1 PETER 1:23

Thikho mi nu leh pa fa hâwi silo hen, thikholo mi fa tla, Pathian zungzâl thu nung ah suak nawlh mi nan si ruangah.

1 PETER 1:25

sikhawmsele, Lalpa thu lam chu zungzâl hen a um kumza asi,” ti hen a sim hâwi khan. Thâwngthâng Ṭha an simh na mi chu hi thu hi asi.