ROM 10:6 - Bawm Common Language Bible Version

⁶ Lungnâk ah repnâk lam nih chun hi hâwi hen a sim: “Nan thinlung ah, ‘âu me vân ah kâi lai?’ mawh (chu chu tlûnlei thawk hen Krist hawng ṭumpi ding tinâk asi),

ROM 10:6 ပူးပေါင်းရင်းမြစ်များ

THUFING LASUIBU 30:4

Vân lei thu theihnâk âunih a nei? Âunih a kut hen thli tleih kho? Âunih puan tliar hen tî fûn kho? Âunih ramri tla siam kho? Na theih mi asi chun, âu asi ne? A fapa chu âu me si?

JOHAN 6:33

Pathian sang chu vân thawk hawng ṭum hen, laikulh sinah a nungnâk pêktu hi asi,” a ti.

JOHAN 6:38

Mah duhzia ti ding hen vân thawk hen hawng ṭum kasi lo le, hawng ka fialtu duhzia ti ding hen hawng ṭum kasi dauh.

JOHAN 6:58

Hi hi vân thawk hen sang hawng ṭum chu asi: pu tla nih sang chu an ei le, an thi hâwi kha asi lo, âuzawng hi sang eitu zawng chu zungzâl hen a nung kumza lai,” a ti.

ROM 3:22

chu chu Pathian repnâk, Jisu Krist lung ruangah a lungtu vial tla sinah langhtir hen a um mi chu asi; dangnâk rerêng a um lo:

ROM 3:25

Pathian dawnhkhonâk ah tuan liauah sual tla ngaihdam hen a um ruang khan, Pathian nih amah rep zia zauhtirnâk ding hen Krist Jisu chu a thisen ah, lung ruangah sual thutluang vawrnâk ah a ruat.

ROM 4:13

Dân ruangah Abraham leh a thlâk tla sinah chun laikulh ro tingtu ding asi lai ti lam chu tiamh asi lo le, lungnâk ah repnâk ruangah asi dauh.

PHILIPI 3:9

Krist ka ting khonâk ding leh mah repnâk (Dân lakah repnâk chu) nei lo hen, Krist lung ruangah repnâk (Lung ruangah Pathian lakah repnâk chu) nei dauh hen, amah lakah um kasi khonâk ding hen;

HEBRAI 1:3

Amah chu Pathian rokualnâk hen a chêu le, amah chu Pathian tak banghnâk neitu asi, a thiltikhonâk hen laikulh chu dirh asi. Minung tla sual a thenhlimhtir nûnah Chungnungchem Thiltikhonâk Pathian vawrhlei ah vân ah a to rawh.

HEBRAI 11:7

Lungnâk hen Noa chu thil a lang lo rih mi leikâng thu ah Pathian simhkannâk thu a ngâi le, Pathian thu zâwt hen a dâwngsung tla ruangsuaknâk ding hen lawng a sâi; chu nih chun laikulh chu a mawhtir rawh. Churuang chun, lungnâk ruangah repnâk chu Pathian thawk hen â ting rawh.