ROM 10:3 - Bawm Common Language Bible Version

³ Pathian repnâk theihlo hen, mah repnâk birhtir tum hen, Pathian repnâk ah anna pek lo.

ROM 10:3 ပူးပေါင်းရင်းမြစ်များ

NEHEMIAH 9:33

Na kan rêp mi hi na dik asi, kan sual menza khawmsele, nang chu zumh na kâi.

JOB LASUIBU 33:27

Zatlâng sinah, “Ka sual ngâk, ka diklo, sikhawmsele, Pathian nih hawng ka zuah.

SAM 71:19

Pathian, na repnâk nih vân a dêng. Thil rokual tak tla na ti le, nangmah hâwi âukhawm an um lo.

ISAI 51:1

LALPA nih, “Nannih ruangsuah duhtu leh ṭangpi ding duh hen ka sinah hawngtu tla ka thu ngâi u. Nan hawng suaknâk lungpi, a nan chawh na nâk kha dawn u.

ISAI 51:6

Vânlei zauh le tual zauh! Vân chu meikhû hâwi hen a vei ving lai le tual chu puan li hâwi hen a ṭet lai. A minung tla chu thovâi hâwi hen an thi lai. Sikhawmsele ruangsuahnâk ka hawng tlungtir ding mi chu zungzâl asi lai le, ka nehnâk chu a dawnghnâk asi lai.

ISAI 51:8

Rulchawn nih puan a ei hep mi hâwi hen an vei dep lai! Sikhawmsele ruangsuahnâk ka hawng tlungtir ding mi chu zungzâl asi lai le, ka nehnâk chu zeiliau zawng a um kumza lai,” a ti.

ISAI 56:1

LALPA nih a mi tla sinah, “Sâwtlotê ah ruang ka nan suah na awt ruangah, a dik mi leh â rep mi chu ti u.

ISAI 57:12

Nan thilti tla chu dik hen nan ruat le, sikhawmsele nan umdân chu ka langh lai le, nan milem tla nih a nan ṭangpi kho na lai loh.

ISAI 64:6

Kan ektê hen misual kan si; kan thilti ṭha chem khawm a nâwm mi hep asi. Kan sual ruangah thingnah a uai mi thli nih a sêm ving mi hâwi kan si.

LUNGFÂKNÂK 3:22

LALPA dâwtnâk leh khuaruatnâk chu tlawlh dahlo hen a um vima.

DANIAL 9:24

“Hun sarih, kum sâwmsarih chu sual lo thlo hen khuapi thenhlimh leh na mi tla an um ding mi a sâwt kar zawng Pathian nih a ruat mi zat asi. Sualnâk chu ngaihdam asi lai le, repnâk chu birhtir asi lai, chu tikah langhnâk leh simhkannâk chu a dik lai rawh, Biakin thenhlimh khawm ap nawlh asi lai rawh.

LEVITICUS 26:41

ka lung an sitir lo ruangah an mêlma tla ram ah sal ka tângtir na mi nih an sual tla leh an pu sual tla an lêt lai. A dawnghnâk ah chun nan thlâk tla chu an helnâk leh an sual ruangah rêp an si lai le, anna nautir lai rawh.

LUK 10:29

‘Sikhawmsele, anih nih chun mawh duh lo tuk ah, Jisu sinah, “Ka zâwlbâwm tla chu âu mesi?” a ti.

LUK 16:15

Chun, anih nih chun an sinah, “Minung mitmuh ah a reptir mi cho nan si, sikhawmsele, Pathian nih nan thinlung a theih; minung lakah chawnglawmhnâk chu Pathian mitmuh hen nâwm tak asi.

ROM 1:17

Thâwngthâng Ṭha nih chun a dawmhtîr thawk hen a dawngh tiang hen Pathian ah lungnâk ruang cho ah minung chu rep hen a um ti a langhtir asi. “Mi rep chu lungnâk hen a nung lai,” ti Pathian lasui thu nih a sim hâwi khan.

ROM 10:2

Pathian leiah ṭhanemsemse an ngâi ti ka theihpi asi, theih rangtling hâwi lam chun an ruat lo.

ROM 10:20

Chun, Isai nih râlṭha tak hen, “An ka hâwl lo mi tla tawng hen ka um le, an ka lam lo mi tla sinah theihtir hen ka um,” ti hen a sim.

ROM 11:7

Zeitin asi lai rawh ne? Israel mi tla nih chun an hâwl mi chu an tawng lo le, thîm mi tla lam nih chun an tawng le, a dang zawzawng tla chu an mawlâwt ver rawh asi.

ROM 3:22

chu chu Pathian repnâk, Jisu Krist lung ruangah a lungtu vial tla sinah langhtir hen a um mi chu asi; dangnâk rerêng a um lo:

ROM 3:26

Tu liauah a rep zia a zauhtirnâk ding ah asi amah ngelchel chu mirep asi khonâk ding hen leh Jisu lungtu vial mawhtirlotu asi khonâk ding hen.

ROM 5:19

Mi pakhat ê-aw ngâilonâk ruangah khan mi tam tak chu misual an hawng si rawh: chu hâwi ber hen mi pakkat ê-aw ngâinâk ruangah khan mi tam tak chu mirep an hawng si lai.

2 KORIN 5:21

Amah lakah chun Pathian repnâk kan hawng si khonâk ding hen sual rerêng nei lo Jisu chu Pathian nih kanmah ruangah sual ah a siam.

DEUTERONOMY 6:25

LALPA nih thu hawng kan pêk mi zawzawng zumhkâi tak hen kan zûl chun kan tlûnah a lâwm lai,’ nan ti ding asi.

PHILIPI 3:9

Krist ka ting khonâk ding leh mah repnâk (Dân lakah repnâk chu) nei lo hen, Krist lung ruangah repnâk (Lung ruangah Pathian lakah repnâk chu) nei dauh hen, amah lakah um kasi khonâk ding hen;

2 PETER 1:1

Simon Peter, Jisu Krist to-aw leh mifial thawk hen chun Jisu Krist kan Pathian leh ruangsuahtu repnâk ruangah zumhnâk sung tak kanna ting mi hâwi ting bâk mi tla sinah,