ROM 10:16 - Bawm Common Language Bible Version

¹⁶ Sikhawmsele, Thâwngthâng Ṭha chu an ektê hen an lung ver lo. Isai nih, “Lalpa kan thusim âunih me lung?” a ti ruangah.

ROM 10:16 ပူးပေါင်းရင်းမြစ်များ

ISAI 50:10

Nannih LALPA zahtu tla leh a to-aw thu zûltu tla nan kalnâk lampi chu mûi khawmsele LALPA chu zumh ule, nan Pathian lakah a ngauh u.

ISAI 53:1

Zapi tla nih an sâng le, “Tuah kan thusim hi âunih a lung lai? Hi lakah hin âunih LALPA kut muh khotu um?

MATHAI 13:14

Chun, Isai thusim kha an tlûnah a hawng tlung mahi: ‘Nâ hen chun nan theih narêng hen a ngaihtawnh dân lam chu nan theih rîlmâl lai lo; muh lam chu nan muh narêng hen theih lam chu nan theih rîlmâl lai lo.

JOHAN 10:26

Sikhawmsele, nan lung lo, ka dawrâ lakah mi nan silo ruangah.

THILTI 28:24

Chun, a zeimaw mi nih a thusim chu an lung le, a zeimaw mi nih an lung lo.

ROM 1:5

A min ruangah lungnâk chu phun kip lakah mi lungtir hen, amah ruangah chun, zângfahnâk leh mifial sinâk ka ting rawh.

ROM 11:17

Chun a ṭeng zeimaw mi chu khiak hen a um chun nang, Phundang, oliv suak si hen, Juda lakah peh hen na um le, oliv thing ah ṭhatnâk ram va a bâwm bâk mi na si chun ṭeng dang lakah chun a zûm lah.

ROM 16:26

Tuah lam chun langhtir asi le, lungnâk chu a zûl khonâk ding hen, zungzâl Pathian thupêk hâwi vima hen khuavâng tla lasui thu hen phun kip sinah theihtir asi rawh.

ROM 2:8

Midang tla chu mah kawngkâ lâwng ruat mi an si le, a dik mi chu an duh lo, a diklo mi chu an zûl dauh tâwn; an tlûnah chun Pathian thinthawknâk leh thinrunhnâk tla a um lai.

ROM 3:3

Mi zeimaw mi nih lungnâk nei lo khawmsele zei me â ti le? An lunglonâk nih chun Pathian zumhkâi zia zeikhawm lo ah a siam lêm mazei?

ROM 6:17

Khawmsele, sual to-aw tla si khawm ule, sîntir dân a sinah nanna pêknâk chu thinlung tatak hen nan zâwt hen, chun sual lakah mi suak hen nan um le, repnâk to-aw tla nan hawng si rawh; churuang chun, Pathian sinah lâwmthu um seh; nan taksa chak lo ruangah minung dân hen thu ka sim asi.

GALATIA 3:1

Aw, Galatia ram a mi â tla! âunih an dâwi na? Nan mitmuh ngelchel ah Jisu Krist chu khenhbêk hen fiang tak a langhtir asi mi.

GALATIA 5:7

Ṭha tak hen nan tek tâwn khateh; thudik chu nan zâwt lonâk ding hen âunih a nan kham na?

HEBRAI 11:8

Abraham chu Pathian nih a kawh liau khan lungnâk hen Pathian nih pêk ding hen a tiamh mi ram leiah a suak le, a kalnâk lei ding khawm theihlo hen a suak le, a ram chu a mâk rawh.

HEBRAI 4:2

Thâwngthâng Ṭha an sinah sim asi hâwi hen kan sin khawm ah sim asi. Sikhawmsele, an thu theih nih chun anmah tla a ṭhatvaktir lêm lo, an thu theih chu an lung tak lo ruangah.

HEBRAI 5:9

Chun, rangtling tak hen siam a hawng si rawh chun ê-aw ngâitu zawzawng rangah zungzâl ruangsuahnâk phûrpi a hawng si rawh.

1 PETER 1:22

Unau tla hen a zângfah tawnh tatak ding hen, thudik zâwt hen nanna thenhlimhtir ruangah thinlung ah semsêngâi tak hen a dâwt tawnh u.

1 PETER 2:8

Chun, Pathian lasui thu dang nih, “Hi lung hi minung tla tlûktirtu ding chu asi, anmah tlûktirtu lungpi chu,” ti hen, a sim. An rangah Pathian duhzia thu an lung lo ruangah an tlû rawh.

1 PETER 3:1

Chu hâwi ber hen, nannih nupi tla, nan pasal tla thu thu hen um u. An lakah zeimaw mi Pathian thu lung lo na khawmsele, thu silo hen, nan nunchan thenhlimh leh zahkâinâk hen neh na ding a tum u.