ROM 10:12 - Bawm Common Language Bible Version

¹² Juda leh Phundang tla chu zeikhawm ah anna dang lêm lo, Lalpa pakhat an ektê tlûnah Lalpa asi le, a lamtu vial tla tlûnah ṭhatnâk tam tak a nei.

ROM 10:12 ပူးပေါင်းရင်းမြစ်များ

SAM 145:18

Amah kawhtu tla sinah nâi tek hen a um, zumhkâi tak hen amah kawhtu tla chu.

SAM 86:5

Nang chu kan lakah na ṭha hen na kan ngaihdam, na sinah thlachamtu chu dâwtnâk dawnglo na pêk.

ISAI 55:6

Tuah a nâi tek liauah LALPA leiah a her ule, a sinah thlacham u.

THILTI 7:59

Chun, Stephen nih, “Lalpa Jisu, ka thlarau lâk rawh,” ti hen, Lalpa a kawh liauah lung hen an seh chiam.

THILTI 9:14

Chun, hinah khawm na min lamtu vial phuar na ding hen bâwlpu lal tla thawk hen thu a tawng asi,” a ti le, a sâng.

ROM 14:9

Krist thihnâk leh a hawng nung nawlhnâk san chu, minung leh mithi Lalpa asi khonâk hi asi.

ROM 15:12

Chun, Isai nih, “Jese zung leh ram chu a um lai le, Phundang tla Lal ah um ding hen a hawng suak ding chu a um fâwn lai; anih chu Phundang tla nih chun an lungum san lai,” a ti nawlh ber.

ROM 2:4

Asi lo leh, Pathian ṭhatnâk nih rimnâk ding hen a nan ruai na tâwn ti theihlo hen, a ṭhatnâk neih tam zia leh â zauh kho zia leh â dawnhkho zia chu nêp dîk hen ma nan ruat?

ROM 3:22

chu chu Pathian repnâk, Jisu Krist lung ruangah a lungtu vial tla sinah langhtir hen a um mi chu asi; dangnâk rerêng a um lo:

1 KORIN 1:2

Korin khua ah Pathian kawhmi um tla, Krist ah thenhlimhtir hen Pathian mi tla siding hen kawhmi tla sinah, ram kip ah anmah leh kanmah Lalpa Krist min lamtu zawzawng tla hen:

1 KORIN 15:47

Minung masa chem chu tual a mi valei hen siam asi; minung panihnâk chu vân ah mi asi.

2 KORIN 8:9

Kan Lalpa Jisu Krist zângfahnâk chu a pâmnâk ruangah nan hawng nei khonâk ding hen, nei khawmsele nanmah ruang takah a hawng pâm mi kha nan theih asi.

GALATIA 3:28

Chunah chun Juda mi a um kho lo le, Greek mi khawm a um kho ber lo, chunah chun to-aw a um kho lo le, to-aw lo khawm a um kho ber lo, chunah chun mipa leh nunau khawm a um kho ber lo; Krist Jisu lakah nan ektê hen pakhat nan si ruangah.

EPHESI 1:7

A thisen hen amah lakah tlanhnâk kan nei asi, a zângfahnâk chawng zia hâwi vima hen kan buarnâk tla ngaihdamnâk chu.

EPHESI 2:4

Sikhawmsele, Pathian nih chun zângfahnâk a chawng hen a zângfahnâk fâk tak ruangah khan,

EPHESI 2:7

Chun, tik hawng tlung ding mi lakah Krist Jisu ah kan tlûnah vêl nei hen a zângfahnâk neih fâk zia chu a zauhtir kho lai.

EPHESI 3:6

chu chu hi hi asi: Thâwngthâng Ṭha ruangah hin Krist Jisu ah Phundang tla hi Juda tla rotingtu, taksa pumkhat lakah ṭeng tla, thutiam tingpitu tla an si hi.

EPHESI 3:8

Phundang tla sinah Krist neihsiahnâk sût châwklo rê thâwngthâng sim ding leh thuthup zungzâl thawk hen Pathian zeizawng siamtu lakah thuh hen a um mi zauhkhenhnâk chu zeise asi ti, mi mêchem ngâk a mê dauh sinah chu zângfahnâk chu pêk asi.

PHILIPI 2:11

Pa Pathian rokualnâk ding hen, lei kip nih, “Jisu Krist chu Lalpa asi,” ti hen, an phuang lai.

PHILIPI 4:19

Chun, ka Pathian nih chun Krist Jisu ah a rokualnâk chawng zia hâwi vima hen nan samphangnâk zeizawng khawm an ṭangpi na lai.

KOLOSA 1:27

Chubang na sinah chun chu thuthup rokualnâk chawng zia chu Pathian nih theihtir a duh rerêng asi; chu thuthup chu Krist nanmah lakah um mi rokualnâk lungumnâk san chu asi;

KOLOSA 3:11

chu lak chun Greek mi leh Juda mi, fêmtan leh tan lo phundang tla, Skuthia mi tla, sal tla, sal lo tla khawm a um lo; Krist chu zeizawng si dauh hen zeizawng ah a um ber asi.

1 TIMOTHE 2:5

Pathian pakhat cho a um le Pathian leh minung karah thu lanhtu pakhat a um, chu chu Jisu Krist asi.

THUPHUANG 17:14

Chu tla nih chun Dawrâ Fa chu an do lai le, sikhawmsele, Dawrâ Fa chu hotu tla Hotu, lal tla Lal asi ruangah, amah kawh mi tla, thîm mi tla leh amah zûltu zumhkâi tla nih chun an neh na lai,” a ti.

THUPHUANG 19:16

Chun, a puan leh a kê ah min rîn, “lal tla Lal leh hotu tla Hotu,” ti hen a um.