ROM 1:9 - Bawm Common Language Bible Version

^9-10 Ka thlachamnâk lakah chun bâng lo hen nan min ka lam tâwn le, tutan hin nan sinah ka hawng kalnâk ding hen Pathian thu thu hen tlâwngnâk tik ka tawng rarâm khonâk ding hen ka deih tâwn ti a Fapa Thâwngthâng Ṭha ah ka thlarau ah a rian ka ṭuan tâwn mi Pathian chu a theihtu asi.

ROM 1:9 ပူးပေါင်းရင်းမြစ်များ

JOB LASUIBU 16:19

Zeimaw mi vân ah an um le, keimah lei ṭângṭawm hen ka rangah dîr hen an um.

MARK 1:1

Hi hi Pathian Fapa Jisu Krist Thawngthang Ṭha tlung dawmhtîrnâk chu asi.

LUK 18:1

Chun, lungdawng lo hen thla an cham kumza ding asi ti theihnâk ding hen ṭhiruai tla sinah tahṭhimh thu a sim:

THILTI 12:5

Churuangah Peter chu rêngin ah chun a umtir rih; sikhawmsele, kawhmi tla nih amah rangah ṭhanemngâi tak hen Pathian sinah thla an cham piak tâwn.

THILTI 19:21

Chun, chu nûnah chun, Pawl nih Makedonia ram leh Akaia ram chu ṭawl rih hen, Jerusalem khua ah kal ding a thinlung a um, “Chunah ka kal thluh chun Rom khua ah ka tlâwng fâwn ding asi,” a ti.

THILTI 24:14

Sikhawmsele, hi thu hi na sinah ka phuang lai, ‘murui dang,’ an ti mi leikâng dân hâwi hen hawng kan thlâktu tla Pathian ka sawnh tâwn-- Dân leh khuavâng tla lasuibu ah rîn mi zawzawng lung hen.

THILTI 27:23

A tâ kasi le, ka sawnh tâwn mi Pathian nih a vânmifial pakhat tuzân ah hin ka kiang ah a hawng dîr le, ka sinah,

THILTI 3:26

Pathian nih a to-aw chu a ruat le, nan sual tla hertâk tir chiau ding hen mal a nan sâwm na ding hen nanmah sinah a hawng fial masa chem asi hi,” a ti.

ROM 9:1

Krist ah chun thudik ka sim asi, ka âwkrâwl lo. Thlarau Thenhlimh zârah chun ka siat le ṭhat theihnâk khawm nih hawng ka theihpi le,

2 KORIN 1:23

Sikhawmsele, ka thlarau lakah theihtu rangah Pathian ka kawh asi, nanmah tla a nan zuah na ding hen asi Korin khua ah ka hawng kal lo mi kha.

2 KORIN 11:31

Jisu Pathian leh Pa, zungzâl a thawsuak hen um mi nih chun âwkrâwl ka sim lo zia a theih.

GALATIA 1:20

Nan sinah thu ka sim mi tla hi Pathian mitmuh ah ka âwkrâwl lo.

EPHESI 6:18

thlachamnâk leh deihnâk kip hen zeiliau zawng ah Thlarau a thlacham hen chu leikângah chun mi thenhlimh zawng rangah ṭhanemsemsê ngâi tak hen leh deih thlir hen a ringrâwn u.

PHILIPI 1:3

Ni masa chem thawk khan tutiang hen Thâwngthâng Ṭha zanhnâk ah nanna tel bâk ruangah ka nan theih pup na zâwn kip ah ka Pathian sinah lâwmthu ka sim tâwn. Nanmah rangah thla ka nan cham piak na nâk kip ah lâwm tak hen ka deih rawh.

PHILIPI 2:22

Sikhawmsele, anih hi chu nik hen a um rawh zia nan theih, fa nih a pa rian a ṭuan hâwi hen Thâwngthâng Ṭha zanhtir leikângah hawng ka ṭuanpi tâwn kha.

PHILIPI 3:3

Kannih Pathian Thlarau zârah Pathian sawnh leh Krist Jisu putso leh taksa tlûnah rinhsannâk ngauh lotu tla hi fêmtan tla kan si dauh asi.

1 THESALONIKA 1:2

Kan Pathian leh Pa mâika chun, lung ruangah nan thilti zia tla, zângfahnâk ruangah nan ṭuan zia tla, kan Lalpa Jisu Krist lungumnâk ruangah nan felfê zia tla kha philh lo a theih kumza hen, kan thlachamnâk tla ah chun nan min lam hen nanmah tla zawzawng ruangah Pathian sinah lâwmthu kan sim tâwn asi.

1 THESALONIKA 3:10

a sûn a zân hen thungâi tak a thlacham hen, kan Pathian mâika ah nan lakah kanna lâwmnâk zawzawng ruang hin nanmah leikâng thu ah Pathian sinah zei lâwmthu me kan sim rûl kho bâk lai aw?

1 THESALONIKA 5:17

bâng lo hen thlacham ule,

1 TIMOTHE 2:7

chu chu ti ding hen phuangtu ah leh mifial ah ruat kasi, thudik ka sim, ka âwkrâwl lo, lungnâk leh thudik ah phundang tla sîntirtu ah ruat kasi.

2 TIMOTHE 1:3

Hawng ka thlâktu tla nih an ti hâwi hen, sia leh ṭha theihnâk fiang tak hen a rian ka ṭuan mi Pathian sinah lâwmthu tla ka sim. A sûn a zân hen ka thlachamnâk ah ka nan theihkumza tâwn asi.

PHILEMON 1:4

Lalpa Jisu leikâng ah leh mi thenhlimh zawzawng dâwtnâk leh lungnâk na nei mi chu ka theih tâwn le, ka thlachamnâk tla ah chun na min ka lam kumza, ka Pathian sinah lâwmthu ka sim tâwn.

1 SAMUEL 12:23

Kei lam nih chun nan rangah thlacham ka dâithlanh ruangah LALPA lakah ka mawh ding asi lo rerêng. Chu hâwi ding ngâk hen, nan rangah zei me a ṭha hen a dik mi zawng chu kan sîntir na awt.