ROM 1:8 - Bawm Common Language Bible Version

⁸ Laikulh zawzawngah nan lungnâk thu a thang ruangah nan ektê tlûnah ka lâwmnâk thu Jisu Krist zârah Pathian sinah ka sim masa rih asi.

ROM 1:8 ပူးပေါင်းရင်းမြစ်များ

MATHAI 24:14

Chun, hi Ram Thâwngthâng Ṭha hi phun zawzawng theihtirnâk ding hen laikulh zawzawng ah sim hen a um lai; churawhchun a dawnghnâk a tlung lai.

LUK 2:1

Chun, chu liau chun hi hâwi hi asi le; Kaisar Awgasta nih laikulh zawzawng min rîn ding thu a pêk.

THILTI 11:28

Chun, an lakah minung pakhat a min, Agaba a dîr le, laikulh zawzawngah pâm fâk tak a tlung awt ti Thlarau simh hen a theihtir le; chu pâm chu Klaudia lal liauah a hawng tlung rawh.

THILTI 28:22

Khawmsele, hi murui hi ram kip ah simsiat an si le, nangnih zeitin na ngaih, theih kan duh,” an ti.

ROM 10:18

Sikhawmsele, ka deih le: Thu an theih lo mi hi a dik tak ma? Theih ta a, Pathian lasui thu nih a sim hâwi khan: “An hâu chu ram kip ah a thang le, an thu kâwlkil tiang hen a thang rawh,” ti hen.

ROM 16:19

Nan lung zia chu mi zawzawng lakah a thang rawh ruangah. Churuangah, nanmah leikâng thu ah ka lâwm asi; khawmsele chu, ṭha leikângah chun nan fing hen sual leikângah nan fing lo ka duh asi.

ROM 6:17

Khawmsele, sual to-aw tla si khawm ule, sîntir dân a sinah nanna pêknâk chu thinlung tatak hen nan zâwt hen, chun sual lakah mi suak hen nan um le, repnâk to-aw tla nan hawng si rawh; churuang chun, Pathian sinah lâwmthu um seh; nan taksa chak lo ruangah minung dân hen thu ka sim asi.

1 KORIN 1:4

Krist Jisu zârah a zângfahnâk nan sinah pêk mi ruang khan nanmah leikâng thu ah Pathian sinah lâwmthu ka sim kumza tâwn.

2 KORIN 2:14

Sikhawmsele, Krist nehnâk ah hawng kan rui kumzatu leh kanmah tla mang hen mun kip ah amah theihnâk rim theihtirtu Pathian sinah chun lâwmthu um seh.

EPHESI 1:15

Churuangah, kei khawm nih Lalpa Jisu lungnâk nan lakah um, Pathian mi le tla zawzawng tlûnah zângfahnâk nan langhtir tâwn mi tla chu ka theih hen,

EPHESI 1:16

kan Lalpa Jisu Krist, Pathian rokualnâk Pa nih chun amah theihnâk leikângah finghnâk leh theihfiangnâk Thlarau a nan pêk kho na nâk ding hen ka thlachamnâk tla ah chun nan min lam hen nan tlûnah lâwmthu sim ka bâng lo.

EPHESI 3:21

zungzâl thlâk zawzawng tiang hen kawhmi tla lakah leh Krist Jisu ah rokualnâk um seh; Amen.

EPHESI 5:20

Kan Lalpa Jisu Krist min hen, Pathian, Pa sinah zeizawng lakah lâwmthu sim kumza u.

PHILIPI 1:3

Ni masa chem thawk khan tutiang hen Thâwngthâng Ṭha zanhnâk ah nanna tel bâk ruangah ka nan theih pup na zâwn kip ah ka Pathian sinah lâwmthu ka sim tâwn. Nanmah rangah thla ka nan cham piak na nâk kip ah lâwm tak hen ka deih rawh.

KOLOSA 1:3

Vân ah nan rangah lungumnâk an siah piak na ruangah, Krist Jisu nan lung zia leh mi thenhlimh tla tlûnah zângfahnâk nan nêi zia kan hawng theihnâk thawk hen chun nan rangah thlacham kumza hen Pathian kan Lal Jisu Krist Pa sinah chun lâwmthu kan sim tâwn, chu lungumnâk thâwngthâng chu a lânah, Thâwngthâng Ṭha thudik thu ah khan nan theih rawh.

1 THESALONIKA 1:2

Kan Pathian leh Pa mâika chun, lung ruangah nan thilti zia tla, zângfahnâk ruangah nan ṭuan zia tla, kan Lalpa Jisu Krist lungumnâk ruangah nan felfê zia tla kha philh lo a theih kumza hen, kan thlachamnâk tla ah chun nan min lam hen nanmah tla zawzawng ruangah Pathian sinah lâwmthu kan sim tâwn asi.

1 THESALONIKA 2:13

Hi ruang hin bâng lo hen Pathian sinah lâwmthu kan sim tâwn, Pathian thu kanmah thawk hen nan theih mi, nan zûl liau khan minung thu zûl hen nan zûl lo le, Pathian thu zûl hen nan zûl dauh ruang khan; chu chu Pathian thu asi rêng, nanmah a lungtu sungah ṭuan tâwntu ber chu asi.

2 THESALONIKA 1:3

Unau tla, nanmah leikâng thu ah Pathian sinah lâwmthu sim kumza ding rêng kan si; chu chu â dawh rêng asi, nan lungnâk thu thungâi ṭhanglian hen, nan ektê hen nanna zângfah tawnhnâk chu a pung khun ruangah;

2 TIMOTHE 1:3

Hawng ka thlâktu tla nih an ti hâwi hen, sia leh ṭha theihnâk fiang tak hen a rian ka ṭuan mi Pathian sinah lâwmthu tla ka sim. A sûn a zân hen ka thlachamnâk ah ka nan theihkumza tâwn asi.

PHILEMON 1:4

Lalpa Jisu leikâng ah leh mi thenhlimh zawzawng dâwtnâk leh lungnâk na nei mi chu ka theih tâwn le, ka thlachamnâk tla ah chun na min ka lam kumza, ka Pathian sinah lâwmthu ka sim tâwn.

HEBRAI 13:15

Chun, Jisu zârah bâwlnâk hâwi hen sawrnâk chu Pathian sinah kan ap kumza lai; chu chu kan aw-hâu tla hen a min hen lâwmthu tla kan sim kumza lai tinâk asi.

1 PETER 2:5

Lung nung tla hâwi hen amah sinah hawng u, chun thlarau lei in saknâk ah mang ding hen a pêk u. Jisu Krist zârah Pathian sinah thlarau lei bâwlnâk pawmtlâk ap ding hen chunah chun, bâwlpu thenhlimh nan si lai.

1 PETER 4:11

Mi âuzawng nih thu a sim chun Pathian thu sim seh; mi âuzawng nih rian a ṭuan chun Pathian nih chaknâk a pêk hâwi vima hen ṭuan seh. Churawhchun, Jisu Krist zârah Pathian chu thil zeizawng ah chawnglawmh hen a um kho lai. Rokualnâk leh thiltikhonâk chu zungzâl hen amah tâ asi. Amen.