ROM 1:6 - Bawm Common Language Bible Version

⁶ Chubang tla lakah chun nannih Rom khua ah um mi tla khawm Jisu Krist ah kawh mi tla nan si.

ROM 1:6 ပူးပေါင်းရင်းမြစ်များ

ROM 9:24

Chu zângfahnâk bêl tla chu Juda tla lak mi cho silo hen, Phundang tla lakah mi khawm kawh an si.

1 KORIN 1:9

Pathian, a Fapa Jisu Krist kan Lalpa kawmhnâk ah a nan kawh natu kha zumh a kâi asi.

GALATIA 1:6

Krist zângfahnâk zârah a nan kawh natu kha chu hâwi hen lâkkhat ko ah Thâwngthâng Ṭha dang leiah nan kawp tâk hi chê ka ti asi.

EPHESI 1:11

Amah duhkâng a remruat hâwi vima hen thil zeizawng titu nih a tum mi ruatkan si rawh hen amah lakah ber a mi siding ah siam kan si,

KOLOSA 1:21

Chun, nannih a lânah nan thilsual ti ruangah khan amah lakah mi ṭhen hen nan um le, nan thinlung ah mêlma nan hawng si kha, sikhawmsele, tuah lam chun, a mâika ah thenhlimh tak leh simsâwi um lo leh simsâwi kawplo hen a nan dîrtir na ding hen, a taksa thihnâk ruangah chun amah hen a nan remtir na rawh asi;

KOLOSA 1:6

Chu Thâwngthâng Ṭha chu laikulh zawzawngah rah hen a pung vima hâwi hen nan sinah a tleng kha. Chu hâwi ber hen, Epaphra kan to-aw hâwi duhtak lakah nan châwng hâwi hen, thungâi tak hen Pathian zângfahnâk chu nan ngâi hen nan theih ni thawk khan, nanmah lak khawm ah rah hen a pung vima tâwn asi.

2 THESALONIKA 2:14

Chu hâwi rang ding chun anih nih chun kan Thâwngthâng Ṭha hen a nan kawh na kha, kan Lalpa Jisu Krist rokualnâk nei ding hen.

2 TIMOTHE 1:9

Anih nih chun kan thilti tla hâwi silo hen, amah ruat leh zângfahnâk hâwi dauh hen ruang hawng kan suah le, kawhnâk thenhlimh hen hawng kan kawh le; chu zângfahnâk chu tual tuah lânah Jisu Krist lakah hawng kan pêk rawh.

HEBRAI 3:1

Pathian kawh bîk mi, Kristian ka unau tla Bâwlpu Lalchem siding hen Pathian nih a fial mi, kan zumh mi Jisu chu zauhnik u!

1 PETER 2:21

Hi hi asi, ti ding hen Pathian nih a nan kawh na mi chu: Krist nih nan rangah a tuar rawh ruangah a nehnûn nan zûl ding hen zûnzauh ding ah a nan mâk na asi.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.

2 PETER 1:10

Churuangah, unau tla, a nan kawh na nâk leh an thîm na nâk chu, birhtir ding hen taimâk suah khun u; chu hâwi hen nan ti chun nan tlû dah lai lo.

JUD 1:1

Jud, Jisu Krist to-aw leh a unaupa Jem nih chun- Pa Pathian zângfahnâk leh Jisu Krist kilkâwinâk ah um mi, kawhmi tla sinah chun:

THUPHUANG 17:14

Chu tla nih chun Dawrâ Fa chu an do lai le, sikhawmsele, Dawrâ Fa chu hotu tla Hotu, lal tla Lal asi ruangah, amah kawh mi tla, thîm mi tla leh amah zûltu zumhkâi tla nih chun an neh na lai,” a ti.