ROM 1:5 - Bawm Common Language Bible Version

⁵ A min ruangah lungnâk chu phun kip lakah mi lungtir hen, amah ruangah chun, zângfahnâk leh mifial sinâk ka ting rawh.

ROM 1:5 ပူးပေါင်းရင်းမြစ်များ

MALAKI 1:11

Laikulh khatlei dawmh thawk hen a dawng tiang khawm nih an hawng ka zah. Mun kip ah rimthâw tla an duah le, ka sinah bâwlnâk pawmtlâk an hawng ap, chu zawng nih chun an hawng ka zah asi!

MALAKI 1:14

Mang tlâklo mi ran hen zauhnawmh tak hen hawng ka pêktu sinah siat um seh. Ka sinah a tiamh liauah chun a ranrual lakah a ṭha mi pêk ding â tiam! Kei chu phun zawzawng nih an hawng ka ṭih mi lal rokual tak kasi,” a ti.

JOHAN 1:16

A rangtlingnâk kanna ting chiau, zângfah nûnah zângfah singsuannâk hen,

THILTI 1:25

Juda nih chun amah umnâk ah kal ding hen hi bang rianṭuan leh mifial rian a bângtâk mi hi a ruangrûl ding hen hi minung panih hi âu dauh me na thîm hawng kan theihtir,” an ti.

THILTI 15:14

Pathian nih amah min zah ding hen an lakah mi tla lâk ding hen Phundang tla a veh mi thu chu Simon nih hin a sim rawh.

THILTI 6:7

Chun, Pathian thu chu a zan le, Jerusalem khua ah ṭhiruai tla thungâi an pung, bâwlpu lakah khawm minung cherkhet nih lungnâk chu an zâwt rawh.

THILTI 9:15

Sikhawmsele, Lalpa nih chun a sinah, “Kal ko rawh, Phundang tla, lalchem tla leh Israel mi tla sinah ka min theihtirtu ding hen leh mang ding ah ka thîm mi asi lo mazei?

ROM 12:3

Pathian nih a ka pêk mi zângfahnâk ruangah hin nan lakah âukhawm mah umdân tâwk nûnlêm ah sung-û tir lo hen, Pathian nih mikip sinah lungnâk tâwk a pêk hâwi vima hen rep tak a ruat dauh ding hen ka nan ti chiam na.

ROM 16:26

Tuah lam chun langhtir asi le, lungnâk chu a zûl khonâk ding hen, zungzâl Pathian thupêk hâwi vima hen khuavâng tla lasui thu hen phun kip sinah theihtir asi rawh.

ROM 3:29

Asi lo leh, Pathian chu Juda tla Pathian cho ma si? Phundang tla Pathian khawm asi bâk lo ma? Si bâk ta a.

1 KORIN 15:10

Sikhawmsele, Pathian zângfahnâk ruangah ka siding mi chu kasi rawh; chun a zângfahnâk hawng ka pêk mi thu a thawt hen a um lo; chu hâwi ngâk hen anmah tla zawzawng ngâk hen a ṭuan ka hamh dauh kha. Sikhawmsele, keimah nih ka ṭuan lo le, Pathian zângfahnâk ka sinah um mi nih khan a ṭuan dauh asi.

1 KORIN 9:2

Midang rangah mifial si lah khawmsele nannih rang lam chun kasi; Lalpa ah mifial ka sinâk singsiahnâk chu nanmah hi nan si.

EPHESI 1:12

kannih Krist lungum masa rawh tla hi a rokual sawrnâk langhtu kan sinâk ding hen.

HEBRAI 5:9

Chun, rangtling tak hen siam a hawng si rawh chun ê-aw ngâitu zawzawng rangah zungzâl ruangsuahnâk phûrpi a hawng si rawh.