ROM 1:30 - Bawm Common Language Bible Version

³⁰ Chaih mang tla, mi chawngawih mang tla, Pathian, huatkâng hen um mi tla, â liantir mi, mi zûm tla, â khâwng mi tla, thilsual thar suahtu tla, nu leh pa thu ngâilo tla,

ROM 1:30 ပူးပေါင်းရင်းမြစ်များ

2 TIMOTHE 3:2

Mi, mah â zângfah mi tla, tangka sunhsaktu tla, â khâwng mi tla, â zûm mi tla, Pathian simsiattu tla, nu leh pa thu ngâilo tla, lâwm dân theih lotu tla, thenhlimh lo tla,

JUD 1:16

Chubang tla chu chipchiartu leh mi simsâwitu tla an si le, anmah duhnâk hâwi vima hen an um le, an kâ hen khâwngnâk thu dawh lo tak an sim le, anmah siremnâk cho tawng ding hen mi an sunhsak na tâwn.

2 PETER 2:18

Diklonâk ah an um mi tla thawk hen an suak rawh mi tla chu tlûktir na ding hen taksa duhnâk sual leh hurnâk an mang tâwn.

JEM 4:16

Sikhawmsele, tuah nanna zûm hen nanna khâwng, chubang khâwngnâk zawzawng chu sual asi.

JEM 3:5

Chu hâwi ber hen lei khawm hi taksa ṭeng mêtê asi le, thungâi â khâwng tâwn. Mei chî tê nih thingmun a khangh fâk zia hi ruat nik u!

TITA 3:3

Kannih khawm a lânah â tak leh ê-aw ngâilo leh perpet mi leh, duhnâk leh lawmhnâk kip leikângah pial mi leh sual leh nahsuah mang hen um mi leh fihnungkâi leh a huat tawnh mi tla kan si ruangah.

2 THESALONIKA 2:4

anih nih chun Pathian an ti mi leh an sawnh mi zawzawng do hen, an tlûnah um ding tum hen thang a ṭhattir lai: chun Pathian Biakin ah to hen Pathian hâwi rê hen â phuang lai.

2 KORIN 10:15

Kan tahnâk ri lêm chun midang ṭuan hamh tla chu kan putso lo le, nan lungnâk a ṭhang zia hâwi vima hen kan huapnâk ri vima ah nan lakah cherkhet liantir hen kan um lai ti lungumnâk kan nei dauh le,

ROM 3:27

Nan putsonâk chu zeiah me a um le? Zeikhawm silo! Zei ruangah ne? Mi nih Dân a zâwt ruangah ma? Si lo e; lungnâk ruangah asi dauh.

ROM 2:23

Nang, Dân putsotu, nangnih Dân na buar ruangah Pathian min na siattir tâwn mu?

ROM 2:17

zei hâwi na si rawh ne? Juda kasi na ti le, Dân chu na rinhsan le, Pathian na putso;

THILTI 5:36

A lân khawm khan, Theuda, ‘Milian kasi,’ ti hen a hawng um le; chu minung sinah chun mi cherkhet, mi zali ding an va a ṭâwm le; anih chu thah hen a um rawh; a thu zâwttu vial an ektê hen anna rek ver, zeikhawm an si lo rawh.

LUK 21:16

Chun, nan nu leh pa tla, nan unau tla, nan rualsia tla, nan hâwi tla nih an tleihtir na lai; a zeimaw mi an nan thah na lai.

MATHAI 16:21

Chu ri rawh chun, Jisu nih Jerusalem ah a kal ding tla, upa tla, bâwlpu lal tla leh Dân sîntirtu tla lakah thil tam tak a tuar ding zia tla, thah hen a um ding zia tla, ni thum ni ah thawk hen a um ding zia tla chu a ṭhiruai tla theihtir a dawmh rawh.

MATHAI 15:4

Pathian nih, ‘Na nu leh na pa chawnglawmh rawh,’ ‘Âuzawng a nu mawh a pa mawh simsiattu chu thi ngelchel seh,’ a ti ruangah.

EZEKIEL 22:7

Khuapi lakah âukhawm nu leh pa zahtu an um lo. Ramdang minung chu na perpet le, numei leh mi ngâkṭah tla chu dingchangnâk ah na mang na.

THUSIMTU 7:29

Hi hi ka thil sîn zawzawng tla chu asi: Pathian nih awldek leh mâwl tak hen hawng kan siam le, sikhawmsele kanmah leh kanmah kanna nawktir.

THUFING LASUIBU 30:17

Âuzawng a pa nihsanhtu leh a tar nûnah a nu zauhnawmhtu chu, mulukawlh nih a sa an ei hen langâk tla nih a mit chawih seh.

THUFING LASUIBU 25:23

Mârlei thli nih ruah a hawng put mi hâwi hen mi chawngawihnâk nih thinthawknâk a siam.

THUFING LASUIBU 8:36

Kei hawng ka tawnglotu chu amah nganfâk â pêk mi asi. Âuzawng hawng ka huatu chu thih a duh mi asi.”

SAM 106:39

An thilti hen anmah anna nâwmtir le, Pathian lakah zumhkâilo hen an um.

SAM 99:8

LALPA, kan Pathian, nangnih na mi tla na sâng na; an sual ruangah rêp na khawm le, ngaihdamtu Pathian na si ti na theihtir.

SAM 97:7

Mikip ruk sawnhtu chu ningzak saih hen a um; pathian zawzawng tla chu LALPA mâika ah an kûn.

SAM 94:4

Zeitiang riamruam me an dân buar ruangah anna zûm hen an dân râwk ruangah anna khâwng awt?

SAM 81:15

Hawng ka huatu tla chu lâu hen ka mâika ah an kûn lai le; ka rêp na nâk chu kumleza tiang asi lai.

SAM 52:1

Mi rokualpa, zei rangah na sualnâk na putso? Pathian dâwtnâk chu a dawnglo.

SAM 49:6

An neih an siah lakah ngauh mi leh an sum leh pâi lakah khâwngnâk ah mangtu chu ka ṭih lai loh.

2 CHRONICLES 25:19

Tuah Amaziah, Edom mi tla na neh ruangah na zûm asi, sikhawmsele in ah um ziar ding hen ka nan simh asi. Nang leh na mi leh râwknâk ding hen zei rangah nawknâk na tuah awt?” a ti.

2 CHRONICLES 19:2

Hanani fapa khuavâng Jehu chu lal hen va tawng ding hen a kal le, a sinah, “Misual leh LALPA huatu murui tla ṭangpi leh bawp hi dik hen ma na theih? Na lakah Pathian thinrunhnâk ding hen thil na ti.

1 Lal 20:11

Lalchem Ahab nih a sâng le, “Kawrsen tak chu râltuk lîm nûnah â khâwng, tuk lânah silo hen, ti hen simh u,” a ti na.

DEUTERONOMY 27:16

“A nu leh pa siarlotu tlûnah Pathian siat um seh,’ an ti lai. “Mi zapi zawzawng nih ‘Amen!’ ti hen an sâng lai.

DEUTERONOMY 7:10

sikhawmsele, amah huatu tla chu rêp ding hen a dawrh na awtlo.

NUMBER 10:35

LALPA Thudântuk Bâwm â thawh awt kip ah Mosi nih, “LALPA, thawk le, na mêlma tla chu rektir na le, an huatu tla chu tektir na,” a ti.

JOHAN 7:7

Laikulh nih an hua kho na lo, kei lam chu a ka hua tâwn, a thilti tla a sual ti ka simhfiang ruangah.

SAM 10:3

Misual nih a duhnâk sual â putso; mi hamkah nih LALPA chu siat a barh le, a nawng.

SAM 5:5

Mi â zûm mi mitmuh ah na dîr kho lo le; misual tla chu na hua na.

THUFING LASUIBU 24:8

Thilsual ti ding tum kumzatu na si chun, nawknâk tuahtu si na lawh lai.

2 KORIN 12:20

Ka hawng kal tikah zeitin mawh ka duh hâwi hen ka nan muh na lo hen, kei khawm nan duh hâwi hen nan ka muh lo sual lai ti leh zeitin mawh fâinâk tla, nahsuahnâk tla, thinrunhnâk tla, tawhnâk tla, thu khuar mang tla, sung-û tir tuknâk tla, nawknâk tla a hawng um lebang lai ti leh

EZEKIEL 14:5

Chu milem tla nih chun Israel tla chu ka lakah mi kâng dang leiah a pialpi na le, sikhawmsele ka sângnâk hen zumh an kâinâk chu neh ding ka lungum.