ROM 1:3 - Bawm Common Language Bible Version

³ Anih chu taksa lei thu ah chun David thlâk ah suak asi le,

ROM 1:3 ပူးပေါင်းရင်းမြစ်များ

GENESIS 3:15

Nang leh hi nunau hi kan huatir na lai; na thlâk leh a thlâk anna mêlma kumza lai. A thlâk nih na lû thî a suah lai le, nangnih a thlâk tla kê na chuk lai.

SAM 2:7

“LALPA nih a sim mi chu ka phuang awt” Lalchem nih a ti. ‘LALPA nih ka fapa na si, tusûn hin na pa kasi,’ a ti.

JEREMIA 33:26

Hi ka ti mi hâwi hen ka to-aw Jakob leh David thlâk tla chu ka kilkâwi na awt. David thlâk lakah mi pakhat, Abraham, Isak leh Jakob thlâk tla tlûnah lâirêltu ding mi ka thîm awt. Ka mi tla tlûnah khua ka ruat lai le, an sul-le-lam ka tluangtir nawlh na lai,” a ti.

AMOS 9:11

LALPA nih, “David lalram, in a tlû le, â râwk mi hâwi chu dirhnawlhnâk ding ni chu a hawng tlung awt rawh. A kulh vâm tla chu ka remh nawlh lai le, a lânah mi hâwitê hen ka dirh nawlh lai. A lânah mi hâwitê hen ka sak hen ka siam nawlh lai.

MATHAI 1:1

Abraham thlâk, David thlâk, Jisu Krist thlâktu tla anna thlâk zia thâwngthâng chu:

MATHAI 12:23

Chun, mi zapi tla zawzawng nih chun thungâi chê an ti le, “Hi minung hi David Fapa asi lo mazei?” an ti.

MATHAI 15:22

Chun, chu ram mi chu Kanaan nunau pakhat a hawng suak le, “Lalpa, David Fapa, hawng ka zângfah rawh, ka fanu khuri nih a tleih thlir asi,” ti hen a âu.

MATHAI 26:63

Jisu lam chu a dâisip. Chun, Bâwlpu Lalchem nih chun a sinah, “Pathian nung min hen ka nan fâi. Mesia, Pathian Fapa chu na si ma? Hawng kan simh,” a ti.

MATHAI 27:43

Pathian a lung si lo ma, amah hi a duh chun tuhin Pathian nih ruangsuah seh,! ‘Pathian Fapa kasi,’ a ti dangâi ah,” an ti.

MATHAI 3:17

Chun, ngâinik, vân thawk hen aw-hâu nih, “Hi hi ka Fapa duhtak, thungâi ka lawmh mi chu asi,” a ti.

MATHAI 9:27

Chun, Jisu chu chu thawk hen chun a kal vima le, mitchâw panih nih, “David Fapa, kan tlûnah khuaruat rawh,” ti hen, âu hen an zûl.

LUK 1:35

Chun, vânmifial nih chun a sinah, “Thlarau Thenhlimh na tlûnah a hawng tlung lai le, Chungnung chem thiltikhonâk nih a nan huhphenh lai. Churuangah mi thenhlimh hawng suak ding mi khawm chu Pathian Fapa an ti lai.

LUK 1:69

A to-aw David dâwngsung tla lakah chun, Ruangsuahtu chak hawng kan dirh piak dangâiah.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 1:34

Chu chu ka muh rawh le,” “chun hi hi Pathian Fapa asi ti ka theihtir rawh,” a ti.

JOHAN 1:49

Nathanael nih, “Sîntirtu, Pathian Fapa na si, Israel tla Lalchem na si hi,” ti hen a sâng.

JOHAN 10:30

Kei leh Pa chu pumkhat kan si,” ti hen a sâng.

JOHAN 10:36

Kei rangah chun, Pa nih a hawng ka thîm le, chun laikulh ah a hawng ka fial. Churuangah zeitin zia hen, ‘Pathian Fapa kasi,’ ka ti ruangah, Pathian na simsiat, nan ti kho zia?

JOHAN 20:28

Thom nih a sinah, “Ka Lalpa leh ka Pathian na si,” a ti le, a sâng.

JOHAN 20:31

Sikhawmsele, hi bang hi, Jisu chu, Mesia, Pathian Fapa asi ti nan lung khonâk ding hen leh nan lung ruangah a min hen nungnâk nan nei khonâk ding hen rîn asi.

JOHAN 5:25

Thungâi tak hen ka nan simh na, a tik a tlung awt rawh, tu khawm ah a tlung liau chir, chu tik ah chun mithi tla nih Pathian Fapa aw-hâu an theih lai le, a theihtu vial an nung lai.

JOHAN 7:42

Mesia chu David thlâk lakah, David umnâk khua Bethlehem ah a suak ding asi ti Pathian lasui thu nih a sim lo mazei?” an ti.

THILTI 2:30

Anih chu khuavâng asi le, Pathian nih David thlâk tla âumawh a tophah tlûnah a totir awt ti siatsirh hen a sim ti a theih le;

THILTI 3:13

Abraham, Isak, Jakob tla Pathian, hawng kan thlâktu tla Pathian nih chun a To-aw Jisu a chawnglawmh rawh asi. Anih chu nan tleihtir le, Pilat nih suah a tum khawm ah a mâika ah nan duh lo kha.

THILTI 8:36

Chun, lampi ah an kal liauah tî umnâk ah an tleng le; chun tilkhei nih chun, “Zauhnik, hinah tî a um, baptis ding hen zei nih me hawng ka kham chem?” a ti.

THILTI 9:20

Pumhnâk in ah chun Jisu chu Pathian Fapa a sizia thu a phuang rawh.

ROM 1:9

Ka thlachamnâk lakah chun bâng lo hen nan min ka lam tâwn le, tutan hin nan sinah ka hawng kalnâk ding hen Pathian thu thu hen tlâwngnâk tik ka tawng rarâm khonâk ding hen ka deih tâwn ti a Fapa Thâwngthâng Ṭha ah ka thlarau ah a rian ka ṭuan tâwn mi Pathian chu a theihtu asi.

ROM 4:1

Asi chun, Abraham, taksa dân ah hawng kan thlâktu nih chun zei me a tawng mi chu, zei kan sim lai ne?

ROM 9:3

Ka unau le tla, taksa leiah ka phun tla ruangah kei hi Krist sinah mi dangtir kho rê hen anmah ruangah siat phurh hen um rê sele ka ti asi.

ROM 9:5

Pu tla chu an tâ asi bâk, taksa leiah Krist chu anmah thawk hen suak asi fâwn; anih chu thil zawzawng tlûnah mi, zungzâl sawr tlâk Pathian asi! Amen.

1 KORIN 1:9

Pathian, a Fapa Jisu Krist kan Lalpa kawmhnâk ah a nan kawh natu kha zumh a kâi asi.

1 KORIN 10:18

Taksa leiah Israel tla chu zauhnik u; bâwlnâk sa eitu tla nih chun mâicham chu an bâwmpi lo mazei?

GALATIA 4:4

sikhawmsele, a tik a hawng tling rawh chun, fa sinâk kan tawng khonâk ding hen Dân tangah um tla chu tlanh ding hen Pathian nih a Fapa, nunau ring mi, Dân tangah hawng suak hen a fial rawh.

1 TIMOTHE 2:5

Pathian pakhat cho a um le Pathian leh minung karah thu lanhtu pakhat a um, chu chu Jisu Krist asi.

1 TIMOTHE 3:16

Chun, Pathian sunhsaknâk thuthup chu êi kho lo rê hen a rokual asi: “Taksa ah a hawng lang, Thlarau ah diknâk langhtir ding hen, vânmifial tla nih muh hen Phun tla nâwngah phuang ding hen, laikulh ah hin mi nih lung hen, vân ah lâk hen a um.

2 TIMOTHE 2:8

Jisu Krist, David thlâk a mi ka Thâwngthâng Ṭha sim hâwi hen mithi lakah mi thawknawlh kha theih kumza rawh.

1 JOHAN 1:3

Churuangah kan muh hen kan theih mi chu kan simh na bâk asi, nannih khawm nih Pa leh Fapa Jisu Krist kawmhnâk ah kanna khat khonâk ding hen.

1 JOHAN 3:23

Chun, a thupêk chu hi hi asi, Jisu Krist nih thu hawng kan pêk hâwitê hen, Jisu Krist min lung hen a zângfah tawnh ding asi.

1 JOHAN 3:8

Thilsual titu chu Diabol lak mi asi, Diabol chu a tîr thawk hen thilsual titu asi. Pathian Fapa a hawng kalnâk san tak chu Diabol thilti veih ding hen asi.

1 JOHAN 4:15

Âuzawng, “Jisu chu Pathian Fapa asi” titu chu amah lakah Pathian a um kumza le, anih khawm chu Pathian lakah a um kumza asi.

1 JOHAN 5:1

Âuzawng “Jisu chu Mesia asi” ti lungtu chu Pathian fa asi, âuzawng a pa zângfahtu nih chun a fa khawm a zângfah asi.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

1 JOHAN 5:5

“Jisu chu Pathian Fapa asi” titu cho lo nih chun âunih me laikulh a neh kho?

2 JOHAN 1:7

Perpettu tam tak, Jisu Krist chu laikulh ah hin taksa hen a hawng kal ti lotu tla kha an hawng suak rawh dangâiah, chun, chu tla chu Krist Mêlma leh mi bumtu lian tak an si.

THUPHUANG 2:18

“Chun, Thiatira khua kawhmi vânmifial sinah chun rîn rawh: “Pathian Fapa, a mit meialh hâwi mi, a kezaphah tla dâr hâwi a tlêu mi nih khan hi thu hi a sim asi.