ROM 1:18 - Bawm Common Language Bible Version

¹⁸ Thutak rep lo tak a khamtu tla Pathian sunhsaklonâk leh replonâk zawzawng tlûnah vân thawk hen Pathian thinthawknâk a hawng lang asi.

ROM 1:18 ပူးပေါင်းရင်းမြစ်များ

EXODUS 23:7

Diklo tak hen mi phiar lah, sual lo thlo hen mi thah lah; sual thil titu tla chu âuzawng keimah nih ka mawhtir awt ruangah.

ROM 1:19

Pathian nih a rêp na le, Pathian nih a theihtir rawh ruangah Pathian thâwngthâng theih ding mi chu an sinah theihtir hen a um dangâiah.

ROM 1:28

Chun, Pathian theih an duh lo ruangah thil dawh lo tla ti ding hen a duh lo kâng thinlung neih siang hen Pathian nih a hawitâk na rawh.

ROM 1:32

Chu hâwi thil titu tla chu thi ding rêng an si ti Pathian ruat chu theih ko hen, anmah lâwng nih ti mi cho khawm silo hen, midang ti tâwntu tla tlûnah khawm anna lâwm tâwn.

ROM 2:3

Churuangah, ka hâwi tla, nannih chu hâwi thil ti tâwn tla sâwitu, nannih nih chu hâwi thil nan ti bâk dangâiah Pathian nih lâi a rêlnâk lakah âwl ding nanna ruat mazei?

ROM 3:9

Asi chun, kannih Juda tla hi Phundang tla ngâk hen kan ṭha khun mazei? Si lo e! Juda tla leh Phundang tla chu sual thiltikhonâk tangah an um ver asi ti a lân khawm ah ka zauhtir rawh kha.

ROM 4:15

Dân nih chun thinthawknâk a siam tâwn le, Dân umlonâk ah lam chun buarnâk khawm a um lo.

ROM 5:6

Kan chak lo liau khan, a tik takah Krist chu misual ruangrûl ah a thi rawh ruangah.

ROM 5:9

Chun, a thisen ah mawhlotir a kan um rawh nûnah hin amah ruangah Pathian thinthawknâk lakah mi chu ruangsuah hen kan um ngelchel lai.

ROM 6:13

Nan taksa ṭeng tla khawm replonâk ruakhâu rang ding ah sualnâk ah pêk siang lah u; khawmsele, mithi lakah mi nung nawlh hâwi hen Pathian sinah a pêk ule, nan taksa ṭeng tla khawm chu repnâk ruakhâu rang ding ah Pathian sinah pêk siang dauh u.

EPHESI 5:6

Âukhawm nih thu salam hen an perpet lah na seh; chubang thu ruang chun Pathian thinrunhnak lunglo mi tla tlûnah a tlung tâwn.

KOLOSA 3:6

chubang thil ruangah asi Pathian thinthawknâk chu lunglo fa tla tlûnah a tlung tâwn mi chu;

2 THESALONIKA 2:10

âwkrâwl thilchê zawzawng tla hen, a vei liau mi tla rangah replonâk perpetnâk zawzawng hen asi lai: ruangsuah hen an um khonâk ding hen thudik zângfahnâk chu an zûl lo ruangah asi.

2 THESALONIKA 2:6

Amah tik cho ah a hawng lang khonâk ding hen zei nih a khap mi me asi ti tuah nan theih.