ROM 1:1 - Bawm Common Language Bible Version

¹ Pawl, Jisu Krist to-aw, mifial siding hen kawh mi, a Thâwngthâng Ṭha sim ding hen Pathian nih a kawh mi nih chun:

ROM 1:1 ပူးပေါင်းရင်းမြစ်များ

1 CHRONICLES 23:13

Kohat fapa upachem chu Amram, Aron leh Mosi pa asi. (Aron leh a thlâk tla chu LALPA sawnhnâk ah rimthâw duah ding leh LALPA rianṭuan leh a min hen mi zapi tla malsâwmtu ding ah leh thil thenhlimh leikâng rianṭuantu ding ah a dang ê hen thlei an si.

ISAI 49:1

Nannih ram lât takah um mi phun tla, Ka thu ngâi u! Ka suak lânah, LALPA nih a to-aw rangah hawng ka thîm ving rawh.

JEREMIA 1:5

“Nungnâk kan pêk lânah leh na suak lânah phun tla sinah khuavâng siding hen kan thîm rawh mi na si,” ati.

MARK 1:14

Chun, Johan chu rêng an thlâk nûnah Jisu chu Pathian Thâwngthâng Ṭha sim hen Galili ram ah a hawng kal le,

JOHAN 12:26

Âuzawng nih ka rian a ṭuan chun hawng ka zûl seh; ka umnâk ah ka to-aw khawm a um lai. Âuzawng nih ka rian a ṭuan chun anih chu Pa nih a chawnglawmh lai.

JOHAN 15:15

To-aw ka nan ti na lai lo rawh; a pu thilti to-aw nih a theih lo. Hâwi tla ka nan ti dauh na rawh; Pa sinah thil ka theih mi zawzawng nan sinah ka phuang rawh ruangah.

JOHAN 15:20

‘To-aw a pu ngâk hen a rokual lo,’ ti thu kan simh na rawh kha, theihkumza u. Anmah nih kei an ka nehsawh chun, nannih khawm an nehsawwh na lai; ka thu an zâwt chun, nannih thu khawm an zâwt lai.

THILTI 13:9

Chun, Sawl, Pawl an ti mi ber chu Thlarau Thenhlimh hen a khat le, anih chu a zauh ko le,

THILTI 20:24

Sikhawmsele, ka tekzuamnâk lampi ka mabân lîm ding leh Pathian zângfahnâk Thâwngthâng Ṭha theihtir ding hen, Lalpa Jisu sinah kha bang rianṭuannâk rian ka tawng mi kha ṭuan dih tâ sele ka nungnâk khawm unh tlâk ah ka ruat lo.

THILTI 21:40

Chun, rem a ti ka hen Pawl chu leilâk ah a dîr le, mi zawzawng dâisipnâk ding hen a kut a zâp; chun an dâiruap kâ hen Hebrai hawlh hen an sianh:

THILTI 22:21

Chun, anih nih chun, ‘Kal rawh, hi thawk hen lât takah Phundang tla sinah ka nan fial dauh lai,’ hawng ka ti rawh,” a ti.

THILTI 22:7

Chun, tual ah ka tlû le ka sinah, “Sawl, Sawl, nangnih zei rangah na ka nehsawh?” ti hen hâu ka theih.

THILTI 26:1

Chun, Agripa nih Pawl sinah chun, “Na mawhlonâk thu na sim kho,” a ti. Chun, Pawl nih a kut a phar le, a mawhlonâk thu a sim:

THILTI 26:14

Chun, kan ektê hen tual ah kan tlû le, Hebrai hawlh hen, “Sawl, Sawl! Nangnih zerangah na ka nehsawh? Sunhnâk fungkhenh na rangah a fâk,” hawng ka ti mi hâu ka theih.

THILTI 27:23

A tâ kasi le, ka sawnh tâwn mi Pathian nih a vânmifial pakhat tuzân ah hin ka kiang ah a hawng dîr le, ka sinah,

THILTI 9:15

Sikhawmsele, Lalpa nih chun a sinah, “Kal ko rawh, Phundang tla, lalchem tla leh Israel mi tla sinah ka min theihtirtu ding hen leh mang ding ah ka thîm mi asi lo mazei?

ROM 1:16

Thâwngthâng Ṭha ah zumhnâk rangtling ka nei: âuzawng a lungtu zawng rangah ruangsuah ding hen Pathian thiltikhonâk asi, a tîrah Juda tla rangah asi le, chun Phundang tla rangah khawm asi.

ROM 1:5

A min ruangah lungnâk chu phun kip lakah mi lungtir hen, amah ruangah chun, zângfahnâk leh mifial sinâk ka ting rawh.

ROM 1:9

Ka thlachamnâk lakah chun bâng lo hen nan min ka lam tâwn le, tutan hin nan sinah ka hawng kalnâk ding hen Pathian thu thu hen tlâwngnâk tik ka tawng rarâm khonâk ding hen ka deih tâwn ti a Fapa Thâwngthâng Ṭha ah ka thlarau ah a rian ka ṭuan tâwn mi Pathian chu a theihtu asi.

ROM 11:13

Churawhchun, nannih Phundang tla sinah ka sim asi, kei Phundang tla sinah fial kasi ruangah, ka phun tla ka thîktir kho râmnâk ding hen leh an lakah zeimaw mi tla ruang ka suah kho na nâk ding hen ka rianṭuannâk hi ka putso asi.

ROM 15:29

Chun nan sinah ka hawng kal tikah Krist thawng thang ṭha malsâwmnâk rangtling put hen ka hawng kal lai ti ka theih.

ROM 16:18

Chu hâwi mi tla nih chun kan Lalpa Krist rian an ṭuan lo le, anmah paw rian an ṭuan dauh tâwn; an kâ ṭhatnâk leh an hawlh thiamnâk hen mi fing lo tla thinlung an perpet tâwn.

ROM 16:25

Ka Thâwngthâng Ṭha leh Jisu Krist thusim hâwi hen, thuthup phuangnâk hâwi hen, chu thuthup chu zungzâl thawk hen â thup tâwn.

1 KORIN 1:1

Pawl, Pathian duhzia hen Jisu Krist mifial siding hen kawhmi leh kan unaupa Sosthen nih chun:

1 KORIN 9:1

Mi thawsuak kasi lo mazei? Mifial kasi lo mazei? Kan Lalpa Jisu ka muh rawh lo mazei? Nannih tla chu Lalpa ah ka rianṭuan nan si lo mazei?

2 KORIN 1:1

Pawl Pathian duhzia a Krist Jisu mifial leh kan unaupa Timothe nih chun: Korin khua ah Pathian kawhmi um tla sinah leh Gris ram zawzawngah mi thenhlimh um zawzawng tla sinah chun:

2 KORIN 11:5

Chubang mifial lian chem tla chu zei leikâng khawm ah tluk lo ka ruat lo asi.

2 KORIN 11:7

Asi lo leh, Pathian Thâwngthâng Ṭha a thawttham a ka sim hen putso a nan um khonâk ding hen ka nâutirnâk nih khan thil ka tisual mazei?

2 KORIN 12:11

Ka â rawh ma hi– nannih nih â lo kho lo hen nan hawng ka siam asi. Kei chu nanmah nih nan hawng ka chawnglawmh ding mi kasi, zeikhawm silah khawmsele zei leikâng khawm ah mifial lian chem tla sinah ka niam dauh lêm lo.

2 KORIN 2:12

Chun, Krist Thâwngthâng Ṭha sim ding hen Troas khua ka tlung liau khan Lalpa nih chun lampi hawng ka awng piak narêng hen ka unau tla chu ka muh lo ruangah ka thlarau leiah chun lungngamnâk rerêng ka nei lêm lo.

2 KORIN 4:5

Mah thu kan sim lo le, Krist Jisu chu “Lalpa asi” ti kan sim dauh tâwn, kannih khawm Jisu ruangah nan to-aw kan si ti kan sim tâwn.

GALATIA 1:1

Pawl, mifial minung tla fial si lo hen, minung zârah khawm silo hen, Jisu Krist leh mithi lakah mi thawhtu Pa Pathian zârah asi dauh ti mawh

EPHESI 1:1

Pawl, Pathian duhzia hen Krist Jisu mifial nih: Pathian mi tla Ephesi khua ah um mi tla, Krist Jisu ah mi zumhkâi le tla sinah chun--

EPHESI 1:13

Amah lakah nannih khawm thudik chu nan ruangsuahnâk Thâwngthâng Ṭha chu nan ngâi hen, lung khawm nan lung nûnah amah lakah Thlarau Thenhlimh tiamh hen chun singsiah hen nan um kha.

EPHESI 4:11

Chun, lungnâk leh Pathian Fapa theihnâk leikângah chun thuruat hen, upa si hen, Krist rangtlingnâk lianh zia tluk hen kan ektê hen kan um lan lo chu,

DEUTERONOMY 10:8

Tlâng tlûnah khan LALPA nih Levi phun a mi tla chu bâwlpu rianṭuan ding hen Thudantuk Bâwm lakah thuneitu siding leh a min hen malsâwmnâk simtu ding hen a ruat na. Chu chu an rianṭuan asi kumza.

PHILIPI 1:1

Pawl leh Timothe, Krist Jisu ah to-aw tla nih chun: Krist Jisu ah mi thenhlimh, Philipi khua ah um zawzawng tla sinah, kawhmi hotu tla leh rianṭuantu tla sinah khawm.

PHILIPI 2:11

Pa Pathian rokualnâk ding hen, lei kip nih, “Jisu Krist chu Lalpa asi,” ti hen, an phuang lai.

KOLOSA 1:1

Pawl, Pathian duhzia hen Krist Jisu mifial leh Timothe kan unau nih chun–

KOLOSA 1:25

a taksa chu kawhmi hi asi. Pathian thu kim tak a sim ding hen zauhkhenhnâk nan Pathian nih nan rangah hawng ka pêk hâwi vima hen chubang tla rianṭuantu ah siam kasi.

1 THESALONIKA 2:2

a thawt ngangâk hen, chu lân chun nan theih rawh hâwi hen Philipi khua ah hamh tuar leh ningzakkâi tak hen siam kan si nûn khan nawk tak bû khawm hen Pathian Thâwngthâng Ṭha nan sinah sim ding hen kan Pathian lakah chun kan râl a ṭha lehlam kha.

1 THESALONIKA 2:8

Chu hâwi ber hen, kan duhzia tak nan hawng si rawh ruangah khan kan duh ṭualmâl na, Pathian Thâwngthâng Ṭha cho silo hen, kanmah nungnâk khawm an pêk na rê kan huam.

1 THESALONIKA 2:9

Unau tla, kan rianṭuan hamhzia leh kan rianṭuan dît zia kha nan theih ko kha; nan lakah âukhawm kan rittir na lonâk ding hen a sûn a zân ṭuan hen Pathian Thâwngthâng Ṭha kan simh na tâwn kha.

1 TIMOTHE 1:1

Pawl, Pathian ruang hawng kan suahtu leh Krist Jisu kan lungumnâk ruat mi hâwi hen, Krist Jisu mifial nih chun:

1 TIMOTHE 2:7

chu chu ti ding hen phuangtu ah leh mifial ah ruat kasi, thudik ka sim, ka âwkrâwl lo, lungnâk leh thudik ah phundang tla sîntirtu ah ruat kasi.

2 TIMOTHE 1:11

Chu Thâwngthâng Ṭha thu chu theihtir ding hen, phuangtu ah leh mifial ah leh sîntirtu ah ruat kasi.

TITA 1:1

Pawl, Pathian to-aw, zungzâl nungnâk lungum hen, Pathian thîm mi tla lungnâk leikângah leh Pathian sunhsak leikâng thudik theihnâk leikângah, Jisu Krist mifial ber nih chun,

HEBRAI 5:4

Chun, âukhawm nih chu chawnglawmhnâk chu mah lakah anna ngaih loh, Aron hâwi hen Pathian kawh mi an si lêm lo chun.

HEBRAI 7:26

Churuangah, Jisu kan pawiherh tla pêktu Bâwlpu Lalchem asi. Anih chu a thenhlimh asi amah lakah sualnâk leh mawhnâk a nei lo, misual tla lakah thawk hen â thlei le, vân tlûnlei ah lâk hen a um.

JEM 1:1

Jem, Pathian leh Lalpa Jisu Krist to-aw nih Pathian mi phun leinih laikulh pumpi ah anna rekrâwi mi tla chu chibai a bûk na.

1 PETER 4:17

Lâirêlnâk dawmh ding hen tik chu a hawng tlung rawh, chun Pathian mi tla chu lâirêl piak masa ding asi. Kanmah lakah â dawmh chun Pathian thawk hen Thâwngthâng Ṭha lunglotu tla dawnghnâk chu zei hâwi dek asi lai?

2 PETER 1:1

Simon Peter, Jisu Krist to-aw leh mifial thawk hen chun Jisu Krist kan Pathian leh ruangsuahtu repnâk ruangah zumhnâk sung tak kanna ting mi hâwi ting bâk mi tla sinah,

JUD 1:1

Jud, Jisu Krist to-aw leh a unaupa Jem nih chun- Pa Pathian zângfahnâk leh Jisu Krist kilkâwinâk ah um mi, kawhmi tla sinah chun:

THUPHUANG 1:1

Jisu Krist thuphuang, Pathian nih a to-aw tla theihtir ding hen a sinah a pêk mi, thil hawng um sawm ding mi thu chu asi. Chu chu, a vânmifial mang hen, a to-aw Johan a hawng theihtir le,

THUPHUANG 22:6

Chun, anih nih chun ka sinah, “Hi bang thu hi zumh a kâi hen a dik asi, Lalpa Pathian, khuavâng tla sinah thlarau pêktu nih chun, thil hawng tlung sawm ding mi tla chu a to-aw tla chu zauhtir ding hen a vânmifial chu a fial asi.

THUPHUANG 22:9

Chun, anih nih chun ka sinah “Hi hâwi hen ti lah, kei chu nangmah leh na unau khuavâng tla leh hi lasuibu thu zûltu tla hâwi hen to-aw kasi bâk, Pathian sawnh dauh rawh,” a ti.