PHILIPI 4:8 - Bawm Common Language Bible Version

⁸ A dawnghchem ah chun, unau le tla, a dik mi zawng, zah a kâi mi zawng, â rep mi zawng, a thenhlimh mi zawng, duh a kâi mi zawng, a thang dawh mi zawng, ṭhatnâk rerêng a um hen sawr tlâk rêng a um chun chubang chu dawnruat u.

PHILIPI 4:8 ပူးပေါင်းရင်းမြစ်များ

GENESIS 18:19

A fa tla leh a thlâk tla nih ka sinah ê-aw ngâi ding leh diknâk leh repnâk chu zûl ding hen thu a pêk kho na ding hen ka thîm mi asi. An ti mi asi chun, a rangah thil zeizawng ka tiamh mi chu ka ti lai,” a ti.

2 SAMUEL 1:23

“Saul leh Jonathan chu duhrim an kâi hen an chê, an nung leh an thihnâk khawm â rual, mupi ngâk hen an khulrang, chakeibaknei ngâk khawm an chak.

2 SAMUEL 23:3

Israel Pathian nih a sim; Israel vêngtu nih ka sinah, “Diknâk hen lâirêltu lal nih chun Pathian lakah ê-aw ngâi hen a rêl mi chu;

SAM 82:2

“Diklo tak a lâirêl hi na bâng ding asi; misual lei ṭângṭawm hen nan um ding asi lo rawh!

THUFING LASUIBU 11:1

Khîng diklo mangtu tla chu LALPA nih a hua. Khing dik tak chu LALPA nih a lawmh.

THUFING LASUIBU 12:4

Nupi ṭha chu a pasal nih a zumh hen a lawmh le, sikhawmsele pasal ningzak saihtu nupi chu a ruh lakah dam kho lo mi mâ hâwi asi.

THUFING LASUIBU 16:11

LALPA nih khinghnâk leh tahnâk chu zumhkâi tak leh ṭha tak ding hen a duh.

THUFING LASUIBU 20:7

Pa zumhkâi thil dik titu fa tla chu an vân a ṭha.

THUFING LASUIBU 31:10

Nupi rangah a tlâk mi tawng a har a! Lungmantam hen khawm tahkhiat kho asi lo.

THUFING LASUIBU 31:29

A pasal nih, “Nunau dang tla khawm nupi ṭha tak an si le, chu zawng lakah na ṭha chem,” a ti.

THUFING LASUIBU 31:31

A thilti mi zawng lakah thangṭhat a lawh. Mikip zah tlâk hen a um.

LA TLA LA 5:16

Châwchawk ding hen a kâ a thlum le; a umdân nih ka thinlung a tawng. Jerusalem nunau tla, Hawng ka dâwttu chu chu hâwi asi. Nunau tla nih

ISAI 26:7

LALPA, mi ṭha rangah lampi chu na tlawrtir le; an khualtlâwngnâk lampi khawm a râwn rawh.

MATHAI 22:16

Chun, an ṭhiruai tla, Herod murui sinah mi tla hen, a sinah an fial le, chubang tla nih chun, “Sîntirtu, mi dik tak na si le, dik tak hen Pathian leikâng thu na sîntir na tâwn le, sunhsak khun mi khawm na nei lo ti kan theih le; âukhawm thliar leh dangnâk na nei lo.

MARK 6:20

Herod nih Johan chu mirep leh thenhlimh tak asi ti a theih ruangah amah chu a ṭih le, a hum thlir asi, a thu a ngâi chun a lawksawng ngâi tâwn.

LUK 16:15

Chun, anih nih chun an sinah, “Minung mitmuh ah a reptir mi cho nan si, sikhawmsele, Pathian nih nan thinlung a theih; minung lakah chawnglawmhnâk chu Pathian mitmuh hen nâwm tak asi.

LUK 2:25

Chun, Jerusalem ah chun minung pakhat a min Simeon a um. Chu minung chu mirep tak leh Pathian sunhsak mi tak asi le; Israel tla thlangamhtu ding mi chu a ngâk kumza le, a tlûnah Thlarau Thenhlimh a um.

LUK 23:50

Chun, minung pakhat, a min Josef, lâirêltu, mi ṭha tak, rep tak a um.

JOHAN 7:18

Âuzawng mah phuak sawm hen thusimtu chu, mah rokualnâk hâwltu asi; a fialtu rokualnâk hâwltu lam chu, chu chu mi dik tak asi, amah lakah chun diklonâk rerêng a um lo.

THILTI 10:22

Chun, annih nih chun, “Vânmifial thenhlimh pakhat nih Kornelia kawrsen zâ hotu, mirep tak, Pathian ṭih mi, Juda phun zawzawng nih an zah mi sinah chun na thusim theih ding hen, a in ah nangmah kawh ding hen a simh asi,” an ti.

THILTI 22:12

“Chun, mi pakhat Anania, Dân leikângah Pathian sunhsak mi leh Damaska khua ah um mi Juda tla zawzawng nih an zah thlo mi pakhat chu ka sinah a hawng kal le,

THILTI 6:3

Unau tla, Dân lakah Thlarau leh finghnâk hen a khat mi, min ṭha karo pasarih thîm u, annih chu hi bang thil ruattu rangah hin kan siam na lai;

ROM 13:13

Sûn ah um hâwi hen dawh tak hen kan um lai, zû din nawk leh zû rî a um lo hen, hur leh a duh a um lo hen, sual leh a nahsuah a um lo hen.

ROM 13:3

Lâirêltu tla chu thil ṭha titu rangah chun ṭihnung a kâi lo le, thil ṭhalo titu rangah lam chun ṭihnungkâi an si. Asi chun lâirêltu ṭih lo hen um na duh ma?

ROM 14:18

Âuzawng chubang thu lakah chun Krist rianṭuan chu Pathian lawmhkâng leh minung sawr hen a um tâwn asi.

ROM 2:29

Khawmsele, a lêngpuan si lo hen Juda mi si chu Juda mi tak asi. Chun, fêmtan tak chu thinlung leikângah tan asi, lasui thu ah ko si lo hen thlarau ah asi; chu lakah chun minung sawr a lawh lo le, Pathian sawr an lawh dauh asi.

1 KORIN 4:5

Chun, a hun lânah hin zeikhawm nik lah u, Lalpa a hawng kal lânlo chu. Anih nih chun mûi thil thup tla chu chêu ah a hawng suah lai le, thinlung ah tum mi khawm chu a hawng langh lai; chu tikah chun mikip nih Pathian lakah chun mah ting tâwk ah sawr an lawh chiau lai rawh.

2 KORIN 13:7

Chun, thil rerêng nan suallonâk ding hen Pathian sinah ka deih tâwn le, chu chu kannih hi lawmhkâi hen kan lang khonâk ding asi lo le, nannih nih â dawh mi zawng nan ti khonâk ding hen asi dauh, kannih chu duh lo hâwi hen um khawmsele.

2 KORIN 6:8

rokualnâk leh chawnglawh lonâk hen, min simsiat leh min simṭhat hen, perpettu hâwi hen, mi dik tak si ṭung hen,

2 KORIN 8:18

Chun, a sinah unaupa kan fial bâk awt le, anih chu Thâwngthâng Ṭha leikângah an sawr mi thu kawhmi murui zawzawng lakah a thang le,

2 KORIN 8:21

Lalpa ngaihnâk cho ah silo hen minung ngaihnâk khawm ah thil dawh kan ruatkan tâwn asi.

GALATIA 5:22

Thlarau rah lam chu zângfahnâk, lâwptlonâk, remnâk, dawnhkhonâk, vêlneihnâk, ṭhatnâk,

EPHESI 4:25

Chun, âwkrâwl sim mâk hen, mah zâwlbâwm sinah thudik sim chiau u, a ṭeng tawnh chiau kan si ruangah.

EPHESI 5:9

Chêu nih chun ṭhatnâk, repnâk leh thudik rah kip a suah tâwn ruangah.

EPHESI 6:14

Chun, nan tâi chu thudik a sâwm hen, repnâk chu phâw ah sawng hen,

DEUTERONOMY 16:20

Rep tak leh ṭha tak hen um kumza ule, churawhchun LALPA nan Pathian nih an pêk na mi ram nan luah lai le, chunah chun nan um kumza lai.

PHILIPI 3:1

A dawnghchemnâk ah chun, unau le tla, Lalpa ah chun a lâwm u. Thu a mahmun lîlâ nan sinah rîn nawlh hi kei rangah chun nengtawr a kâi lo, nan rangah a ṭangkâi ruangah.

KOLOSA 4:5

Tik dengkhâwng hâwi vima hen lênglei mi le tla lakah chun fing tak hen um u.

1 THESALONIKA 4:12

chun lênglei mi tla tlûnah dawh tak hen nan um kho lai le, zeikhawm nan samphang kho lai loh.

1 TIMOTHE 2:2

Lal tla leh thuneitu tla zawzawng rangah khawm Pathian sunhsak leh zahkâi tak a rem leh lungngam hen kan um khonâk ding hen.

1 TIMOTHE 3:11

Chu hâwi ber hen an nupi tla mi zahkâi an siding asi, ka tam lo hen sûm kho mi leh zeizawng ah zumhkâi mi an siding asi.

1 TIMOTHE 3:4

zahkâi tak hen fa tla kilkâwi hen mah dâwngsungkhur rep tak hen lâirêl thiam mi siding asi.

1 TIMOTHE 4:12

Na ngâksianâk âukhawm nih zauhnawmh lah seh, thusim leikâng tla, changh dân tla lakah, na dâwtnâk, zumhnâk leh thenhlimhnâk lakah lungtu tla zauhtawnh ding hawng si rawh.

1 TIMOTHE 5:10

chun, thil ṭha ti lakah a minthang mi: nunau mah fa le zauhkhenh thiam, a in ah khual tla tlung hen, Pathian mi le kê ṭâwl leh an nawknâk ah ṭangpi hen, thil ṭha tinâk kip ah â pêk mi asi ding asi.

1 TIMOTHE 5:2

tarnu tla chu nu hâwi hen, nungâk tla chu thenhlimh tak a farnu hâwi hen.

TITA 1:8

Mi lawmh dân thiam, ṭha leikâng duh mi, thinlung diktak, mirep, mi thenhlimh, sûm-nâwl kho mi asi ding asi.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

TITA 2:2

Tarpa tla chu a sûm kho mi, zahkâi, thinlung rep tak, lungnâk leh zângfahnâk leh felfênâk ah dik tak um ding hen fawrh rawh.

TITA 2:7

Khatlei kângah ṭângṭawm mi tla nih kan tlûnah thu ṭhalo rerêng sim ding a nei lo ruangah an ningzak khonâk ding hen, zeizawng ah thil ṭha ti ding leikângah muhtirtu ah a siam le, na sîntirnâk ah chun na dik zia tla, zah na kâi zia tla, na thusim dik zia tla, sâwi kho lo mi chu langhtir rawh.

TITA 3:14

Kan mi tla khawm nih chun rah lo hen an um lonâk ding hen samphângnâk herh rang ding ah chun thil ṭha ti vima a sîn na seh.

HEBRAI 11:2

Chu lakah chun tuan ah mi tla nih khan an lungnâk ruangah Pathian sawr an lawh.

HEBRAI 13:18

Kan rangah thlacham u, zeizawng ah rep tak a um ding tum hen, sia leh ṭha theihnâk thiang tak kan nei ti dik tak hen kanna theih.

JEM 1:27

Hi hi Pa Pathian nih phung thu ah sawnh dân thenhlimh leh sawnh dân dik ding ah a ngaih mi chu asi; ngâkṭah leh numei tla nih hamh an tuar liauah zauhkhenh leh laikulh nâwmtâm buaih lo hen um hi.

JEM 3:17

Sikhawmsele, tlûnlei thawk hen a hawng suak mi finghnâk lam chu, a masa chem hen a thenhlimh le, chu nûnah chun remnâk a duh, a nunnêm le, a kawmh a nuam le, zângfahnâk leh thil ṭha ti hen a khat le, thlei bîk a nei lo le, a perpê lo asi.

1 PETER 1:22

Unau tla hen a zângfah tawnh tatak ding hen, thudik zâwt hen nanna thenhlimhtir ruangah thinlung ah semsêngâi tak hen a dâwt tawnh u.

1 PETER 2:12

Lunglotu tla lakah nan changh zia chu ṭha tak si seh; chun thilsual titu tla hâwi hen an simsiat na mi lakah chun nan thil ṭha ti tla an theihthiam tikah a hawng kalnâk Ni ah Pathian an chawnglawmh kho lai.

1 PETER 4:8

Zeizawng ngâk hen, semsengâi tak hen a dâwt tawnh ule, dâwtnâk nih sual tam tak a khuh tâwn ruangah.

2 PETER 3:1

Duhtak tla, tuah nan sinah ka rîn mi hi ka lasuikuat veinihnâk asi. Chu lasuikuat tla nih chun nan thinlung dawnruatnâk thenhlimh chu thawhtir ding hen ka ti asi.

1 JOHAN 3:18

Fa le tla, thu cho hen a zângfah lah ule, kâ cho hen khawm a zângfah lah u, thilti leh thungâi tak hen si dauh seh.

1 JOHAN 3:3

Âuzawng Jisu Krist ah lungnâk nei mi vial nih amah â thenhlimh hâwi hen a thenhlimhtir tâwn.

1 JOHAN 4:1

Duhtak tla, Thlarau nei ding ti thusimtu zawzawng chu lung ver lah u, thlarau chu Pathian lakah mi asi leh silo nik u. Khuavâng telê tam tak mun kip ah an suak rawh ruangah.

RUTH 3:11

Tuah lawksawng lah Ruth, na ka deih mi zawng ka nan ti piak lai. Hi khua lakah mikip nih nunau ṭha na si zia an theih.