PHILIPI 4:7 - Bawm Common Language Bible Version

⁷ Chun, Pathian lungngamhnâk thinlung rerêng theih châwklo ni khan, nan thinlung leh nan dawnruatnâk tla chu Krist Jisu ah chun a nan vêng piak na lai.

PHILIPI 4:7 ပူးပေါင်းရင်းမြစ်များ

NEHEMIAH 8:10

Tuah in leiah lâwi ule; puai lam ei u. A nei lo mi sinah a tâwk ding hen nan buh leh uain kha a ṭhen u. Tusûn hi kan LALPA lakah ni thenhlimh asi le, nan ngaihsia ding asi loh. LALPA nih lâwmnâk a nan pêk na mi nih a nan chaktir na lai,” an ti na.

JOB LASUIBU 22:21

Job, tuah, Pathian hen a rem u. Mêlma hâwi hen a rangah na ti mi hi bâng le, chu hâwi na ti chun mal a nan sâwm lai.

JOB LASUIBU 34:29

Pathian nih thil zeizawng ti a tum lo mi chu, âukhawm nih an titir kho lo. A mêl a thuh chun minung nih ṭangpitu an nei ding asi lo.

SAM 29:11

LALPA nih a mi tla chu chaknâk a pêk le, thlangamnâk hen mal a sâwm na.

SAM 85:8

LALPA Pathian nih a sim mi chu ka ngâi le; kan âtnâk lampi leiah kan kîr nawlh lo asi chun a mi le tla sinah thlangamnâk hawng kan tiamh.

THUFING LASUIBU 2:11

Na muhnâk leh na theihthiamnâk nih a nan vêng lai le,

THUFING LASUIBU 4:6

Finghnâk chu kaltâk lah, a nan hum lai; amah chu dâwt le, anih nih him tak hen a nan kilkâwi lai.

THUFING LASUIBU 6:22

Na kalnâk zawng ah an sîntirnâk nih a nan rui lai le, zân ah a nan vêng lai le, sûn ah krai a nan pêk lai.

ISAI 26:12

LALPA, nangnih sul-le-lam tluangnâk na kan pêk lai; thil zeizawng kan tawng mi chu thil na ti mi ruangah asi.

ISAI 26:3

LALPA, nangmah nih, a nan zumhtu tla leh tumnâk bir tak neitu tla chu thlangamnâk rangtling pêk na.

ISAI 45:7

Chêu leh mûi khawm ka siam vevê; malsâwmnâk leh siatnâk khawm ka tlungtir mi an si vevê. Kei LALPA nih chubang thil zawzawng ka ti mi asi.

ISAI 48:18

“Ka thupêk cho ngâitu nan si chun malsâwmnâk chu tiva kâng dahlo mi hâwi hen nan rangah a hawng luang lai! Tiva kapah tîlian a luang mi hâwi hen nehnâk nan lakah a hawng tlung lai.

ISAI 48:22

LALPA nih, “Misual tla rangah himnâk rêng a um lo,” a ti.

JEREMIA 32:16

Châwknâk lasui Baruk sinah ka pêk nûn chun thla ka cham,

JEREMIA 33:6

Sikhawmsele hi khuapi leh a mi tla hi ka damh na lai le, nung dam hen ka umtir nawlh na lai. Thlangamnâk leh himnâk tam tak ka muhtir na lai.

NUMBER 6:26

LALPA nih an sunhsak na hen thlangamnâk an pêk na seh.

LUK 1:79

Mûi nâwngah leh thihnâk dâidul ah to tla cherh ding hen leh lungngamnâk Lampi ah kan kê kârtir ding hen,” a ti.

LUK 2:14

“Chungnung chem ah Pathian rokual tak hen um seh. Tual tlûnah a lawmh ngâi mi minung tla sinah remnâk lêng seh,” an ti.

JOHAN 14:27

“Lungngamnâk ka nan mâk na; keimah lungngamnâk ka nan pêk na; laikulh nih a pêk hâwi hen ka nan pêk na lo hi. Nan thinlung lawksawng lah seh, ṭih khawm ṭih lah seh.

JOHAN 16:33

Hi bang thu hi nan sinah ka sim rawh hi; keimah lak hin nan lungngamnâk ding hen. Laikulh ah hin hamh hen nan um tâwn; sikhawmsele, lungngam tak hen um u, laikulh ka neh rawh,” a ti.

ROM 1:7

Churuangah nannih Rom khua ah um mi tla, Pathian nih a dâwt mi tla leh amah mi tla siding hen kawh mi tla zawzawng sinah ka rîn asi: Pathian kan Pa leh, Lalpa Jisu Krist sinah thawk hen zângfahnâk leh remnâk nan sinah um seh.

ROM 14:17

Pathian Ram chu din leh ei thu asi lo le, repnâk tla, remnâk tla, Thlarau Thenhlimh lâwmnâk tla asi dauh.

ROM 15:13

Thlarau Thenhlimh thiltikhonâk zârah lungumnâk nan nei tam khonâk ding hen, lungumnâk Pathian nih chun nan lung ruangah lâwmnâk leh remnâk chi kip hen a nan khattir na seh.

ROM 5:1

Churuangah, lungnâk ruangah mawhlo a um hen, kan Lalpa Jisu Krist ruangah Pathian hen rem hen kan um.

ROM 8:6

Taksa lei thil tla duh chu thihnâk asi le, Thlarau lei thil duh lam chu nungnâk leh lungngamnâk asi.

2 KORIN 10:5

êlnâk tla leh thil sâng kip Pathian theihnâk kham ding hen sâng tak a siam mi tla chu siat hen, ruatnâk kip Krist thu ngâinâk sal ah kan rui le;

2 KORIN 13:11

A dawnghchem ah chun unau le tla, lâwm tak hen um u. Ṭhat rangtling hen um ule; lungngam tak hen um ule, thinlung munkhat put ule, lungrual tak hen um u; chun zângfahnâk 1eh remnâk Pathian chu nan sinah a hawng um lai.

GALATIA 5:22

Thlarau rah lam chu zângfahnâk, lâwptlonâk, remnâk, dawnhkhonâk, vêlneihnâk, ṭhatnâk,

PHILIPI 1:1

Pawl leh Timothe, Krist Jisu ah to-aw tla nih chun: Krist Jisu ah mi thenhlimh, Philipi khua ah um zawzawng tla sinah, kawhmi hotu tla leh rianṭuantu tla sinah khawm.

PHILIPI 1:2

Pathian kan Pa leh Lalpa Jisu sinah thawk hen zângfahnâk leh remnâk nan sinah um seh.

PHILIPI 4:19

Chun, ka Pathian nih chun Krist Jisu ah a rokualnâk chawng zia hâwi vima hen nan samphangnâk zeizawng khawm an ṭangpi na lai.

PHILIPI 4:21

Krist Jisu ah mi thenhlimh kip chibai hawng ka bûk piak na u. Ka sinah unau um tla nih hin chibai a nan bûk na.

PHILIPI 4:9

Nan thil sîn tla, nan thil tawng tla, nan thil theih tla, keimah lakah nan thil muh tla khawm kha bang hâwi ti tâwn u; chun lungngamnâk Pathian nih chun a nan umpi na lai.

KOLOSA 3:15

Chun, Krist remnâk nih chun nan thinlung ah lâirêl seh, chubang hâwi siding hen taksa pumkhat ah kawh nan si rerêng asi; lâwm ding dan theih u.

2 THESALONIKA 3:16

Chun, remnâk Lalpa ngelchel nih thil zeizawng ah remnâk an pêk kumza na seh. Lalpa chu nan ektê sinah um seh.

HEBRAI 13:20

Zungzâl thudântuk singsiah si mi nih a thihnâk ruangah Dawrâpu rokual tak Lalpa Jisu chu Pathian nih thihnâk lakah mi a thawh nawlh rawh.

JUD 1:1

Jud, Jisu Krist to-aw leh a unaupa Jem nih chun- Pa Pathian zângfahnâk leh Jisu Krist kilkâwinâk ah um mi, kawhmi tla sinah chun:

THUPHUANG 1:4

Johan nih chun Asia ram ah kawhmi murui sarih tla sinah: Um liau leh um rawh leh hawng um ding mi sinah leh a laltophah mâika ah thlarau pasarih tla thawk hen, Jisu Krist theihpitu zumhkâi tak, mithi lakah mi suak masa chem leh tual ah lal tla lâirêltu thawk hen zângfahnâk leh remnâk nan sinah um seh. Hawng kan zângfah le, a thisen hen kan sual lakah mi hawng kan tlanh le,

THUPHUANG 2:17

“Thlarau nih kawhmi tla sinah thu a sim mi hi nâ a nei mi nih chun theih na seh! “A nehtu zawng sinah manna thuh mi chu ka pêk lai, lungvâr khawm ka pêk chiau na lai, chu lung tlûnah min thar â rîn mi hen, chu chu a tingtu cho lo nih chun âukhawm nih an theih lo, a ti” ti hen.