PHILIPI 4:6 - Bawm Common Language Bible Version

⁶ Zei lak khawm ah lawksawng lah u; zeizawng ah thlacham leh deih hen, lâwmthusim tel vima hen, nan duhnâk tla chu Pathian sinah theihtir hen um dauh seh.

PHILIPI 4:6 ပူးပေါင်းရင်းမြစ်များ

1 Lal 8:28

LALPA, ka Pathian, kei chu na to-aw kasi. Ka thlachamnâk hi hawng ka ngâi piak le, tusûn ni ah thil ka nan ngiar mi hi hawng ka sâng piak rawh.

2 CHRONICLES 32:20

Lalchem Hezekiah leh khuavâng Isai Amos fapa nih Pathian sinah ṭangpi deih hen thla an cham le, an auh rawh. Churawhchun,

SAM 51:15

LALPA, thu sim ding hen hawng ka ṭangpi le, ka nan sawr lai.

SAM 55:17

Ka deihnâk leh ka rûmnâk chu, zîng leh sûn leh zân khawm ah a sinah a tlung kumza le, ka aw-hâu a ngâi lai.

SAM 55:22

LALPA sinah na lawksawngnâk chu pêk le, amah nih a nan vêng lai; mi zumhkâi chu neh hen a umtir dahlo.

SAM 62:8

Ka mi le tla, zeiliau zawng ah Pathian chu rinhsanh u. Kan himnâk asi ruangah nan lawksawngnâk zawzawng amah simh u.

THUFING LASUIBU 15:8

Mi ṭha thlachamnâk ah LALPA â lâwm le, sikhawmsele misual tla nih bâwlnâk an hawng put mi chu a hua.

THUFING LASUIBU 16:3

Na thiltum tla lakah LALPA malsâwmnâk deih le, na ti tikah dingchangnâk na tawng lai.

LA TLA LA 2:14

Nang chu vaṭhu lungpi kâk lakah â thup mi hâwi na si. Na mêl duhkâi hawng ka muhtir le, thinlung lâk tak mi na hâu hawng ka theihtir.

JEREMIA 32:16

Châwknâk lasui Baruk sinah ka pêk nûn chun thla ka cham,

JEREMIA 33:3

“Hawng ka auh ule, ka nan sâng na lai, nan theih dahlo mi thilchê tak ka nan simh na lai.

DANIAL 3:16

Sadrak, Mesak leh Abednego nih an sâng le, “Bâwipa, mah a hum ding kan tum lo.

DANIAL 6:10

Churawhchun, lal nih a min a rîn rawh ti Danial nih a theih rawh chun in leiah a lâwi le, a umnâk in chawnh tlûnah Jerusalem hawi hen langawtkawt a um, chunah chun a ti kumza hâwi hen nisiar ni khat lâi ah veithum vima thla a cham.

MATHAI 10:19

Sikhawmsele, an tleihtir na tikah chun, “Zeitin me, zei thu me ka sim lai?” ti hen lawksawng lah u; nan sim ding mi chu a tik takah chun a nan theihtir na awt ruangah.

MATHAI 13:22

Chun, bua lingnei nâwngah vawrh mi chu, thu theihtu asi le, sikhawmsele laikulh lungkhamnâk leh neihnâk nih chun thu chu a dawrh le, rah lo hen a hawng um tâwn.

MATHAI 6:34

Chuvachun, thâi rang ding lungkham lah u, thâi nih chun amah rang ding ah a lungkham sawm awt ruangah. Ni khat rangah ni khat hamh chu â tâwk asi.

MATHAI 6:8

Chuvachun, anmah tla hâwi hen um lah u; amah nan deih lânah nan Pa nih chun zei me nan herh ti a theih ko ruangah.

LUK 10:41

Chun, Lalpa nih, “Marthi, Marthi, thil tam tak na dawn le, na nawk mahi;

LUK 12:22

Chun, ṭhiruai tla sinah, “Churuangah ka nan simh na, Zei me ka ei lai aw?’ ti hen nan nungnâk thu leh, ‘Zei me ka fenh hen ka aih lai aw?’ ti hen nan taksa thu lungkham lah u.

LUK 12:29

“Chun, nan ei ding tla, nan din ding tla hâwl lah u; lawksawng hen um lah u.

LUK 18:1

Chun, lungdawng lo hen thla an cham kumza ding asi ti theihnâk ding hen ṭhiruai tla sinah tahṭhimh thu a sim:

LUK 18:7

An lakah a dawnh rih khawmsele a mi thîm, a sûn a zân hen amah auhtu tla phû chu Pathian nih a lam piak lai lo ma?

1 KORIN 7:21

Sal ah na um mi kawh na si ma? Chu chu ruat duh lah, na suak kho ṭung asi lam chun mang dauh rawh.

1 KORIN 7:32

Sikhawmsele, lungkham nei lo hen nan um ka nan duh piak na asi. Nupi nei lo mi nih chun Lalpa lawmhtir kho zia ding dawnnâk hen Lalpa lei thil chu a lungkham tâwn.

2 KORIN 1:11

Mi tam tak zârah thilpêk kan tawng ruangah mi tam tak nih kan tlûnah lâwmthu an sim khonâk ding hen, nannih khawm nih thla nan hawng kan cham piaknâk ah hawng kan bawmh dut u.

EPHESI 5:20

Kan Lalpa Jisu Krist min hen, Pathian, Pa sinah zeizawng lakah lâwmthu sim kumza u.

EPHESI 6:18

thlachamnâk leh deihnâk kip hen zeiliau zawng ah Thlarau a thlacham hen chu leikângah chun mi thenhlimh zawng rangah ṭhanemsemsê ngâi tak hen leh deih thlir hen a ringrâwn u.

KOLOSA 3:15

Chun, Krist remnâk nih chun nan thinlung ah lâirêl seh, chubang hâwi siding hen taksa pumkhat ah kawh nan si rerêng asi; lâwm ding dan theih u.

KOLOSA 3:17

Chun nan ti mi zawng chu thusim lakah mawh, thilti lakah mawh amah zârah Pa Pathian sinah lâwmthu sim bû hen Lalpa Jisu min hen ti ver u.

KOLOSA 4:2

Thlacham vima ule, chu lak chun lâwmthu sim bû hen ruat tet u.

1 TIMOTHE 2:1

Chun a masa chem hen, deihnâk, thlachamnâk, ngiarnâk, lâwmthu simnâk tla mi zawzawng rangah siam piak na ding hen ka nan fawrh.

1 TIMOTHE 5:5

Numei tatak amah lâwng hen a um mi nih chun Pathian tlûnah lungumnâk a nei thlir le, sûn leh zân hen deih leh thlacham hen a um kumza tâwn.

1 PETER 4:7

Thil zawzawng dawnghnâk chu a nâi rawh. Thla nan cham khonâk ding hen mah lakah sûm leh ringrâwn hen nan um ding asi.

1 PETER 5:7

Anih nih a nan sunhsak na tâwn ruangah nan lawksawngnâk zawzawng amah lakah ap ver u.

1 SAMUEL 1:15

Hanah nih, “Ka ri lo, zû ka din lo Pu,” ti hen a sâng. “Zû ka din rerêng lo, ka thinlung a fâk le, LALPA sinah thlacham hen ka lawksawng thu ka sim mi asi.

1 SAMUEL 30:6

David chu thungâi a lawksawng, a mi le tla khawm an fa tla an thlâu ver na ruangah an lung a fâk thlo ruangah David rangah lung hen seh ding an awt; sikhawmsele LALPA a Pathian nih a râlṭhattir,

1 SAMUEL 7:12

Churawhchun, Samuel nih lung a lâk le, Mizpah leh Shen karah a pawng le, “Lampi tluan hen LALPA nih hawng kan ṭangpi,” a ti. Churawhchun, a min ah “Ṭangpinâk Lung” (Eben-ezer) ti hen min a phuah.