PHILIPI 4:4 - Bawm Common Language Bible Version

⁴ Lalpa ah chun a lâwm kumza u. Ka ti nawlh lai, a lâwm u.

PHILIPI 4:4 ပူးပေါင်းရင်းမြစ်များ

SAM 146:2

Ka damsung zawzawngah amah chu ka sawr lai. Ka damsung zawzawng ka Pathian sinah la ka sak lai.

SAM 33:1

Nannih mirep zawzawng tla, LALPA thilti ruangah lâwm hen âu ule; nannih a ê-aw ngâitu tla, amah chu sawr u.

HABAKUK 3:18

dawrâ rual tla thi hep hen, ran siahnâk lâwng tleng khawmsele, ka lâwm hen lâwptlo tak hen ka um kumza lai.

MATHAI 5:12

Lâwm ule, lâwptlo hen um u; vân ah nan lâwmman a tam ruangah. Chu hâwi ber hen nanmah lânah khuavâng um tla khawm an nehsawh na tâwn.

THILTI 16:25

Sikhawmsele, thanṭim ah Pawl leh Sila chu Pathian sinah thla an cham le, la an sak le, rêngtlâk tla nih an ngâi.

THILTI 5:41

Chun, lâirêltu tla lakah thawk hen an suak le, chu min ruangah chun mualpho tuar tlâk ah ruat an si ruangah chun thungâi anna lâwm.

ROM 12:12

Lungumnâk leikângah chun a lâwm ule, hamhtuar leikângah chun felfê ule, thlachamnâk leikângah chun thlacham kumza ule;

2 KORIN 6:10

ngaihsia hâwi hen, sikhawmsele lâwm kumza ṭung hen, mipâm hâwi hen, sikawmsele mi tam tak neitir ṭung hen; zeikhawm nei lo hâwi hen, sikhawmsele zeizawng nei ṭung hen.

GALATIA 1:8

Sikhawmsele kanmah nih mawh vân thawk hen a hawng mi vânmifial khawm nih mawh, Thâwngthâng Ṭha ka nan simh na lo mi kha chu thâwngthâng ṭha dang rerêng a nan simh na chun siatbarh hen um seh.

PHILIPI 2:18

Chu hâwi ber hen nannih khawm a lâwm ule, hawng ka lawmhpi bâk u.

PHILIPI 3:1

A dawnghchemnâk ah chun, unau le tla, Lalpa ah chun a lâwm u. Thu a mahmun lîlâ nan sinah rîn nawlh hi kei rangah chun nengtawr a kâi lo, nan rangah a ṭangkâi ruangah.

1 PETER 4:13

A rokualnâk langh hen a um tikah lâwmnâk rangtling hen nan um khonâk ding hen Krist tuarpitu nan si ti theih hen a lâwm dauh lehlam u.