PHILIPI 4:3 - Bawm Common Language Bible Version

³ Asi, nang khawm ka liangbat bahpitu tatak, ka nan sâwm bâk, kha nunau tla kha ṭangpi rawh. Thâwngthâng Ṭha ah chun hawng ka ṭuanpi tâwn le, Klemen hen, ka ṭuanpi midang nungnâk bu ah min chuang tla hen khan.

PHILIPI 4:3 ပူးပေါင်းရင်းမြစ်များ

SAM 69:28

Nungnâk bu ah mi an min chu râwk hen um seh, na mi le rînnâk bu ah telh an silonâk ding hen.

EXODUS 32:32

Zângfahtê hen an sual ngaihdam râu rawh; na ngaihdam na awtlo asi chun, na mi tla min rînnâk lasuibu lakah mi ka min kha lawnh ving,” a ti.

ISAI 4:3

Jerusalem ah a thibang an um mi tla LALPA nih a thîm na mi chu, thenhlimh an ti na lai.

EZEKIEL 13:9

nannih muhnâk diklo muhtu leh kal sual ding hen simkannâk diklo mangtu khuavâng tla, ka nan rêp na awt. Thu thlûk ding hen ka mi tla ka pumh na nâkah nanna tel lai lo; Israel mi rînnâk lakah nan min khawm telh asi lai lo; nan ram ah khawm nan kîr nawlh lai lo. Chu tikah kei, LALPA Zahkâi kasi ti nan theih lai.

DANIAL 12:1

Puan nêm aih mi vânmifial nih, “Chu tik chun na mi tla vêngtu vânmifial rokual tak Mikael a hawng lang lai. Churawhchun, lawksawngnâk tik a hawng um lai le, phun tla a hawng um dawmhnâk hen a fâk chem mi asi. Chun hun chu a hawng tlung tik chun na mi tla Pathian lasuibu lakah an min rîn hen a um mi vial an him lai.

LUK 10:20

Sikhawmsele, khuri tla nan thu thu hen an um ruangah a lâwm lah u; vân ah nan min rîn asi ruangah a lâwm dauh u,” a ti.

ROM 12:1

Chun, unau le tla, Pathian khuaruatnâk ruangah hin bâwlnâk nung leh thenhlimh leh Pathian lawmh tlâk siding hen nan taksa chu pêk ding hen ka nan ngiar na asi, chu chu nan rianṭuan ding rêng asi.

ROM 16:12

Trufaina leh Truphosa Lalpa ah rian hamh tak a ṭuan tâwn tla kha chibai hawng ka bûk piak u. Duhtak Parsi, Lalpa lakah hamh tak hen rianṭuan rawh mi kha, chibai hawng ka bûk piak u.

ROM 16:9

Krist ah ka rianṭuanpi Urbana leh ka duhtak Stakua chibai hawng ka bûk piak u.

PHILIPI 1:12

Chun, unau tla, ka tlûnah thil hawng tlung mi tla kha Thâwngthâng Ṭha zanhnâk ding a hawng si thlo lehlam asi ti nan theih ka duh asi.

PHILIPI 1:16

murui khat nih chun Thâwngthâng Ṭha mawhlonâk thu sim ding hen ruat kasi ti theih hen zângfahnâk ruangah an sim tâwn.

PHILIPI 1:27

Zeikhawm si sele, nan umdân chu Krist Thâwngthâng Ṭha hen a êp ta seh, chun, nanmah tla an veh na khawmsele, nan sinah um lo khawmsele thlarau munkhat ah dîr thlir hen thinlung munkhat ah Thâwngthâng Ṭha lungnâk thu chu ṭanh leh ṭuan dut hen,

PHILIPI 1:7

Nanmah tla leikângah chu hâwi thinlung put chu kei rangah chun â dawh rerêng asi, ka thinlung ah ka nan siah na ruangah; ka rêngkhimhnâk tla ah Thâwngthâng Ṭha diknâk thu ka simnâk ah leh ka birhtirnâk tla ah khawm, nan ektê hen zângfahnâk chu hawng ka bâwmpitu tla nan si dangâiah.

PHILIPI 4:2

Lalpa lakah chun thinlung munkhat put ding hen Eudia ka ngiar le, Suntuki khawm ka ngiar ber asi.

THUPHUANG 13:8

Chun, tual ah an um mi zawzawng lakah laikulh um lân thawk hen thah rawh mi Dawrâ Fa nungnâk lasuibu ah an min â rîn lo mi vial nih chun amah an mâimûk lai.

THUPHUANG 17:8

Sarâng na muh mi kha a hawng um duak le, a um lo nawlh fâwn, khurtawdawnglo thawk hen a hawng suak lai le, veih depnâk ah a kal lai. Chun, tual ah an um mi tla, tual umtîr thawk hen nungnâk lasuibu ah min â rîn lo mi tla nih chun sarâng chu an muh tikah, a hawng um duak le, a um lo nawlh fâwn mi, a hawng lang awt nawlh mi chu chê an ti lai.

THUPHUANG 20:12

Chun, mithi tla, a lian a mê hen, laltophah mâika ah an dîr mi ka muh le, chun lasuibu tla chu a kêu le, chun, lasuibu dang, nungnâk lasuibu khawm a kêu le, chun, mithi tla chu an thilti lasuibu tla ah â rîn hâwitê hen lâirêl piak hen an um rawh.

THUPHUANG 20:15

Âuzawng nungnâk lasuibu ah a min rîn hen a um lo mi chu meizur ah an lawnh rawh.

THUPHUANG 21:27

Sikhawmsele, nâwmtâm tla leh thil dawh lo titu tla leh âwkrâwl simtu tla chu an lût lai lo; Dawrâ Fa nungnâk lasuibu ah an min â rîn mi cho an lût lai.

THUPHUANG 3:5

A nehtu vial chu hâwi hen puanvâr aihtir an si lai le, Nungnâk lasuibu ah mi an min chu ka râwk rîimâl lai lo, ka Pa mâika ah leh a vânmifial tla mâika ah an min ka phuang dauh lai.