PHILIPI 4:19 - Bawm Common Language Bible Version

¹⁹ Chun, ka Pathian nih chun Krist Jisu ah a rokualnâk chawng zia hâwi vima hen nan samphangnâk zeizawng khawm an ṭangpi na lai.

PHILIPI 4:19 ပူးပေါင်းရင်းမြစ်များ

GENESIS 48:15

Churawhchun, Josef chu mal a sâwm rawh: “Ka pa Isak leh ka pu Abraham nih a rian an ṭuan piak mi Pathian nih hi ngaksia tla hi malsâwm na seh! Tusûn ni tiang ah hawng ka ruitu Pathian nih malsâwm na seh!

2 SAMUEL 22:7

Ka lawksawngnâk ah LALPA ka auh le, Pathian sinah ṭangpi ka deih. A biakin ah ka hâu a theih le, ṭangpi deihnâk aw-hâu chu a ngâi.

2 CHRONICLES 18:13

Sikhawmsele Mikaiah nih, “LALPA a nung mi min sal hen, Pathian nih hawng ka simh mi vial ka sim awt, a ti.

2 CHRONICLES 31:8

Lalchem Hezekiah leh a rianṭuantu tla nih an thilpêk tam zia an muh le, LALPA an chawnglawmh leh Israel mipi tla chu an sawr na.

NEHEMIAH 5:19

Pathian, hi bang murui mipi rangah thil ka ti mi zawzawng hi theihkumza ding hen kan ngiar.

NEHEMIAH 9:15

“An sung a vâng rawh chun vân thawk hen sang na pêk na le, an tî a hâl chun lungpi thawk hen tî na pêk na. Ram na tiamh na mi chu kilkâwi ding hen thu na simh na.

SAM 104:24

LALPA, thil tam tak na siam! An ektê hen fing tak hen na siam na. Na thilsiam hen tual a khat.

SAM 130:7

Israel, LALPA chu zumh, hum ding hen a nan duh kumza ruangah leh a dâwtnâk chu a dawnglo ruangah.

SAM 36:8

Na hawng kan pêk mi buh chu kan chenh le; na ṭhatnâk tiva mi na kan dintir.

SAM 84:11

LALPA chu hawng kan vêngtu leh lal rokual asi, zahnâk leh vêlneihnâk hen mal hawng kan sâwm. Thil dik titu tla rangah zeikhawm thil ṭha sianglo a nei lo.

DANIAL 6:22

Pathian nih a vânmifial a hawng fial le, chakeibaknei nih hawng ka seh kho lo ding hen an kâ a chîp piak pang, hi hi thilsual ka ti lo ruangah leh nang lal tlûnah khawm thil pawi ka tilo ti a theih ruangah a ti mi asi,” a ti.

MIKAH 7:7

Sikhawmsele, LALPA lei ka zauh kumza lai le, Pathian ruang hawng ka suahtu chu ka rinhsanh. Ka Pathian nih hawng ka ngâi lai.

MALAKI 3:10

Tî-râwl tam tak um kho ding hen Biakin ah parâ lû pakhat hawng put u. Hawng ka nik ule, vân langawtkawt ka awng lai le, thil ṭha chikip tam tak ka hawng thlêt mi nan muh lai.

MATHAI 6:32

Phundang tla nih chubang zawzawng chu an hâwl tâwn asi. Chubang zawzawng chu nan herh ti nan Pa vân a mi nih a theih ko asi.

JOHAN 20:17

Chun, Jisu nih a sinah, “Hawng ka banh lah; tu tiang khawm hen Pa sinah ka kâi lo rih asi. Sikhawmsele ka unau tla sinah va kal le, an sinah, ‘Ka Pa, nan Pa, ka Pathian, nan Pathian sinah ka kal awt,’ a ti, va ti rawh,” a ti.

JOHAN 20:27

Chun, Thom sinah chun, “Na kutdawng hen hawng tham le, ka kut tla hi zauh rawh; na kut hawng banh le, ka nâk tham rawh; lunglo hen um lah le, lung rawh!” a ti.

ROM 1:8

Laikulh zawzawngah nan lungnâk thu a thang ruangah nan ektê tlûnah ka lâwmnâk thu Jisu Krist zârah Pathian sinah ka sim masa rih asi.

ROM 11:33

Pathian finghnâk leh theihnâk tam zia chu a thûk a! A lâirêlnâk tla chu theih kho lo leh a lampi tla chu zâwt kho mi zât asi lo chiam e!

ROM 2:4

Asi lo leh, Pathian ṭhatnâk nih rimnâk ding hen a nan ruai na tâwn ti theihlo hen, a ṭhatnâk neih tam zia leh â zauh kho zia leh â dawnhkho zia chu nêp dîk hen ma nan ruat?

ROM 8:18

Tu liau tuarnâk tla hi, hi nûnah kan tlûnah rokualnâk langhtir ding mi hen chun tahṭhimh tlâk ah ka ruat lo.

2 KORIN 12:21

ka hawng kal tikah ka Pathian nih nan lakah a hawng ka mualphoh nawlh hen, a lân thilsual titu tla lakah thil nâwmtâm ti tla, a duh mi tla, hur tla ching hen rim lo mi, mi tam tak tla chu ka ṭappi na lai ti ka ṭih asi.

2 KORIN 4:17

Kanna hamhnâk nêptê, tu mitthlep sung cho ah um ding mi nih hin rokualnâk cherkhet zungzâl rang ding hawng kan siam piak dadauh asi.

EPHESI 1:18

Chun, nan thinlung mit tla deitir a um hen amah kawhnâk lungumnâk tla hen mi thenhlimh tla lakah chun a ro ting ding rokual chawng zia tla,

EPHESI 1:7

A thisen hen amah lakah tlanhnâk kan nei asi, a zângfahnâk chawng zia hâwi vima hen kan buarnâk tla ngaihdamnâk chu.

EPHESI 2:7

Chun, tik hawng tlung ding mi lakah Krist Jisu ah kan tlûnah vêl nei hen a zângfahnâk neih fâk zia chu a zauhtir kho lai.

EPHESI 3:8

Phundang tla sinah Krist neihsiahnâk sût châwklo rê thâwngthâng sim ding leh thuthup zungzâl thawk hen Pathian zeizawng siamtu lakah thuh hen a um mi zauhkhenhnâk chu zeise asi ti, mi mêchem ngâk a mê dauh sinah chu zângfahnâk chu pêk asi.

PHILIPI 4:7

Chun, Pathian lungngamhnâk thinlung rerêng theih châwklo ni khan, nan thinlung leh nan dawnruatnâk tla chu Krist Jisu ah chun a nan vêng piak na lai.

KOLOSA 1:27

Chubang na sinah chun chu thuthup rokualnâk chawng zia chu Pathian nih theihtir a duh rerêng asi; chu thuthup chu Krist nanmah lakah um mi rokualnâk lungumnâk san chu asi;

KOLOSA 3:16

Krist thu chu finghnâk kip hen nanmah lakah um chiau seh; sawrnâk la tla, Pathian la tla, Thlarau lei la tla a sîntir hen nun a simhtawnh ule, thinlung zângfahnâk nei hen Pathian chu la sak piak u.

1 TIMOTHE 6:17

Hi laikulh minei tla hi a zûm lo ding leh neihnâk zumhkâilo ah an lungumnâk ngauh lo hen, thil zawzawng lâwmnâk ding ah hawng kan pêktu Pathian sinah ngauh ding hen nunsimh na rawh.

PHILEMON 1:4

Lalpa Jisu leikâng ah leh mi thenhlimh zawzawng dâwtnâk leh lungnâk na nei mi chu ka theih tâwn le, ka thlachamnâk tla ah chun na min ka lam kumza, ka Pathian sinah lâwmthu ka sim tâwn.

1 PETER 5:1

Chun, nan lakah kawhmi upa tla chu, kei, kawhmi upa si bâk mi, Krist tuarnâk tla theihpitu, rokualnâk a hawng lang ding mi ting bâktu ding mi nih hin ka nan fawrh na.

1 PETER 5:10

Chun, Pathian zângfahnâk zawzawng a zungzâl rokualnâk ting ding hen Krist, a nan kawh natu nih chun sâwtlotê nan tuar nûnah siam rangtling hen, birhtir hen, a nan chaktir na lai.