PHILIPI 4:17 - Bawm Common Language Bible Version

¹⁷ Thilpêk lam chu hâwl kasi lo le, rah, nanmah leikângah pungtir ding chu hâwl kasi dauh.

PHILIPI 4:17 ပူးပေါင်းရင်းမြစ်များ

THUFING LASUIBU 19:17

Mipâm sinah thil na pêk mi chu LALPA rangah na lângtir mi asi le, LALPA nih a nan rulh nawlh lai.

MIKAH 7:1

Lungdawng a kâi thlo, mi sungvâng nih thing lakah rah a tawng lo mi leh grep zûn lakah a rah tawng lo mi hâwi kasi. Grep zawzawng leh theipi thaw zawzawng kawih hen an um rawh.

MALAKI 1:10

LALPA Zeizawng tikho nih, “Nan lakah minung pakhat nih ka mâichâm tlûnah manglo ding mi mei tih lo ding hen Biakin khâr pang sele ka duh. Nan tlûnah ka lâwm lo, ka sinah thil ap nan hawng put mi ka pawm awtlo.

JOHAN 15:16

Nannih nih nan hawng ka thîm lo, keimah nih ka nan thîm dauh na, va rah ding leh nan rah um kumza ding hen ka nan ruat na asi; ka min hen Pa sinah nan deih mi zawng a nan pêk na ding hen.

JOHAN 15:8

Hi ruang hin ka Pa chu chawnglawmh hen a um tâwn, tam tak nan rahnâk takah hin; chuvachun ka ṭhiruai tla nan si lai.

ROM 15:28

Churuangah, chu chu ka ti hen, rah khawm chu anmah tla fiang tlo hen ka muhtir na thluh chun, nanmah tla pal hen, Spain ram ah ka kal vima lai.

2 KORIN 11:16

Ka sim nawlh lai, âukhawm nih mi â ah hawng ka ruat lah seh; sikhawmsele, nan hawng ka ruat dâidua chun kei khawm nih tâwmtal kan putso kho na nâk ding hen mi â hâwi hen a ngaihzia hawng ka thiam piak u.

2 KORIN 9:5

Churuangah, unau tla hi nan sinah hawng kal masa hen siang tak hen thilpêk nan tiamhkan mi kha siamkan ding hen ngiar herh hen ka ruat asi, chu tak chu zângrân hen lâk hâwi silo hen siang tak a pêk hâwi dauh hen timhtuah zet hen a um khonâk ding hen.

PHILIPI 4:11

Ka samphâng mi thu sim lam chu kasi lo le, kei lam chu zei hâwi tal hen um khawmsele lungâwi vima ka awt rawh.

1 THESALONIKA 2:5

Zeiliau khawm ah sawr telê nâk mawh, hamkah phenhnâk mawh kan mang mi an theih dah loh ti nan theih kha,

1 TIMOTHE 3:3

zûrît mang lo, vuak mang lo mi, a nunnêm mi, ṭhatlo rawt lo mi, tangka sum sunhsak lo mi,

1 TIMOTHE 6:10

Tangka duhnâk hi sual kip bul asi le, chu chu mi zeimaw mi nih an ngarh le, lungnâk chu an kaltâk le, anmah leh anmah lawksawngnâk tam tak hen an thinlung an khuai.

TITA 1:7

Kawhmi hotu chu Pathian sum zauhkhenhtu asi ruangah simsâwi kawplo mi asi ding asi: mi simhhar, thintâwi, zûrît mang, mi vuak mang, lêpnâk nâwmtâm lakah hamkah mi asi ding asi loh.

TITA 3:14

Kan mi tla khawm nih chun rah lo hen an um lonâk ding hen samphângnâk herh rang ding ah chun thil ṭha ti vima a sîn na seh.

HEBRAI 6:10

Tu ah nan ti liau hâwi hen, Kristian unau tla sinah Pathian min hen dâwtnâk ruangah nan ti mi leh nan ṭangpi na nâk tla chu philh ding hen Pathian chu mi replo asi loh.

1 PETER 5:2

Nan lakah Pathian murui um mi tla chu, ti ding asi ruangah silo hen, Pathian thu hâwi a thinlung thawk bû hen, lawh duh ruang cho silo hen, thinlung ah duh tak bû hen zauhkhenh u.

2 PETER 2:15

Beor fapa Balaam thilsual ti hen tangka tawng ding duhtupa lampi chu zawh hen, lampi dik chu an mâk le, lampi an vâi rawh.

2 PETER 2:3

Chun, sîntirtu diklo tla nih chun âwkrâwl thu hen sawlehnâk ah an mang na lai. Sikhawmsele, tuan thawk hen an rangah lâirêlnâk chu timh chia asi le, anmah tla tlâutirtu khawm a it lo asi.

JUD 1:11

An tlûn a pit! Kain lampi chu an zûl le, lawh uh hen Balaam sual lampi chu an zûl le, Kora a hel mi hâwi hen an hel le, amah hâwi hen veih hen an um rawh.