PHILIPI 3:9 - Bawm Common Language Bible Version

⁹ Krist ka ting khonâk ding leh mah repnâk (Dân lakah repnâk chu) nei lo hen, Krist lung ruangah repnâk (Lung ruangah Pathian lakah repnâk chu) nei dauh hen, amah lakah um kasi khonâk ding hen;

PHILIPI 3:9 ပူးပေါင်းရင်းမြစ်များ

GENESIS 7:23

LALPA nih tual tlûnah thil nung zawzawng, minung zawzawng, ramsa tla leh vâ tla a veih hep na rawh. Noa leh a sinah an um mi tla cho an him.

1 Lal 8:46

“Na mi tla nih thilsual an ti hen pakhat khawm âk lo hen an sual chun, nangnih na thinthawk ruangah an mêlma nih neh hen, ram dang lât takah na tângtir na khawm ah,

2 CHRONICLES 32:25

Sikhawmsele Hezekiah chu LALPA sinah a rangah leh Juda leh Jerusalem ruangah a lâwmnâk zauhtir lo hen â zûm tuk ruangah tuarnâk a hawng um.

2 CHRONICLES 32:31

Babulon ram ruangrûl ah hawng kal mi nih thâwngthâng tla, thil um dahlo mi a deih le, Hezekiah chu amah thinlung niknâk ding hen Pathian nih a ngâichâng.

SAM 14:3

Sikhawmsele, amahlo leiah an pial hep le, an ṭhatlonâk â bang hep le; pakhat khawm thil dik ti an um lo, Pakhattê khawm an um lo.

SAM 143:2

Na to-aw hi hawng ka nik lah le; na mitmuh ah âukhawm sual nei lo an um lo.

SAM 19:12

Mah diklonâk tla chu âukhawm nih an muh kho lo. Aw Pathian, sual thup lakah mi chu ruang hawng ka suah!

THUSIMTU 7:20

Tual tlûnah thil dik ti kumzatu leh palh dahlotu pakhat khawm a um lo.

ISAI 46:13

Nehnâk ni ka tlungtir ding mi chu a nâi rawh, a lât rîlmâl lo. Ka neh ding mi chu a sâwt lai lo rawh. Jerusalem chu ka hum lai le, Israel lakah zahnâk ka tlungtir lai,” a ti.

ISAI 53:11

A tuar thluh nûnah, lâwmnâk a nei nawlh lai le; a tuarnâk chu a thawt asi lo zia a theih lai rawh. Ka sunhsak tak mi to-aw, ka lawmh tak mi nih chun mi tam tak rêp ding mi rûlah a tuar lai le, amah ruangah ka ngaihdam na lai.

ISAI 53:6

Kan ektê hen dawrâ a tlâu mi hâwi kan si le, mah duhnâk lei chiauah kan kal. Sikhawmsele LALPA nih rêpnâk chu a tlûnah a tlungtir. Kan ektê rêp kan tuar ding mi rûlah a tuar.

ISAI 6:5

Kei nih, “Kei rangah lungumnâk a um lo rawh! Thu sual ka simnâk mûr ruangah mi vânduai kasi, thu sual simtu nâwngah um mi kasi. Sikhawmsele, ka mit ngelchel nih Lalchem, LALPA Zeizawng tikho chu ka muh rawh,” ka ti

JEREMIA 23:6

Lalchem asi tikah Juda mi tla chu him tak hen an um lai le, Israel mi tla chu thlangam tak hen an um lai. Anih chu ‘LALPA kan Ruangsuahnâk’ mawh ‘Lalpa kan repnak’ ti asi lai.

JEREMIA 33:16

Juda mi tla leh Jerusalem mi tla chu ruangsuah hen an um lai le, him tak hen an um lai. Khuapi chu ‘LALPA kan ruangsuaknâk’ an ti lai.

DANIAL 9:24

“Hun sarih, kum sâwmsarih chu sual lo thlo hen khuapi thenhlimh leh na mi tla an um ding mi a sâwt kar zawng Pathian nih a ruat mi zat asi. Sualnâk chu ngaihdam asi lai le, repnâk chu birhtir asi lai, chu tikah langhnâk leh simhkannâk chu a dik lai rawh, Biakin thenhlimh khawm ap nawlh asi lai rawh.

MATHAI 9:13

Chuvachun, ‘Bâwlnâk duh lo hen khuaruatnâk ka duh,’ ti hi a umzia va a sîn u; mirep tak tla lam ding hen hawng kal kasi lo le, misual tla lam ding hen hawng kasi dauh,” a ti.

ROM 1:17

Thâwngthâng Ṭha nih chun a dawmhtîr thawk hen a dawngh tiang hen Pathian ah lungnâk ruang cho ah minung chu rep hen a um ti a langhtir asi. “Mi rep chu lungnâk hen a nung lai,” ti Pathian lasui thu nih a sim hâwi khan.

ROM 10:10

Mi leh nih thinlung hen an lung le, repnâk an tawng tâwn; kâ hen an ṭanh le, ruangsuahnâk an tawng tâwn asi.

ROM 16:7

Ka hâwi Juda mi, Andronika, leh Junia, ka rêngtlâpi tla kha chibai hawng ka bûk piak u; annih chu mifial tla lakah minthang tak an si le, ka ruangrûl ah Krist lakah um masa dauh an si.

ROM 5:21

Sual nih chun thihnâk hen lâi a rêl hâwitê hen Pathian zângfahnâk nih chun repnâk hen zungzâl nungnâk ting kho rê hen kan Lalpa Jisu Krist ruangah lâi a rêl khonâk ding hen.

ROM 8:1

Chun, tu lam chun Krist Jisu ah um tla rangah chun mawhtirnâk rêng a um lo rawh.

ROM 8:3

Taksa chaklonâk ruangah Dân nih ti kho lo mi chu Pathian nih a ti kho. Amah Fapa ngelchel taksa sual hâwi put hen sual bâwlnâk ding ah hawng fial hen, taksa lakah sualnâk um mi chu mawh a phurhtir rawh asi.

1 KORIN 1:30

Nannih lam chu amah ruangah Krist Jisu lakah chun nan um asi; anih chu Pathian sinah mi kan rangah finghnâk ah siam asi, repnâk ah, thenhlimhnâk ah, tlanhnâk tla hen.

2 KORIN 5:17

Churuang chun âuzawng Krist ah a um chun thilsiam thar a hawng si; thil li chu a vei rawh; ngâinik u! a hawng thar rawh.

2 KORIN 5:21

Amah lakah chun Pathian repnâk kan hawng si khonâk ding hen sual rerêng nei lo Jisu chu Pathian nih kanmah ruangah sual ah a siam.

GALATIA 2:16

Sikhawmsele, Dân thilti tla ruangah mi mawhtir lo hen a um lo le, Jisu Krist lung ruangah cho mawhtir lo hen a um dauh ti kan theih, kannih khawm nih Dân thilti ruangah silo hen, Krist lungnâk ruangah mawhtir lo a kan um khonak ding hen Krist Jisu chu kan lung asi. Dân thilti ruangah âukhawm mawhtir lo hen an um lai loh.

DEUTERONOMY 27:26

“ ‘Pathian dân zawzawng leh sîntirnâk zûl duhlotu tlûnah Pathian siat um seh,’ an ti lai. “Mi zapi zawzawng nih ‘Amen!’ ti hen an sâng lai.

PHILIPI 3:6

ṭhanemsemsê leikângah chun kawhmi tla nehsawhtu kasi. Mi nih dân thupêk zûl hen, mirep an sinâk ah chun, kei khawm sâwi ding ka um lo.

2 TIMOTHE 1:9

Anih nih chun kan thilti tla hâwi silo hen, amah ruat leh zângfahnâk hâwi dauh hen ruang hawng kan suah le, kawhnâk thenhlimh hen hawng kan kawh le; chu zângfahnâk chu tual tuah lânah Jisu Krist lakah hawng kan pêk rawh.

TITA 3:5

thil rep tak hen ti mi, kanmah ngelchel nih ti mi tla chu, chu ruang silo hen, siamtharnâk ṭâwlnâk leh Thlarau Thenhlimh siamthar nawlhnâk nih chun a zângfahnâk hâwi vima hen ruang hawng kan suah rawh.

HEBRAI 6:18

Thil panih a um: Pathian a âwkrâwl kho lo mi leh thlakthleng kho lo mi chu, kannih a sinah himnâk tawngtu tla hi kan mâilei ah lungumnâk chu bir tak tleih thlir ding hen fâk tak hen fawrh kan si.

JEM 3:2

Kan ektê hen kan sual tâwn. Mi, a thusim ah palh dahlo mi chu mi rangtling asi, a taksa pum khawm vêng kho mi asi.

2 PETER 1:1

Simon Peter, Jisu Krist to-aw leh mifial thawk hen chun Jisu Krist kan Pathian leh ruangsuahtu repnâk ruangah zumhnâk sung tak kanna ting mi hâwi ting bâk mi tla sinah,

1 JOHAN 3:4

Âuzawng thilsual titu vial nih dân a buar tâwn, sual chu dân buarnâk asi.