PHILIPI 3:6 - Bawm Common Language Bible Version

⁶ ṭhanemsemsê leikângah chun kawhmi tla nehsawhtu kasi. Mi nih dân thupêk zûl hen, mirep an sinâk ah chun, kei khawm sâwi ding ka um lo.

PHILIPI 3:6 ပူးပေါင်းရင်းမြစ်များ

2 SAMUEL 21:2

(Gibeon mi chu Israel tla an si lo, Amor murui mêtê, Israel tla nih hum ding hen anna tiam mi asi. Sikhawmsele Saul nih Israel leh Juda tla rangah a ṭhanemsemsê ngâi ruangah râwk a tum na.)

2 Lal 10:16

“Ka sinah hawng le, LALPA sinah ka pêk zia hi nangmah ngelchel nih hawng zauh,” a ti. Churawhchun, Samaria leiah an panih hen munkhat hen an kal rawh.

THUSIMTU 7:16

Churuangah ṭha tuktarâi hen fing tuktarâi lah, zei rangah nangmah na thah?

LEVITICUS 13:16

A mâ chu a hawng dam hen, a hawng ngo nawlh chun, chu minung chu bâwlpu sinah a va kal nawlh lai le,

MATHAI 23:25

“Dân sîntirtu leh Farisai perpê tla! Nan tlûn a pit! Hâi leh khêng lênglei nan ṭâwl thiang le, a sunglei lam chu a thup hen lêpnâk leh sûm kholonâk hen a khat ṭung.

MATHAI 5:20

Nanna repnâk nih Dân sîntirtu tla leh Farisai repnâk hi a khûp lânlo chu Vân Ram ah nan lût kho lai loh ti ka nan simh na.”

LUK 1:6

An panih hen Pathian mitmuh ah rep tak hen an um le, simsâwi kawplo hen Lalpa thupêk leh dân zâwzawng zâwt hen an um tâwn.

THILTI 21:20

Chun, unau tla nih chun chubang thu chu an theih hen Pathian an chawnglawmh; chun Pawl sinah, “Unaupa, Juda tla lakah lungtu tla tam zia na muh le, an ektê hen Dân leiah ṭhanem an ngâi asi.

THILTI 22:5

Bâwlpu lalchem leh upa tla zawzawng khawm nih chubang thu chu an hawng ka theihpi kho, an sinah mi unau tla rangah pêk ding hen lasui ka tawng le, chun Damaska khua ah um mi vial an rêp na ding hen, phuar bû hen Jerusalem khua ah kalpi na ding hen ka kal kha.”

THILTI 26:5

A tîr thawk hen ka thâwngthâng an theih, kha hâwi hen kan phung-leh-lam kermê chem dân hâwi vima hen Farisai ah ka um kha, an duh chun an hawng ka simpi kho asi.

THILTI 8:3

Sawl lam nih chun kawhmi tla thungâi a nehsawh na le, in kip ah a lût le, nunau mipa hen a nûk na le, rêngin ah a khumh na tâwn.

ROM 7:9

Chun, a lan khan kei dân lo hen ka nung le, sikhawmsele thupêk chu a hawng um kâ hen sual a hawng thawk le,

1 KORIN 10:32

Kei nih mah ṭhatnâk hâwl hen ruangsuah an si khonâk ding hen mi tam tak ṭhatvaknâk hâwl dauh hen, mi zawzawng zeizawng ah ka lawmhtir hâwitê hen, Juda tla rang khawm, Phundang tla rang khawm, Pathian kawhmi tla rang khawm an tlûk phahnâk ding rerêng zeikhawm ti lah u.

1 KORIN 15:9

Kei lam chu mifial lakah mê chem, kawhmi tla ka nehsawh na ruangah mifial ah ruat tlâklo kasi.

PHILIPI 3:9

Krist ka ting khonâk ding leh mah repnâk (Dân lakah repnâk chu) nei lo hen, Krist lung ruangah repnâk (Lung ruangah Pathian lakah repnâk chu) nei dauh hen, amah lakah um kasi khonâk ding hen;

1 TIMOTHE 1:13

A lânah simsâwitu leh nehsawhtu leh zirhtu sikhawmsele lunglo hen theihlo mi kasi ruangah khuaruatnâk ka tawng asi.

LÂIRÊL 6:30

Churawhchun, Joash sinah, “Na fapa kha hinah hawng suah, kan thah ding hen! Baal mâichâm a siat le, a kiangah mi Aserah lem khawm a hâu ving,” an ti.