PHILIPI 3:20 - Bawm Common Language Bible Version

²⁰ Kannih lam chu kan khawsaknâk chu vân ah asi; chu thawk ber chun Ruangsuahtu, Lalpa Jisu Krist hawng kal ding mi chu mawhlah tak hen kan ngâk kumza asi.

PHILIPI 3:20 ပူးပေါင်းရင်းမြစ်များ

SAM 16:11

Nungnâk lampi leikâng chu na ka zauhtir le, na hawng ka umpinâk nih lâwmnâk a khattir hen, zungzâl lâwmnâk ah hawng ka tlunh.

SAM 17:15

Thilsual ka ti lo ruangah kei lam nih chun kan muh lai, chun, ka meng tikah na ka umpinâk nih lâwm hen ka khat lai.

THUFING LASUIBU 15:24

Mifing tla nih chun tlûnlei nungnâk lampi an zawh. Tanglei kângah thihnâk lei a zawh mi lampi ah an zawh lo.

MATHAI 19:21

Jisu nih a sinah, “Ṭha rangtling hen um na duh chun, kal le, na neih chu zuar le, mipâm tla sinah pêk rawh; chuvachun vân ah ro na nei lai, chun hawng le, hawng ka zûl,” a ti.

LUK 12:21

“Mah rangah neih khawng hen, Pathian leiah khawng lo mi chu, chu hâwi chu asi tâwn,” a ti.

LUK 14:14

Chun, chubang nih chun an rulhnâk ding an nei lo ruangah na thaw a suak lai; mirep tla thawknawlh tikah Pathian nih a rulh na awt ruangah,” a ti.

THILTI 1:11

Annih nih chun, “Galili ram mi tla, zei rangah vân lei zauh hen nan dîr ko? Hi Jisu nan sin thawk hen vân ah kâi hen a um mi hi vân ah a kâi mi nan muh hâwi ber hen amah ngelchel hi a hawng kal nawlh lai,” an ti.

1 KORIN 1:7

Chuvachun, kan Lalpa Jisu Krist langhnâk ngâk hen, thilpêk rerêng ah nan samphâng lo.

1 KORIN 15:48

Valei hen siam mi Adam hâwi kha tual a siam mi tla khawm hi an si; vân ah siam mi Krist hâwi kha vân a mi tla khawm chu an si.

2 KORIN 4:18

Thil muh kho tla hi zauh lo hen, thil muh kho lo tla chu kan zauh dauh ruangah; thil muh kho tla hi sâwtlotê rang ding asi le, thil muh kho lo tla lam chu zungzâl rang ding asi.

2 KORIN 5:8

Thlangam tak hen kan um kan ti taksa ah um lo hen Lalpa sinah um kan duh dauh.

GALATIA 4:26

Sikhawmsele, tlûnlei Jerusalem lam chu sal silo mi asi, chun, chu tak chu kanmah nu asi.

EPHESI 2:19

Chun, tuah khual leh ram dang mi salam nan si lo le, mi thenhlimh tla hen khualaikhat leh Pathian dâwngsung tla nan si dauh rawh asi.

EPHESI 2:6

Krist Jisu ah amah rual ber ah hawng kan thawh hen, vân mun tla ah amah sinah hawng kan totir rawh.

PHILIPI 1:27

Zeikhawm si sele, nan umdân chu Krist Thâwngthâng Ṭha hen a êp ta seh, chun, nanmah tla an veh na khawmsele, nan sinah um lo khawmsele thlarau munkhat ah dîr thlir hen thinlung munkhat ah Thâwngthâng Ṭha lungnâk thu chu ṭanh leh ṭuan dut hen,

1 THESALONIKA 4:16

Lalpa tak chu âu hâu hen, vânmifial chungnungchem hâu hen, Pathian tâwtawrâwt hâu hen, vân thawk hen a hawng ṭum awt dangâiah; chun, Krist ah thi rawh tla chu an thawk masa lai le;

2 TIMOTHE 4:8

tuah lam chun repnâk lallukhuh chu ka rangah siah hen a um rawh; chu chu Lalpa lâirêltu rep tak nih chun chu ni ah a hawng ka pêk lai. Ka sinah cho silo hen, a langhnâk awrhtu kip tla sinah khawm.

HEBRAI 12:22

Zion Tlâng leh Pathian nung khua, vân Jerusalem, a vânmifial sâng tam tak tla umnâk chu nan hawng tleng rawh.

HEBRAI 9:28

Chu hâwi ber hen Krist khawm mi tam tak sual tla kalpi ding hen veikhat bâwlnâk ah â pêk rawh. Amah ngâktu tla chu ruangsuah na ding hen, sual bâwlnâk ding silo hen, a veinihnâk ah a hawng lang nawlh lai.

THUPHUANG 1:7

Ngâinik u, anih chu sûm tla hen a hawng awt, mikip nih an muh lai le, a sunhtu tla khawm nih, laikulh ah phun zawzawng nih amah ruangah an thinlung a fâk lai. Chu hâwi asi! Amen.