PHILIPI 3:2 - Bawm Common Language Bible Version

² Ui tla, fêmtan ding an duhpi natu lakah chun a thiamthih u, thil ṭhalo titu tla lakah chun a thiamthih u.

PHILIPI 3:2 ပူးပေါင်းရင်းမြစ်များ

SAM 119:115

Nannih misual tla, ka sinah mi kal ving u, ka Pathian thupêk tla chu ka zûl awt.

SAM 22:16

Misual murui nih ui râng tla hâwi hen an ka kulh le, an ka naih; ka kut leh kê an sâm ver.

SAM 22:20

Nâmsâu lakah mi hawng ka sanh le, ka nungnâk hi bang ui tla lakah mi hum rawh.

THUFING LASUIBU 26:11

Mi â nih thil âtkâi tak a ti nawlh mi chu ui a luak leiah a kîr nawlh mi hâwi asi.

MATHAI 24:10

Chu tikah chun mi tam tak an zumhnâk an bângtâk lai le, anna tleihtir tawnh lai, anna hua tawnh lai.

MATHAI 7:15

“Khuavâng telê lakah a thiamthih u; chu tla chu dawrâ vun aih hen nan sinah an hawng kal tâwn le, an sung leiah lam chun chingngia râwlṭâm an si ruangah.

MATHAI 7:6

“Ui tla sinah thil thenhlimh chu pêk lah u; an hawng a her hen an seh na lebang lai; vawk mâika ah nan âitikep lung tla lawnh lah u, an chîl salam lai.

ROM 2:28

A lêngpuan ko ah Juda mi si chu Juda mi tak asi lo; a lêngpuan ko ah fêmtan chu fêmtan tak asi lêm lo.

2 KORIN 11:13

Mi chubang tla chu Krist mifial ah â siam sawm hen, mifial telê rianṭuantu mi perpet mang tla an si.

GALATIA 5:13

Unau tla, sal silo ding hen kawh nan si; sikhawmsele, sal nan si lonâk chu taksa rangah dêngkhâwngnâk ah mang lah ule, zângfahnâk hen rian a ṭuan piak tawnh chiau u.

GALATIA 5:15

Sikhawmsele, nanna seh hen nanna ei tawnh chun nanna veih tawnh lonâk ding hen a thiamthih u.

GALATIA 5:6

Krist Jisu ah chun fêmtan hi zeikhawm a ṭhatnâk a um lo, fêmtan lo khawm zeikhawm a ṭhatnâk a um lo; lungnâk, zângfahnâk ah ṭuan tam chu a ṭhavak asi.

PHILIPI 3:19

chubang tla dawnghnâk chu veihnâk asi, an pathian chu taksa duhnâk asi, anna khâwngnâk chu an mualphonâk asi, laikulh thil tla an duh tâwn asi.

PHILIPI 3:3

Kannih Pathian Thlarau zârah Pathian sawnh leh Krist Jisu putso leh taksa tlûnah rinhsannâk ngauh lotu tla hi fêmtan tla kan si dauh asi.

1 TIMOTHE 1:19

lungnâk leh sia leh ṭha theihnâk thiang tak tleih thlir hen, mi zeimaw mi nih chubang chu lawnh hen lungnâk leikângah lawng kuai hâwi hen anna râwk rawh.

TITA 1:16

“Pathian kan theih” ti hen, anna ṭang tâwn le, sikhawmsele fihnungkâi tla, ê-aw ngâilo tla, thil ṭha kip ti leikângah Pathian duh lo mi zât an si, an thilti hen an phehtâk tâwn.

2 PETER 2:22

“Ui amah luak leiah a kîr le, vawkpi â ṭâwl thiang rawh mi khawm nêngthû ah a bual ding hen a kîr nawlh” ti thufing dik tak chu an tlûnah a hawng lang rawh asi.

JUD 1:4

Pathian thu lunglo tla a thup hen kan sinah an hawng lai le, Pathian zângfahnâk thu chu râwk hen anmah duhzia a um tum hen Jisu Krist kan Lal leh Hotu an duh lo, hi mawh hen an um ding mi tla hi a lân thawk hen Pathian lasui thu nih a sim ving rawh asi.

THUPHUANG 2:9

Nâ hamh zia tla, na pâm zia tla ka theih le, sikhawmsele, na nei ṭung fâwn! Juda tak silo hen, Juda kan si titu, Setan murui lakah mi tla nih a nan simsâwi mi chu ka theih.

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.

THUPHUANG 22:15

Lênglei ah chun, ui tla, dâwithiam tla, pungmang tla, milem sawnhtu tla, âwkrâwl sunhsaktu tla leh âwkrâwl sim mang tla chu an um lai.

THUPHUANG 3:9

Ngâinik, Setan pumhnâk in tla lakah mi, Juda tak silo hen Juda anna ti mi tla chu ka hawng fial lai le, na kê bul ah kan mâimûktir lai le, âuzawng nih ka nan zângfah ti an theih lai rawh.