PHILIPI 3:10 - Bawm Common Language Bible Version

¹⁰ a thihnâk va bangh a thi hen, amah hen a thawknawlhnâk thiltikhonâk hen, a tuarnâk tla bâwmpinâk hen, ka theih khonâk ding hen;

PHILIPI 3:10 ပူးပေါင်းရင်းမြစ်များ

JEREMIA 9:23

LALPA nih, “Mifing khawm an finghnâk zumh lah seh, mi chak tla khawm nih an chaknâk zumh lah seh, minei khawm nih an neihnâk zumh lah seh.

MATHAI 20:23

Anih nih chun an sinah, “Ka hâi din ding mi chu nan din ngelchel lai; sikhawmsele, ka vawrhlei ah leh ka kehlei ah to ding thu chu kei pêk ding asi lo le, ka Pa nih a timhtuah piak mi tla rangah asi dauh lai,” a ti.

JOHAN 10:18

Âukhawm nih ka sinah mi an lâk kho lai loh, keimah thu thu hen ka pêk awt asi. Pêk kho kasi, lâk nawlh kho khawm kasi. Hi thupêk hi ka Pa thawk hen ka tawng asi,” a ti.

JOHAN 17:3

Hi hi zungzâl nungnâk asi, nang Pathian tak cho leh na fial mi Jisu Krist theih hi.

ROM 8:17

Chun, fa tla kan si chun ro tingtu tla kan si le, Pathian ro tingtu, Krist tingpitu tla kan si. Jisu kan tuarpi tatak chun a sinah chawnglawmh hen kan um bâk lai.

ROM 8:29

A theihkan mi tla chu amah Fapa hâwi tak hen um ding hen a ruatkan asi, a Fapa chu unau tam tak tla lakah fa tîr a hawng si khonâk ding hen.

ROM 8:36

Pathian lasui thu nih, “Nangmah ruangah nî tlâk hen thah hen kan um tâwn, Dawrâ thah ding mi tla hâwi hen ruat kan si,” ti hen a sim hâwi khan.

2 KORIN 1:10

Chu Pathian nih chun chu hâwi tluk a thihnâk fâk tak lakah chun ruang hawng kan suah rawh le, ruang hawng kan suah lai; ruang hawng kan suah vima awt ti amah lakah chun lungumnâk kan ngauh.

2 KORIN 1:5

Krist tuarnâk tla chu kan tlûnah a leiluat hâwi hen kan lungngamnâk hi Krist zârah a leiluat asi.

2 KORIN 13:4

Anih chu chaklonâk ruangah khenhbêk hen a um asi, sikhawmsele Pathian thiltikhonâk ruangah a nung rerêng rawh. Kannih khawm amah lakah chun kan chak lo asi, sikhawmsele nanmah leiah Pathian thiltikhonâk ruangah a sinah kan nung bâk lai.

GALATIA 2:20

Krist sinah khenhbêk hen ka um rawh, sikhawmsele ka nung; kei lam chu kasi lo rawh, Krist chu keimah lakah a nung dauh asi; chun tuah taksa ah ka nung mi hi lungnâk ah nung ka si– Pathian Fapa, hawng ka zângfah le, ka ruangrûl ah â pêk mi lungnâk ah chun.

GALATIA 6:17

Tu thawk hen âukhawm nih hawng ka nawktir lah seh; ka taksa ah hin Jisu singsiahnâk tla ka put ruangah.

EPHESI 4:13

zeimaw mi chu kawhmi châwmtu leh sîntirtu rangah a pêk na; chun diklonâk ah ngamlêmnâk hâwi hen,

PHILIPI 3:8

asi chiammâm, ka Lalpa Krist Jisu theihnâk rokual khun ruangah thil zeizawng khawm dawknâk ah ka ruat asi; amah ruangah thil zeizawng ka dawk ver le, chubang chu thanawmrawpâi tluk cho ah ka ruat le,

KOLOSA 1:24

Tuah ka nan tuar piak na mi lakah hin ka lâwm, Krist hamh tuar mabân chu ka taksa ruangah ka tîttak ah hin ka zulhpeh vima asi;

KOLOSA 2:13

Chun, nannih buarnâk tla leh nan taksa fêmtan lonâk ruangah thi nan si le, nanmah ngelchel chu amah hen a nan nungtir na asi kha;

KOLOSA 3:1

Chun, Krist sinah thawh hen nan um bâk rawh chun, tlûnlei mi, Pathian vawrhlei ah to Krist umnâk ah thil um tla chu hâwl u.

1 PETER 1:3

Kan Lalpa Jisu Krist Pathian leh Pa chu sawr hen um seh: Anih nih chun a siherhnâk fâk tak hâwi hen, mithi lakah mi Jisu Krist thawknawlhnâk ruangah lungumnâk nung tawng ding hen nungnâk thar a hawng kan pêk.

2 PETER 1:13

Chun, ka dam kar zawzawng hin, nanmah theihpi hen nan thinlung an thawktir na ding hen ka tum asi.

1 JOHAN 2:3

Chun, a thupêk tla kan zâwt chun, chu lakah chun amah kan theih ti kanna theih asi.

1 JOHAN 2:5

Âuzawng a thu zâwttu chu amah lakah chun Pathian zângfahnâk a rangtling tatak rawh asi.

THUPHUANG 1:18

a nung mi chu kasi, ka thi le, sikhawmsele, ngâinik, zungzâl rangah ka nung nawlh rawh asi. Thihnâk leh mithi khua tlûnah thuneihnâk chu ka nei ber asi.