PHILIPI 3:1 - Bawm Common Language Bible Version

¹ A dawnghchemnâk ah chun, unau le tla, Lalpa ah chun a lâwm u. Thu a mahmun lîlâ nan sinah rîn nawlh hi kei rangah chun nengtawr a kâi lo, nan rangah a ṭangkâi ruangah.

PHILIPI 3:1 ပူးပေါင်းရင်းမြစ်များ

1 CHRONICLES 15:28

Churawhchun, Israel mi zawzawng tla nih Thudântuk Bâwm chu lâwmnâk ruangah âu bû hen, tâwtawrâwt tla, ki tla, chêngchêng tla leh ṭingṭang tla tum hen Jerusalem leiah an zûl.

1 CHRONICLES 16:10

A tâ kan si mi tla chu kanna lâwm lai le; amah sawnhtu tla chu a lâwm na seh!

1 CHRONICLES 29:22

Chu ni ah chun LALPA mâika ah an din hen an ei le, thungâi anna lâwm. A veinihnâk ah chun Solomon lal a sinâk an phuang. Zadok bâwlpu nih lâirêltu ding ah LALPA min hen sariak a thuh.

NEHEMIAH 8:10

Tuah in leiah lâwi ule; puai lam ei u. A nei lo mi sinah a tâwk ding hen nan buh leh uain kha a ṭhen u. Tusûn hi kan LALPA lakah ni thenhlimh asi le, nan ngaihsia ding asi loh. LALPA nih lâwmnâk a nan pêk na mi nih a nan chaktir na lai,” an ti na.

JOB LASUIBU 22:26

Churawhchun, Pathian zumhnâk na nei lai le, amah chu lâwmnâk bul asi ti na theih lai.

SAM 149:2

Israel, a nan siamtu chu â lâwm ruangah, Zion mi tla nan lal asi ruangah, a lâwm u!

SAM 32:11

Nannih mirep tla, LALPA thilti ruangah chun Lâwptlo hen a lâwm u. Nannih ê-aw ngâitu tla, lâwm hen âu u!

SAM 33:1

Nannih mirep zawzawng tla, LALPA thilti ruangah lâwm hen âu ule; nannih a ê-aw ngâitu tla, amah chu sawr u.

SAM 37:4

Na lâwmnâk chu LALPA sinah hâwl le, na thinlung duh chu an pêk lai.

SAM 42:4

A lânah mi zapi tla hen Pathian in leiah kan kal liau tla, zapi lâwptlo tla la sak leh Pathian sawr hen an âu mi tla ka theih zâwn chun ka thinlung a fâk tâwn.

SAM 5:11

Sikhawmsele, nangmah lakah himnâk tawngtu tla chu anna lâwm lai le, lâwm hen la an sak kumza lai. Nangmah dâwttu tla chu kilkâwi na le, nangmah ruangah lâwm tatak hen anna lâwm ruangah.

SAM 97:1

LALPA chu lalchem asi! Tual, a lâwm rawh! Tipi ah tikulh tla, a lâwm u!

ISAI 41:16

Boruak ah na vawrh phin lai le thli nih a ranh ving lai, thlipi nih a thektham hep lai. Churawhchun, kei na Pathian kasi ruangah na lâwptlo lai rawh; Israel Pathian thenhlimh chu na ka sawr lai rawh.

ISAI 61:10

Jerusalem, LALPA nih thil a ti mi ruangah a lâwm rawh. Anih chu umh liauah â thuam mi hâwi asi. Pathian nih ruangsuahnâk leh nehnâk puan a aihtir.

ISAI 65:14

Annih chu lâwm ruangah la an sak lai le, sikhawmsele nannih chu thinlung fâk tak hen nan ṭap lai.

JOEL 2:23

“Zion mi tla, a lâwm u, LALPA, nan Pathian nih nan rangah thil a ti mi ruangah a lâwrn u. Fângzûn liauah ruah tam tâwk ual hen an pêk na le, busik liau ruah khawm nan rangah a sûrtir hen tifûr tlâk tîr khawm a lân hâwi asi rawh.

ZEPHANIAH 3:14

Israel mi tla, lâwm hen la sak hen âu u! Jerusalem, na thinlung zawzawng hen a lâwm rawh!

ZEPHANIAH 3:17

LALPA, nan Pathian chu nan sinah a um le; a thiltikhonâk nih nehnâk an pêk na. LALPA chu nan lakah â lâwm lai le, amah dâwtnâk ah nunchan thar a nan pêk na lai. Nan tlûnah la sak hen â lâwm lai.

ZEKARIA 10:7

Israel mi tla chu kawrsen hâwi hen an chak lai le, uain dintu tla hâwi hen anna lâwm lai. Hi nehnâk hi an thlâk tla khawm nih an theihkumza lai le, LALPA ti mi asi ruangah anna lâwm lai.

MATHAI 5:12

Lâwm ule, lâwptlo hen um u; vân ah nan lâwmman a tam ruangah. Chu hâwi ber hen nanmah lânah khuavâng um tla khawm an nehsawh na tâwn.

LUK 1:47

ka thlarau khawm ruang hawng ka suahtu Pathian ah â lâwm.

ROM 5:11

Chu cho khawm asi lo le, tuah remnâk hawng kan tingtirtu kan Lalpa Jisu Krist ruang chun Pathian ah kanna lâwm asi.

2 KORIN 13:11

A dawnghchem ah chun unau le tla, lâwm tak hen um u. Ṭhat rangtling hen um ule; lungngam tak hen um ule, thinlung munkhat put ule, lungrual tak hen um u; chun zângfahnâk 1eh remnâk Pathian chu nan sinah a hawng um lai.

EPHESI 6:10

A dawnghchemnâk ah Lalpa ah leh a chaknâk ah thiltikhonâk nei hen hawng um u.

DEUTERONOMY 12:18

Nanmah leh nan fa tla, nan to-aw leh nan khua lakah Levi um mi tla hen, munkhat dut hen hi bang thil ap tla hi LALPA nan Pathian nih amah sawnhnâk mun ah a thîm mi mun cho ah nan ei dut ding asi. Chunah chun nan thilti zawzawngah nanna lâwm ding asi.

DEUTERONOMY 16:11

Nan khua ah um mi tla numei, ngâkṭah, ramdang minung, Levi tla, nan fa leh to-aw tla hen, munkhat dut hen lâwm bû hen LALPA mâika ah um u. Hi hi sawnhnâk mun pakhat ah ti u.

PHILIPI 3:3

Kannih Pathian Thlarau zârah Pathian sawnh leh Krist Jisu putso leh taksa tlûnah rinhsannâk ngauh lotu tla hi fêmtan tla kan si dauh asi.

PHILIPI 4:4

Lalpa ah chun a lâwm kumza u. Ka ti nawlh lai, a lâwm u.

PHILIPI 4:8

A dawnghchem ah chun, unau le tla, a dik mi zawng, zah a kâi mi zawng, â rep mi zawng, a thenhlimh mi zawng, duh a kâi mi zawng, a thang dawh mi zawng, ṭhatnâk rerêng a um hen sawr tlâk rêng a um chun chubang chu dawnruat u.

1 THESALONIKA 4:1

Chun, unau le tla, a dawnghchem ah chun, nan umdân ding leh Pathian nan lawmhtir ding dân, tuah nan umdân hâwi hi kan sinah mi nanna ting hâwi khan nan châwng khunnâk ding hen Lalpa Jisu ah kan ngiar na hen kan fawrh na asi.

1 THESALONIKA 5:16

Lâwm kumza u,

JEM 1:2

Ka unau le tla, nan lakah niknâk zeital hawng um khawmsele, vânṭhatnâk ah ruat u.

1 PETER 3:8

A dawnghnâk ah chun nan ektê hen thinlung munkhat hen um u, a siherh tawnh u; unau tla hâwi hen a dâwt tawnh u, zângfahnâk nei tawnh ule, a nâutir tawnh u.

1 PETER 4:13

A rokualnâk langh hen a um tikah lâwmnâk rangtling hen nan um khonâk ding hen Krist tuarpitu nan si ti theih hen a lâwm dauh lehlam u.

2 PETER 3:1

Duhtak tla, tuah nan sinah ka rîn mi hi ka lasuikuat veinihnâk asi. Chu lasuikuat tla nih chun nan thinlung dawnruatnâk thenhlimh chu thawhtir ding hen ka ti asi.

1 SAMUEL 2:1

Hanah nih thla a cham: “LALPA nih ka thinlung lâwmnâk hen a khattir, thil a ti ruangah thungâi ka lâwm! Ka mêlma tla chu ka nihsanh na; LALPA nih hawng ka ṭangpi ruangah thungâi ka lâwm!