PHILIPI 2:9 - Bawm Common Language Bible Version

⁹ Churuang chun, Pathian nih anih chu fâk tak hen a chawnglawmh bâk rûl le, min zawzawngah min chungnungchem chu a pêk rawh.

PHILIPI 2:9 ပူးပေါင်းရင်းမြစ်များ

GENESIS 3:15

Nang leh hi nunau hi kan huatir na lai; na thlâk leh a thlâk anna mêlma kumza lai. A thlâk nih na lû thî a suah lai le, nangnih a thlâk tla kê na chuk lai.

SAM 110:1

LALPA nih chun lalchem ka lal sinah, “Na mêlma na kezahphah tangah ka siah lânlo chu ka vawrhlei ah hin to rawh.

SAM 110:5

LALPA chu na kiangah a um lai le; a thinrun tikah lal tla chu a neh na lai.

SAM 89:27

Ka fapa tîr ah leh lal zawzawngah a lianchem ah ka nan siah lai.

SAM 91:14

Pathian nih chun, “Hawng ka dâwttu chu ka hum lai le, LALPA kasi ti hawng ka theihtu tla chu ka vêng na lai.

ISAI 52:13

LALPA nih, “Ka to-aw chu a rianṭuannâk mun a luah lai le, zahkâi tak hen a um lai.

ISAI 53:12

Churuangah zahkâinâk leh rokualnâk leh mi thiltikho tak sinâk ka pêk lai. Misual tla thi ding rûlah thi hen siang tak hen a nungnâk a pêk. Misual tla mun a luah le, ngaihdam an si khonâk ding hen thla a cham piak na,” a ti.

ISAI 9:7

A lal thiltikhonâk chu a lian dadauh lai le; a lalram ah chun remnâk a um kumza lai. Lalchem David ruangrûl ah lâi a rêl lai le, a thiltikhonâk chu dik tak leh rep tak hen tu thawk hen tik dawngh tiang a um lai. LALPA Zeizawng tikho nih hi zawzawng ti ding a tum asi.

DANIAL 7:14

Phun zawzawng leh chi zawzawng leh hawlh zawzawng nih a rian an ṭuannâk ding hen a sinah thuneihnâk leh lal thiltikhonâk an pêk, a thuneihnâk leh a ram chu zungzâl tiang hen dawngh a nei lai lo.

MATHAI 11:27

“Ka Pa nih thil zeizawng hawng ka kiltir rawh. Pa lo nih chun âukhawm nih Fapa hi an theih loh. Fapa leh an sinah Fapa nih a phuang duhnâk tla cho lo nih chun âukhawm nih Pa chu an theih loh.

MATHAI 28:18

Chun, Jisu chu an sinah a hawng kal le, annih tla chu a sawnh na, “Tual leh vân ah mi thuneihnâk zawzawng ka sinah pêk asi rawh.

LUK 10:22

“Ka Pa nih thil zeizawng hawng ka kiltir rawh; Pa cho lo nih chun Fapa chu âu mesi ti âukhawm nih an theih loh! Pa khawm chu âu me asi ti, Fapa leh an sinah Fapa nih a phuang duh mi tla cho lo nih chun âukhawm nih an theih loh,” a ti.

JOHAN 13:3

Jisu nih chun Pa nih thiltikhonâk rangtling a pêk ti a theih; Pathian sinah thawk hen a hawng kal mi leh Pathian sinah a kal awt ti a theih.

JOHAN 17:11

Chun, kei lam chu laikulh ah ka um lai lo rawh, hi bang tla lam chu laikulh ah an um, kei na sinah ka hawng awt rawh. Pa Thenhlimh, nangnih kei na ka pêk mi tla hi na min hen hum rawh, pumkhat ansi khonâk ding hen, kanmah pumkhat kan si hâwi hen.

JOHAN 17:12

An sinah ka um liau khan, nangnih kei na ka pêk mi tla hi na min hen ka hum tâwn; annih chu ka vêng le, an lakah pakhat khawm an vei lo, a tlâu ding mi pa lo kha chu; Pathian lasui thu a hawng tlung khonâk ding hen.

JOHAN 17:5

Pa, laikulh um lânah na sinah rokualnâk ka nei mi hen khan, tu ah nangmah sin ngelchel ah hawng ka chawnglawmh rawh.

THILTI 5:31

Amah ngelchel kha Pathian nih Ruitu leh Ruangsuahtu rangah um ding hen a vawrhlei ah a chawnglawmh rawh, Israel tla sual rimtir ding leh ngaihdam ding hen.

KOLOSA 1:18

Anih chu a taksa, kawhmi lû asi; zeizawng ah chungnungchem a hawng si khonâk ding hen, a bulpi, mithi lakah mi suak masa chem chu asi.

2 THESALONIKA 1:12

Kan Pathian leh Lalpa Jisu Krist zângfahnâk hâwi vima hen kan Lalpa Jisu min chu nanmah lakah chawnglawmh hen a um kho lai le, nannih khawm amah lakah chawnglawmh hen nan um kho lai.

HEBRAI 1:4

Pathian nih a min khawm anmah tla ngâk hen rokual dauhnâk a pêk hâwi hen Fapa chu vânmifial tla ngâk hen rokual dauh hen a siam.

HEBRAI 1:9

Diknâk chu na duh le, diklonâk chu na hua. Churuangah Pathian, na Pathian nih chun, Na hâwi tla ngâk hen chawnglawmhnâk rokual dauh a nan pêk,” ti hen a sim.

HEBRAI 12:2

Anih nih chun a mâilei ah lâwptlonâk um mi ruangah kraws ah thihnâk chu zei siarlo hen, tu ah Pathian laltophah vawrhlei ah a va to rawh.

HEBRAI 2:9

Sikhawmsele, Jisu, vânmifial tla ngâk hen niam dauh rih hen siam mi chu, thihnâk tuar ruangah rokualnâk leh chawnglawmhnâk khuhtir hen kan muh rawh asi. Pathian zângfahnâk zârah mi zawzawng rangah thih piak na ding hen.

1 PETER 3:22

Jisu chu vân ah kal hen Pathian vawrhlei ah a to rawh. Vânmifial zawzawng tla leh vân ah thuneitu tla leh thiltikhonâk tla tlûnah lâi a rêl.

2 PETER 1:17

Anih nih chun Pa Pathian sin thawk hen rokualnâk leh chawnglawmhnâk pêk asi liau khan kan um ko asi, Chungnungchem aw-hâu chu a tlûnah hi hâwi hen a hawng suak, “Hi hi ka Fapa duhtak, ka lawmh ngâi mi chu asi,” ti hen.

3 JOHAN 1:7

lunglo tla thawk hen zeikhawm ṭangpinâk lâk lo hen Krist rianṭuan ding hen an suak rawh ruangah.

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.

THUPHUANG 19:16

Chun, a puan leh a kê ah min rîn, “lal tla Lal leh hotu tla Hotu,” ti hen a um.

THUPHUANG 3:21

A nehtu vial chu ka laltophah ah ka sinah ka totir lai le, kei khawm nih ka neh le, ka Pa sinah a laltophah ah ka to hâwi hen.

THUPHUANG 5:12

“Dawrâ Fa thah rawh mi hi, thiltikhonâk tla, neih leh siahnâk tla, finghnâk tla, chaknâk tla, chawnglawmhnâk tla, rokualnâk tla, malsâwmnâk tla tawng tlâk asi,” ti hen la an sak.