PHILIPI 2:8 - Bawm Common Language Bible Version

⁸ Chun, minung hâwi a um hen, â nâutir le, thih phah rê hen thu zâwt hen a hawng um rawh, Kraws a thihnâk tak chu.

PHILIPI 2:8 ပူးပေါင်းရင်းမြစ်များ

SAM 22:16

Misual murui nih ui râng tla hâwi hen an ka kulh le, an ka naih; ka kut leh kê an sâm ver.

THUFING LASUIBU 15:33

LALPA zah chu thiamnâk asi. Mi chawnglawmh hen na um lânah nâu tak hen na um ding asi.

MATHAI 17:2

An mâika ah chun a mêl umzia chu a hawng a dang rawh. A mêl chu nî hâwi hen a hawng chêu le, a nipuan tla chu chêu hâwi hen a hawng vâr rawh.

MATHAI 26:39

Chun, tâwm hen mâi leiah a va kal le, a bawkbukhup le, “Ka Pa, tikho asi chun hi hâi nih hin hawng ka lanh seh; sikhawmsele keimah thu silo hen, nangmah thu thu si dauh seh,” ti hen thla a cham.

MATHAI 26:42

Chun, veinihnâk ah a va kal le, thla a cham nawlh le, “Ka Pa, din lo hen hi hâi nih hin hawng ka lanh kho lo thlo chun nangmah thu thu si seh,” a ti.

LUK 9:29

Chun, thla an cham liauah a mêl umzia chu a hawng a dang le, a nipuan chu a hawng vâr le, mit ser rê hen a hawng um rawh.

JOHAN 10:18

Âukhawm nih ka sinah mi an lâk kho lai loh, keimah thu thu hen ka pêk awt asi. Pêk kho kasi, lâk nawlh kho khawm kasi. Hi thupêk hi ka Pa thawk hen ka tawng asi,” a ti.

JOHAN 14:31

Sikhawmsele, kei nih Pa ka dâwt leh Pa nih thu hawng ka pêk hâwi vima hen thil ka ti; laikulh nih an theih khonâk ding hen asi hi. “Thawk u, hin a mi hi kan kal lai.”

JOHAN 15:10

Nannih nih ka thupêk tla nan zâwt chun ka dâwtnâk ah nan um kumza lai; kei nih ka Pa thupêk tla ka zâwt le, a dâwtnâk ah ka um kumza hâwi hen;

JOHAN 4:34

Chun, Jisu nih an sinah a sim le, “Hawng ka fialtu duhzia ti leh a rianṭuan dih ding hi ka buh asi.

THILTI 8:33

 nâutir liauah a tlûnah diknak hen lâi an rêl lo; hi a thlâk tla thâwngthâng âunih me sim lai? Laikulh thawk hen a nungnâk an lâk piak rawh dangâiah,” ti hi.

ROM 5:19

Mi pakhat ê-aw ngâilonâk ruangah khan mi tam tak chu misual an hawng si rawh: chu hâwi ber hen mi pakkat ê-aw ngâinâk ruangah khan mi tam tak chu mirep an hawng si lai.

2 KORIN 8:9

Kan Lalpa Jisu Krist zângfahnâk chu a pâmnâk ruangah nan hawng nei khonâk ding hen, nei khawmsele nanmah ruang takah a hawng pâm mi kha nan theih asi.

GALATIA 3:13

Krist chu kan ruangrûl ah siat ting hen Dân siat lakah mi hawng kan suah rawh; “Thing ah thlâi mi vial chu siat ting an si,” ti hen Pathian lasui thu nih a sim ruangah.

DEUTERONOMY 21:23

zân khuavâr hen an siah ding asi lo. Chu ruak thlâi mi nih chun Pathian siatbarhnâk chu ram lakah a hawng tlungtir awt ruangah chu ni lîlâ ah ruak chu vûi ding asi. LALPA nan Pathian nih a nan pêk na mi ram chu nâwmtir lo ding hen ruak chu vûi ving u.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

HEBRAI 12:2

Anih nih chun a mâilei ah lâwptlonâk um mi ruangah kraws ah thihnâk chu zei siarlo hen, tu ah Pathian laltophah vawrhlei ah a va to rawh.

HEBRAI 12:4

Sual do hen thih phah rê hen nanna ṭang lo rih.

1 PETER 2:24

Sual leikângah thi rawh hen, repnâk leikângah kan nung khonâk ding hen Krist ngelchel nih kraws ah khan a taksa hen kan sual tla a phurh le, amah liamnâk tla hen damtir hen nan um rawh.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.