PHILIPI 2:5 - Bawm Common Language Bible Version

⁵ Hi thinlung, Krist Jisu khawm ah um mi kha nanmah lakah um seh:

PHILIPI 2:5 ပူးပေါင်းရင်းမြစ်များ

MATHAI 11:29

Ka liangbat a bat ule, ka sinah a sîn u; dawnh kho mi leh thinlung ah â nâutir mi tak kasi; chun, nan thlarau rangah dinhnâk nan tawng lai.

LUK 22:27

Âu me rokual dauh, buh dûmtu ma, eibâr timhtuahtu? Buh dûmtu asi lo ma? Sikhawmsele, kei lam chu nan lakah eibâr timhtuahtu hâwi hen ka um hi.

THILTI 10:38

nannih nih nan theih bâk khateh; Nazaret Jisu kha, kha hâwi hen Pathian nih anih chu Thlarau Thenhlimh leh thiltikhonâk hen a vurh zia kha; anih nih chun mi tlûnah ṭhattir leh diabol nehsawh zawzawng damh hen a ṭawl tâwn le, Pathian a sinah a um.

THILTI 20:35

Zeizawng ka ti mi vial zûn ka nan zauhtir na tâwn kha, chubang hâwi hen hamh tak a ṭuan bû hen Lalpa Jisu thu theihkumza bû hen mi chaklo tla nan ṭangpi ding asi; amah ngelchel nih, “Zeilo lâk lei ngâk hen pêk lei a ṭha dauh,” a ti.

ROM 14:15

Na zei lo ei ruangah na unau thinlung a fâk chun dâwtnâk dân na zâwt lo rawh asi. Amah ruangrûl ah Krist a thih piak mi chu na zei lo ei nih veih lah seh.

ROM 15:3

Krist khawm nih mah lawmhnâk a hâwl lo. “Nangmah fâitu tla fâinâk chu keimah tlûnah a tlâ,” ti rîn hâwi khan asi dauh.

ROM 15:5

Chun, kan Lalpa Jisu Krist Pa leh Pathian chu thinlung munkhat leh thurual a kan chawnglawmh khonâk ding hen, felfênâk leh lungngamnâk Pêktu Pathian nih chun Krist Jisu sim hâwi hen, thinlung munkhat put hen a nan umtir na seh.

EPHESI 5:2

Krist nih a nan dâwt na le, Pathian sinah thil ap ah leh bâwlnâk rimthaw rang dingah kan ruangrûl ah â pêk mi hâwi khan zângfahnâk ah um u.

PHILIPI 1:1

Pawl leh Timothe, Krist Jisu ah to-aw tla nih chun: Krist Jisu ah mi thenhlimh, Philipi khua ah um zawzawng tla sinah, kawhmi hotu tla leh rianṭuantu tla sinah khawm.

1 PETER 2:21

Hi hi asi, ti ding hen Pathian nih a nan kawh na mi chu: Krist nih nan rangah a tuar rawh ruangah a nehnûn nan zûl ding hen zûnzauh ding ah a nan mâk na asi.

1 PETER 4:1

Chun, Krist nih taksa hen a tuar rawh ruangah nannih khawm chu hâwi dawnruatnâk hen nanna chaktir ding asi. Âuzawng taksa ah tuartu nih chun sual a bângtâk rawh ruangah.

1 JOHAN 2:6

Pathian sinah kan um asi ti theihnâk chu hi hi asi, Pathian lakah ka um titu chu Jisu hâwitê hen a um ding asi.