PHILIPI 2:16 - Bawm Common Language Bible Version

¹⁶ chun, nabeibâng hen ṭuan khawm kasi lo ruangah Krist ni ah chun putso ding ka nei kho lai.

PHILIPI 2:16 ပူးပေါင်းရင်းမြစ်များ

SAM 40:9

LALPA, na mi le pumhnâk ah chun ruang na kan suah mi thâwngthâng ka sim. Chu thusim chu ka bâng rêng lai lo ti na theih.

SAM 71:17

Ka ngâksia liau thawk hen na hawng ka sîntir le, na thilchê ti tla chu ka sim nget rih.

ISAI 49:4

“Ka ṭuan le, sikhawmsele, lungum a kâi lo chiam e! Ka chaknâk ka mang le, sikhawmsele zeikhawm â lîm lo,” ka ti. LALPA nih ka thilti lakah lâwmman hawng ka pêk lai.

MATHAI 10:27

Mûi lakah ka nan simh na mi hi chêu ah sim u; nâ ah nan theih mi hi in tlûnah a chuan hen âu u.

LUK 12:8

“Chun, ka nan simh na, mi le mâika ah hawng ka ṭanhtu zawng Pathian vânmifial tla mâika ah Minung Fapa nih a ṭanh bâk lai.

JOHAN 6:63

Nungtirtu chu thlarau asi, taksa chu zeirang khawm ah a tlâklo; nan sinah thu ka sim mi tla hi thlarau asi, nungnâk khawm asi.

JOHAN 6:68

Chun, Simon Peter nih a sinah, “Lalpa, âu sinah me kan kal lai? Nangnih zungzâl nungnâk thu na nei asi.

THILTI 13:26

“Unau le tla, Abraham thlâk tla, nan lakah Pathian ṭihtu tla, kanmah tla sinah hin hi bang ruangsuaknak thu hi hawng kan kuat rawh asi hi.

1 KORIN 1:8

Anih nih chun kan Lalpa Jisu Krist Ni ah chun simsâwi kawplo hen nan umnâk ding hen a dawngh tiang hen a nan birhtir na lai.

1 KORIN 9:26

Chun, chu hâwitê hen tek san bulbal theih lo hen ka tek tâwn.

2 KORIN 1:14

Chun, Lalpa Ni ah nannih kan putso na mi nan si awt hâwi ber hen kannih khawm nan kan putso mi kan si awt ti tuah a chimpâl cho hen nan theih mi kha nan theihfiang ver lai rawh ti ka ruat asi.

GALATIA 2:2

Chun, theihtirnâk ruangah ka va kal le, Phundang tla lakah Thâwngthâng Ṭha ka phuang tâwn mi hi anmah tla ka simh na; sikhawmsele, mi lian dauh tla chu a dang hen ka simh na, chu hâwi asi lo chun a lânah mi ka rianṭuan mawh tu mi hi a thawttham hen a um lebang lai.

PHILIPI 1:6

Nanmah lakah thil ṭha dawmhtu nih khan Jisu Krist Ni tiang hen a rangtlingtir vima awt, chu tak chu ka lung thlir ruangah.

1 THESALONIKA 2:19

Kan lungumnâk mawh, kanna lâwmnâk mawh, kan lallukhuh putso mawh zei me asi ne? A hawng tikah kan Lalpa Jisu mâika ah chun nanmah ngelchel nan si awt mi asi lo ma?

1 THESALONIKA 3:5

Churuang chun ka tuar kho lo nûnah, lêmtu nih chun an thlûk na lebang lai le, kan ṭuan hamhnâk chu a thawt lebang lai ti hen, nan lung zia ka theih khonâk ding hen mi ka hawng fial asi.

HEBRAI 4:12

Pathian thu hi a nung le, thil a ti kho le, nâmsâu hâr nih nei um mi ngâk hen a hâr dauh le, nungnâk leh thlarau liahchân leh thlik phel dip rê hen a tuk kho le, thinlung ah dawn mi leh tum mi tla lakah thu a nei chawlh kho asi.

1 PETER 1:23

Thikho mi nu leh pa fa hâwi silo hen, thikholo mi fa tla, Pathian zungzâl thu nung ah suak nawlh mi nan si ruangah.

1 JOHAN 1:1

Nungnâk Thu, a tîr thawk hen a um mi kha, kan nâ hen kan theih le, kan mit hen kan muh kha, kan zauh le, kan kut hen kan tawngh kha.

THUPHUANG 22:17

Thlarau leh mo nih chun, “Hawng rawh” an ti. A theihtu zawng nih, “Hawng rawh,” ti seh. A tîhâl mi zawng chu hawng seh, nungnâk tî hi a duhtu zawng nih a thawt hen lâk seh.