PHILIPI 2:12 - Bawm Common Language Bible Version

¹² Chun, ka duhtak tla, thu nan zâwt kumza hâwi khan, ka um liau cho ah ṭuan lo hen, tu ka um lo kar hin ṭuan dauh lehlam hen, lâu leh thir bû hen nanmah ruangsuahnâk ṭuan u;

PHILIPI 2:12 ပူးပေါင်းရင်းမြစ်များ

Ezra lasuibu 10:3

Hi bang nunau leh an fa tla hi nar phin hen Pathian sinah tuah thutiam bir tak kan nei ding asi. Pathian ṭih leh zahtu tla nih thu hawng kan pêk mi hâwi hen kan ti lai. Pathian Dân nih ti ding hawng kan ruat mi chu kan ti lai.

SAM 119:120

Nangmah ka nan ṭih; na lâirêlnâk ruangah lâunâk hen ka khat.

SAM 2:11

Ṭih bû hen LALPA rian chu ṭuan ule;

THUFING LASUIBU 10:16

Thil ṭha ti ruangah lâwmman chu nungnâk asi. Sikhawmsele, sualnâk nih sual khunnâk leiah a kalpi.

THUFING LASUIBU 13:4

Mi zângzê nih zeizat tal thil duh khawmsele a tawng lêm lo. Hamh tak hen rianṭuantu nih zeizawng a tawng.

ISAI 66:2

Keimah nih laikulh pumpi ka siam mi asi! Nâu tak hen um mi tla leh rim hen hawng ka ṭih hen ka thu zûltu tla lakah chun ka lâwm.

ISAI 66:5

LALPA ṭihtu leh a thu zûltu tla, LALPA thusim ngâi u: “Nannih chu ka lakah zumh nan kâi ruangah nan lakah mi zeimaw mi nih a nan hua na le, nanmah hen zei thilti ding khawm an nei lai lo. ‘LALPA nih a rokualnâk an muhtir na hen an hum na seh, chu tikah nanna lâwm mi kan muh kho lai’ ti hen an nihsanh na. Sikhawmsele annih tla chu ningzak saih hen an um lai!

MATHAI 11:12

Baptistu Johan umnâk thawk hen tu tiang hen Vân Ram nih chun zângnâwrnâk a tawng tâwn le, zângnâwrtu tla nih chun zângran hen an lâk tâwn.

MATHAI 11:29

Ka liangbat a bat ule, ka sinah a sîn u; dawnh kho mi leh thinlung ah â nâutir mi tak kasi; chun, nan thlarau rangah dinhnâk nan tawng lai.

THILTI 16:29

Chun, a vêngtu nih chun khâwnvâr a lam le, a lût le, lâu leh thir bû hen Pawl leh Sila mâika ah a bawkbukhup.

THILTI 9:6

Sikhawmsele, thawk le, khua ah lût rawh, chun na ti ding mi a nan simh lai,” a ti.

ROM 2:7

Thil ṭha ti rarâm hen, rokualnâk leh chawnglawmhnâk leh thi kho lo mi nungnâk hâwltu tla sinah chun zungzâl nungnâk a pêk lai.

1 KORIN 15:58

Churuangah, ka unau duhtak le tla, bir tak hen, changh kho lo rê hen, Lalpa rian ṭhanemngâi tak a ṭuan kumza hen um u, nan ṭuan hamhnâk chu Lalpa ah chun a thawt dahlo ti nan theih asi.

1 KORIN 2:3

Chun, chak lo leh ṭih hen, thungâi thir bû hen nan lakah ka um.

1 KORIN 4:14

Ka nan ningzaktir na ding hen hi thu hi ka rîn lo le, ka fa duhtak tla hâwi hen nun a nan simh na ding hen ka rîn dauh asi.

2 KORIN 7:15

Chun, nan ektê hen a thu nan ngâi zia lâu leh thir bû hen amah nan lawmh zia tla chu theih ko hen a thinlung chu nanmah leikângah a um khun asi.

EPHESI 6:5

To-aw tla, Krist thu nan zâwt hâwi hen ṭih leh thir bû hen, thinlung lungkhat hen,

PHILIPI 1:27

Zeikhawm si sele, nan umdân chu Krist Thâwngthâng Ṭha hen a êp ta seh, chun, nanmah tla an veh na khawmsele, nan sinah um lo khawmsele thlarau munkhat ah dîr thlir hen thinlung munkhat ah Thâwngthâng Ṭha lungnâk thu chu ṭanh leh ṭuan dut hen,

PHILIPI 1:29

Krist ruangah amah nan lung cho si lo hen amah ruangah nan tuar khawm siang asi;

PHILIPI 1:6

Nanmah lakah thil ṭha dawmhtu nih khan Jisu Krist Ni tiang hen a rangtlingtir vima awt, chu tak chu ka lung thlir ruangah.

PHILIPI 2:19

Sikhawmsele, nan thâwngthâng ka theih hen, ka lungngam kho bâk ding hen sâwtlotê nûnah Timothe hi nan sinah fial ding hen Lalpa Jisu ah chun ka lungum asi.

PHILIPI 4:1

Churuangah, ka unau duhtak leh ngâi tak, ka lâwmnâk leh ka lallukhuh tla, chu hâwi chun Lalpa ah bir tak hen dîr u, ka duhtak tla.

PHILIPI 4:15

Chun, nannih Philipi mi tla, Thâwngthâng Ṭha tlung tîr liauah, Makedonia ram thawk hen ka suak liau khan, nanmah cho lo chu Kawhmi murui pakhat khawm nih thilpêk leh tingvo leikângah chun an ka ṭangpi lo ti nanmah tak nih nan theih bâk.

2 TIMOTHE 2:10

Churuangah, Jisu Krist lakah um mi ruangsuahnâk chu, zungzâl a rokualnâk hen an tawng kho bâk nâk ding hen, thîm tla ruang chun zeizawng ka tuar tâwn.

HEBRAI 12:1

Hawng kan theihpitu mi zapi tam tak kan kiangkam ah um mi ruangah hawng kan nawktirtu zawng leh sual kanmah lakah um mi chu kan lawnh lai. Chun, Jisu kan lungnâk ngauhnâk ah rangtlingtirtu lei chu zauh hen, kan mâilei ah tekzuamnâk ding a um mi lakah felfê tak hen kan tek vima lai.

HEBRAI 4:1

Churuangah, kan ṭih ding asi, chu lo chun Pathian dinhnâk ah lûtnâk ding thutiam um ko hen, nan lakah âumawh a dinhnâk ah lût kho lo hen nan um lebang lai.

HEBRAI 4:11

Kan lakah âukhawm ê-aw ngâilo ruangah an lût kho lo phah mi hâwi kan si lonâk ding hen Pathian sinah lût leh a dîn ding hen kan chelh ri kan suah lai.

HEBRAI 5:9

Chun, rangtling tak hen siam a hawng si rawh chun ê-aw ngâitu zawzawng rangah zungzâl ruangsuahnâk phûrpi a hawng si rawh.

1 PETER 2:11

Duhtak le tla, khual leh khualtlâwng mi nan si ruangah thlarau do tâwntu taksa duhnâk tla bângtâk ding hen ka nan ngiar na asi.

2 PETER 3:18

Sikhawmsele, kan Lalpa leh Ruangsuahtu Jisu Krist zângfahnâk leh theihnâk ah chun hawng ṭhang u. Tuah leh zungzâl tiang hen amah sinah chun rokualnâk um seh! Amen.