PHILIPI 2:1 - Bawm Common Language Bible Version

¹ Chun, Krist ah ṭangpinâk rerêng, zângfahnâk ah lungngamnâk rerêng, Thlarau kawhnâk rerêng, siherhnâk leh zângfahnâk rerêng tla a um chun,

PHILIPI 2:1 ပူးပေါင်းရင်းမြစ်များ

SAM 133:1

Pathian mi tla rem tak leh nuam tak hen munkhat an um mi chu a chê a!

ISAI 16:11

Moab ruangah ngaihsia hen ka rûm le, Kir Heres ruangah ka ngaih a sia.

LUK 2:25

Chun, Jerusalem ah chun minung pakhat a min Simeon a um. Chu minung chu mirep tak leh Pathian sunhsak mi tak asi le; Israel tla thlangamhtu ding mi chu a ngâk kumza le, a tlûnah Thlarau Thenhlimh a um.

JOHAN 14:18

“Ngâkṭah hen ka nan kaltâk na awtlo le, nan sinah ka hawng kal nawlh lai.

JOHAN 14:27

“Lungngamnâk ka nan mâk na; keimah lungngamnâk ka nan pêk na; laikulh nih a pêk hâwi hen ka nan pêk na lo hi. Nan thinlung lawksawng lah seh, ṭih khawm ṭih lah seh.

JOHAN 17:13

Sikhawmsele, tuah na sinah ka hawng awt rawh; laikulh ah hi bang thu hi ka sim asi, ka lâwmnâk anmah lakah an nei rangtlingnâk ding hen.

THILTI 2:46

Chun, nisiar thinlung munkhat hen Pathian Biakin ah chun ṭhanem ngâi tak hen an um tâwn le, an in lei tla khawm ah sang an phel le, lâwptlo leh lungâwi tak hen buh an ei tâwn le,

THILTI 4:32

Chun, a lungtu mi zapi tla chu thinlung munkhat leh dawnruatnâk munkhat hen an um; an lakah pakhat khawm nih an thil neih, “Ka tâ bîk asi,” an ti lo; thil zawzawng anna bâwm ver tâwn.

ROM 5:5

Chun, Thlarau Thenhlimh kan sinah hawng kan pêk mi nih khan Pathian dâwtnâk chu kan thinlung ah a khattir rawh ruangah lungumnâk nih chun a mualphotir lo.

ROM 8:26

Chu hâwi ber hen, Thlarau nih chun kan chaklonâk tla a bawmh tâwn le; zei hâwi a thlacham ding me si ti kan theih lo; sikhawmsele, thlarau nih chun rûm sim kho lo rê hen thla hawng kan cham piak tâwn.

1 KORIN 12:13

Kan ektê hen, Juda mawh, Phundang mawh, sal mawh, sal lo mawh taksa pumkhat a um ding hen Thlarau pumkhat cho ah baptis hen kan um chiau le, Thlarau pakhat cho hawng kan dintir chiau fâwn.

1 KORIN 15:31

Unau le tla, Krist Jisu kan Lalpa ah chun ka nan putso na nâk chu sâl hen, “Nisiar hen ka thi tâwn,” ka ti asi.

1 KORIN 3:16

Pathian in nan si ti leh Pathian Thlarau nanmah lakah a um kumza ti nan theih lo mazei?

2 KORIN 13:14

Lalpa Jisu Krist zângfahnâk leh Pathian zângfahnâk leh Thlarau Thenhlimh kawmhnâk chu nan ektê sinah um seh.

2 KORIN 2:14

Sikhawmsele, Krist nehnâk ah hawng kan rui kumzatu leh kanmah tla mang hen mun kip ah amah theihnâk rim theihtirtu Pathian sinah chun lâwmthu um seh.

GALATIA 4:6

Chun, fa nan si ruangah Pathian nih a Fapa Thlarau chu “Abba, ka Pa” ti a auh hen, kan thinlung ah a hawng fial.

GALATIA 5:22

Thlarau rah lam chu zângfahnâk, lâwptlonâk, remnâk, dawnhkhonâk, vêlneihnâk, ṭhatnâk,

EPHESI 4:4

A nan kawh na san lungumnâk munkhat hen kawh nan si hâwi ber hen khan taksa pumkhat leh Thlarau pakhat cho a um.

PHILIPI 1:8

Krist Jisu siherhnâk ah chun nan ektê hen ka nan ngâi na zia chu Pathian hawng ka theihpitu asi.

PHILIPI 3:3

Kannih Pathian Thlarau zârah Pathian sawnh leh Krist Jisu putso leh taksa tlûnah rinhsannâk ngauh lotu tla hi fêmtan tla kan si dauh asi.

KOLOSA 2:2

Chun, Pathian thuthup finghnâk leh theihnâk ro zawzawng thuhnâk Krist chu an theih khonâk ding hen, theih a lung thlirnâk neihnâk zawzawng chu ting ding hen zângfahnâk ah a sih dut hen, an thinlung tla chu lungngam hen a um kho lai.

KOLOSA 3:12

Chun, Pathian mi thîm, mi thenhlimh leh duhtak tla hâwi hen siherhnâk thinlung tla, vêlneihnâk thinlung tla, ngâiniamnâk tla,

HEBRAI 6:18

Thil panih a um: Pathian a âwkrâwl kho lo mi leh thlakthleng kho lo mi chu, kannih a sinah himnâk tawngtu tla hi kan mâilei ah lungumnâk chu bir tak tleih thlir ding hen fâk tak hen fawrh kan si.

1 PETER 1:2

Pathian thiltum hâwi hen Thlarau ah a nan thenhlimhtir na ding leh Jisu Krist ê-aw ngâi ding hen, a thisen hen a nan thiangtir na ding hen amah nih a nan thîm na asi. Nan tlûnah zângfahnâk leh remnâk pungtir hen um seh.

1 JOHAN 3:24

Pathian thupêk zûltu chu Pathian lakah a um kumza le, Pathian khawm amah lakah a um. Chun hi lak hin amah chu kanmah lakah a um kumza ti kan theih, Thlarau hawng kan pêk mi lak hin kan theih asi.

1 JOHAN 4:12

Âukhawm nih Pathian an muh dahlo; kanna zângfah tawnh chun, Pathian kanmah lakah a um lai le, a zângfahnâk khawm kanmah lakah a rangtling lai.

1 JOHAN 4:16

Pathian nih kanmah lakah zângfahnâk a nei ti kan theih le, kan lung asi. Pathian chu zângfahnâk asi, zângfahnâk ah a um kumza mi chu Pathian lakah a um kumza asi. Pathian khawm amah lakah a um kumza asi.