PHILIPI 1:9 - Bawm Common Language Bible Version

^9-11 Chun, nan zângfahnâk nih theih rangtlingnâk leh fâifîmnâk zeizawng ah a nei khunnâk ding hen thla ka cham tâwn hi; chun, Pathian rokualnâk leh sawrnâk ding ah Jisu Krist zârah repnâk rah um mi hen hawng khat hen, Krist ni rangah a tak tak leh simsâwi kawplo nan si khonâk ding hen thil ṭha khun tla chu ṭha nan ti kho lai.

PHILIPI 1:9 ပူးပေါင်းရင်းမြစ်များ

JOB LASUIBU 17:9

Mi zahkâi hen anna ruat mi tla chu, an dik hen anna ruat dadauh.

SAM 119:66

Na thupêk ka zumh ruangah finghnâk leh theihthiamnâk hawng ka pêk.

THUFING LASUIBU 4:18

Mirep tla kalnâk lampi chu sûn nî a suak mi hâwi asi le, nî a hawng sâ tan tiang hen a chêu mi hâwi asi.

1 KORIN 14:20

Unau le tla, thinlung leikâng ah ngâksia lah u. Sikhawmsele, sual leikâng lam chun fasêm si ule, thinlung leikâng lam chun upa si u.

2 KORIN 8:7

Chun, zeizawng lungnâk tla, thusim thiamnâk tla, theihnâk tla, ṭhanemsemsê ngâinâk zawzawng tla, hawng kan zângfahnâk tla nan nei hâwi hen chu zângfahnâk khawm chu nan nei tam khonâk ding hen taimâk suah u.

EPHESI 5:17

Churuangah â hen um lah ule, Lalpa duhzia zei me asi ti theih dauh u.

KOLOSA 1:9

Churuang chun, Thlarau finghnâk leh theihkhonâk zawzawng leikângah amah duhzia theih rangtlingnâk ah chun nan hawng khat khonâk ding hen, kan theih ni thawk hen chun kannih khawm nih thlacham hen kan deih piak na mi kan bâng lo.

KOLOSA 3:10

chu minung thar chu theih rangtlingnâk nei ding hen a siamtu bangh a siamthar hen a um liau chir asi;

1 THESALONIKA 3:12

Chun, nanmah leikângah zângfahnâk kan nei hâwi hen, nanmah leikângah zângfah tawnhnâk leh mi zawzawng leikângah zângfahnâk chu Lalpa nih chun an pungtir piak na hen an chawngtir na seh.

1 THESALONIKA 4:1

Chun, unau le tla, a dawnghchem ah chun, nan umdân ding leh Pathian nan lawmhtir ding dân, tuah nan umdân hâwi hi kan sinah mi nanna ting hâwi khan nan châwng khunnâk ding hen Lalpa Jisu ah kan ngiar na hen kan fawrh na asi.

2 THESALONIKA 1:3

Unau tla, nanmah leikâng thu ah Pathian sinah lâwmthu sim kumza ding rêng kan si; chu chu â dawh rêng asi, nan lungnâk thu thungâi ṭhanglian hen, nan ektê hen nanna zângfah tawnhnâk chu a pung khun ruangah;

PHILEMON 1:6

Ka thlachamnak chu, lungtu kan sinâk ah hin Krist hen kanna tlâinâk nunchan, malsâwmnâk kip theihnâk thûk dauh kan nei mi hawng suah ding hen asi.

HEBRAI 5:14

Buh rum lam chu upa sia leh ṭha theih ding hen ei â zawngh mi rangah asi.

1 PETER 1:22

Unau tla hen a zângfah tawnh tatak ding hen, thudik zâwt hen nanna thenhlimhtir ruangah thinlung ah semsêngâi tak hen a dâwt tawnh u.

2 PETER 3:18

Sikhawmsele, kan Lalpa leh Ruangsuahtu Jisu Krist zângfahnâk leh theihnâk ah chun hawng ṭhang u. Tuah leh zungzâl tiang hen amah sinah chun rokualnâk um seh! Amen.